Tshivenda 1998 (VEN98)
1

Theshano

11Ndi nṋe Paulo we nda vha muapostola wa Khristo Yesu nge Mudzimu a zwi funa. Ndi ṅwalela inwi vhakhethwa vha Mudzimu ngeo EfesaDziṅwe ṱhanzi a dzi buli “Efesa”. vha fulufhedzeaho kha Khristo Yesu. Ndi khou ni resha ndi ri: 2Ngavhe Mudzimu Khotsi ashu, na Muṋe washu Yesu Khristo vha tshi ni itela vhuthu na vha na mulalo.

Mashudu ane ra ṋewa nge ra vha vhathihi na Khristo

3

1:3
2 Korint. 1:3
Nga hu rendwe Mudzimu, Khotsi a Muṋe washu Yesu Khristo, Ene we nga Khristo a ri ṋea mashudu oṱhe a zwa muya a bvaho ṱaḓulu. 4
1:4
Rom. 8:29-30
1:4b
Ef. 5:27
Zwiḽa shango ḽi sa athu na u sikiwa o vha o no ḓi ri nanga nga Khristo, uri a tshi ri sedza a vhone ri vhakhethwa ri sa solisei. Nga lufuno lwawe 5
1:5b
Ef. 1:11
o vha o no dzula o ri ta u vha vhathihi na Yesu Khristo uri ri vhe vhana vhawe. Hezwo o zwi ita nge a tou zwi funa Ene muṋe, 6
1:6
Mat. 3:17
uri ri kone u renda vhuthu hawe vhungafhangafha he a ri itela nga Murwa mufunwa wawe.

7

1:7a
Kol. 1:14
Onoyo Murwa o ri rengulula nga malofha awe uri ri hangwelwe u khakha hashu. Ngoho vhuthu ha Mudzimu ndi vhuhulu! 8O ri kovhela hone lwa u tou wa muwa nga vhuṱali vhuhulu na ṱhalukanyo. 9
1:9
Rom. 16:25
A ita zwe a vha o dzudzanya nga u funa hawe, a ri dzumbululela tshiphiri tsha zwe a vha o ḓiimisela u zwi ita nga Khristo, 10
1:10b
Ef. 1:20-23
Kol. 1:20
a konou zwi khunyeledza ngae musi tshifhinga tsho swika. Zwino-ha tshe a vha o ḓiimisela ndi u ṱanganya tsiko yoṱhe ya zwi re ṱaḓulu na fhano fhasi uri zwoṱhe zwi vhuswe nga ṱhoho nthihi, Ene Khristo.

11

1:11
Rom. 8:28
Ef. 1:9
3:11
Mudzimu u tshimbidza zwoṱhe nga hune a tou funa Ene muṋe. Zwenezwo o dzula o zwi dzudzanya u bva mathomoni, a ri ta uri ri vhe mukovhe wawe nga u vha vhathihi na Khristo. 12
1:12
Ef. 1:6,14
Hezwo o zwi itela uri riṋe Majuda vhe ra vha vha u ranga u ṱulutshela Khristo ri rende vhugala ha Mudzimu. 13
1:13
Ef. 4:30
Na kha inwi vhannḓa zwo ralo: musi ni tshi pfa mafhungo maḓifha ane na tshidzwa ngao, ane a vha yone ngoho ye ra laedzwa, no fulufhela Khristo, Mudzimu a tshi ni swaya nga luswayo lwawe nga u ni ṋea Muya Mukhethwa we na fulufhedziswa. 14
1:14
2 Korint. 1:22
Muya ndi Ene tshiga tsha u khwaṱhisa uri ri ḓo wana mukovhe we Mudzimu a ri fulufhedzisa, musi a tshi ḓo vhofholola tshoṱhe vha re vhawe, uri vhugala hawe vhu rendwe ngazwo.

Thabelo ya Paulo

15

1:15-16
Kol. 1:3,4
1 Thes. 1:2-3
Rom. 1:8
Ndi tshi pfa uri ni fulufhela hani Muṋe washu Yesu na uri ni funa hani vhakhethwa vhoṱhe vha Mudzimu, 16a thi litshi u mu livhuha. Ndi dzula ndi tshi ni rabelela 17uri Khotsi wa vhugala a re Mudzimu wa Muṋe washu Yesu Khristo a ni ṋee vhuṱali vhune ha bva kha Muya, a ni dzumbululele Mudzimu ni mu ḓivhe, 18maṱo a mbilu dzaṋu a vhonetshelwe, ni kone u ṱalukanya zwe Mudzimu a ni fulufhedzisa musi o ni vhidza, na uri vhugala ha mukovhe we Mudzimu a vhetshela vhakhethwa vhawe ndi vhungafhani, 19na vhuhulu ha maanḓa awe. Maanḓa a Mudzimu ndi a shumaho, ha imedzanwi nao, ha na mugumo, a fhira zwoṱhe. Eneo maanḓa a shumaho kha riṋe vhane ra mu fulufhela ndi one 20
1:20
Ps. 110:1Kol. 3:1
e a vusa ngao Khristo vhafuni, a mu dzudza thungo ya tshanḓa tshawe tshauḽa hangei ṱaḓulu vha vhusa vhoṱhe. 21
1:21
1 Pit. 3:22Kol. 1:16
2:10
Zwenezwo Khristo u vho vhusa vhavhusi vhoṱhe, vharuṅwa na thuṅwa na vhalangi vhadzo na vha maanḓa na vhahulwane, kana vhahulwane vhafhio na vhafhio, vha tshifhinga tshino na tshi ḓaho, u a vha vhusa vhoṱhe. 22
1:22
Ps. 8:6
1 Korint. 15:27
Heb. 2:8
Mudzimu o ita zwoṱhe vhukando hawe, a mu vhumba ṱhoho ya tshivhidzo i re nṱha ha zwoṱhe. 23
1:23
1 Korint. 12:12
Kol. 1:19
2:9
Tshivhidzo tshone ndi muvhili wa Khristo; ndi tshone tshine a vha o khunyelelaho ngatsho, Ene-vho ndi Mukhunyeledzi wa zwoṱhe hoṱhe-hoṱhe.Kana: “Ene-vho we zwoṱhe zwine Mudzimu a vha zwone zwa khunyelela khae.”

2

Vhafu vha tshi ṋewa vhutshilo

21Na inwi kale no vha ni vhafu, ni vhapfuki vha mulayo, ni vhatshinyi. 2

2:2
Kol. 2:13
Ef. 2:3,11,13
No vha ni tshi tshila nga u tevhela zwa shango ḽino, na zwa muvhusi a no langa thuṅwa dza Saṱhane dzi re tshikhalani; ndi wone muya u shumaho kha vha sa pfi Mudzimu. 3
2:3
Gal. 5:16
Ps. 51:5
Na riṋe roṱhe ro vha ri tshi nga vhenevho, ri tshi tshila nga u langwa nga nyemulo dza tsiko yashu mmbi, ri tshi ita zwine zwa takadza mivhili yashu na mbilu dzashu. Zwenezwo-ha zwo vha zwo fanela uri Mudzimu a ri rwe-vho nga ṱhamu yawe sa vhenevhaḽa. 4
2:4-5
Rom. 5:6-8
Hone Mudzimu o pfuma tshilidzi, o ri funa nga lufuno luhulu, 5ndi zwe zwiḽa ri tshee vhafu nga vhutshinyi hashu, a ri baḓekanya na Khristo a tshi mu vusa vhafuni – khezwo-ha, no tshidzwa nga khathutshelo ya Mudzimu. 6O ri vusa na Khristo Yesu a ri dzudza nae ngei ṱaḓulu, 7u ralo hu u itela uri na nga zwifhinga zwi ḓaho a sumbedze vhuhulu ha khathutshelo yawe i si na mugumo, ine ya vhonala kha vhuthu he a ri itela nga Khristo Yesu.

8

2:8
Rom. 3:24
4:16
Ef. 2:5
Joh. 6:65
Asizwo-ha, no tshidzwa nga khathutshelo ya Mudzimu, nga u fulufhela Ene; a zwi bvi kha inwi, i tou vha mpho ya Mudzimu. 9
2:9
Rom. 4:4-6
11:6
A hu na tshine na nga ḓikhoḓa ngatsho; hufha zwi songo bveledzwa nga mishumo yaṋu. 10
2:10
Filip. 2:13
1 Korint. 4:7
Mudzimu ndi Ene we a ri ita zwine ra vha zwone; ndi Ene we a ri sika nga huswa nga u ri ita vhathihi na Khristo, uri ri tshile ri tshi ita zwivhuya, vhunga na Mudzimu o dzula o zwi dzudzanya uri ri zwi ite.

Vhuthihi ha Vhakhriste vhoṱhe

11

2:11
Kol. 2:11
Zwino edzonu elelwa zwe na vha ni zwone kale: nga tsiko yaṋu no vha ni vhannḓa, ni tshi pfi mashuvhuru nga vhaḽa vhane vha pfi vho fumba, hu tshi ambiwa u fumba ha muvhili, ho itwaho nga vhathu. 12
2:12
Rom. 9:4
Misi iyo no vha ni kule na Khristo, ni vhatsinda, ni sa koni u vha vhadzulapo na Vhaisraele, ni nnḓa ha milanga ye Mudzimu a fulufhedzisa vhathu, ni si na tshine na nga lavhelela fhano shangoni, ni sa ḓivhi Mudzimu. 13
2:13
Mish. 2:39
Hone zwino inwi vhe na vha ni kule no no vha tsini nga u itwa vhathihi na Khristo nga lufu lwawe. 14Mulalo washu ndi Khristo: ndi Ene o fhelisaho vhuswina nga u ṋekedza muvhili wawe a ri fela, ha vha u thutha luvhondo lwe lwa vha lwo fhandekanya Majuda na vhannḓa, vha vha tshithu tshithihi. 15
2:15
Kol. 2:14
1:21-22
Gal. 6:15
O fhelisa ndaela na zwidayo zwa mulayo, khae tshakha dzenedzo mbili dza vha lushaka luthihi luswa lwa vhathu, ḽa lala, 16
2:16
Kol. 1:20
a fhedza vhuswina nga u fa hawe tshifhambanoni, a ṱanganya tshakha idzo mbili dza vha muvhili muthihi; honoho u fa hawe ha vha u dzi pfumedzanya na Mudzimu. 17
2:17
Yes. 57:19
A tshi ḓa o ḓivhadza vhoṱhe mafhungo maḓifha a mulalo: a a ḓivhadza inwi vhannḓa vhe na vha ni kule na Mudzimu, khathihi na Majuda vhe vha vha vhe tsini nae. 18
2:18
Joh. 14:6,13
Ef. 3:12
1 Korint. 12:13
Ndi Ene ane a vho ri swikisa ha Khotsi nga Muya onoyo muthihi. 19
2:19
Ef. 2:12
Filip. 3:20
Zwenezwo inwi vhannḓa a ni tshee vhatsinda, a ni tshee dziṱhunḓu, no no vha vhadzulapo khathihi na vhakhethwa vha Mudzimu, ni vha muṱa wawe. 20
2:20
Ps. 118:22
1 Pit. 2:6
Yes. 28:16
Na inwi zwino no no fhaṱwa kha muteo we wa tewa ngaKana: “muteo u re ...” vhaapostola na vhaporofita, thikho e Khristo Yesu Ene muṋe. 21
2:21
1 Korint. 3:16
Ndi Ene ane a farakanya nnḓu yoṱhe ya hula ya vha nnḓu khethwa ya Muṋe washu. 22
2:22
1 Pit. 2:5
Na inwi nge na vha vhathihi na Khristo ni khou fhaṱwa khathihi na vhaṅwe uri ni vhe nnḓu ine Mudzimu a dzula khayo nga Muya wawe.