Tshivenda 1998 (VEN98)
8

Maitele a Muṋe washu a tshi tshimbidza vhathu vhawe

81“Vhulungani milayo yoṱhe ine nda ni laya ṋamusi, ni i tevhedze, ndi hone ni tshi ḓo tshila, na anda, na dzhena shangoni ḽe Muṋe washu a fulufhedzisa vhomakhulukuku waṋu, na ḽi dzhia ḽa vha ḽaṋu. 2

8:2
Num. 14:33
Ps. 95:9-10
Ni elelwe lwendo lwoṱhe lwe Muṋe washu Mudzimu waṋu a ni tshimbidza phangani miṅwaha hei ya 40 yo fhelaho. O itela u ni ṱukufhadza na u ni linga uri zwi re mbiluni dzaṋu zwi ḓivhee, arali ni tshi ḓo vhulunga milayo yawe kana ni tshi ḓo i nyadza. 3
8:3
Ek. 16:31Mat. 4:4
O ni ṱukufhadza a ni farisa nḓala a ni fusha nga mana, zwiḽiwa zwe na vha ni sa zwi ḓivhi, na vhomakhulukuku waṋu vho vha vha sa zwi ḓivhi. O itela u ni funza uri muthu ha tshili nga vhuswa fhedzi, u tshila nga zwenezwo zwine Muṋe washu a mu ṋea nga ipfi ḽawe.

4“Miṅwaha hei yoṱhe ya 40 zwiambaro zwaṋu a zwo ngo ṱahala, milenzhe a yo ngo zwimba. 5

8:5
Mir. 3:11-12
Heb. 12:7
Ḓivhani-ha fhungo iḽi: Muṋe washu Mudzimu waṋu u laya inwi unga munna a tshi laya ṅwana wawe. 6Zwenezwo vhulungani milayo ya Muṋe washu Mudzimu waṋu, ni si bve nḓilani dzawe, ni mu hulise.

Shango ḽe Muṋe washu a ṋea Vhaisraele

7

8:7-10
Dot. 11:10-12
“Muṋe washu Mudzimu waṋu u khou ni isa shangoni ḽavhuḓi, shango ḽa milambo na zwisima zwine zwa tou ela zwi sa xi zwi no simuwa magovhani na dzithavhani, 8shango ḽa goroi na baḽi, ḽa minḓirivhe na mihuyu na migranada, ḽa mapfura a muolivi, na ḽa ṋotshi. 9A hu na ane a ḓo ḽa a si fure; a ni nga shayi tshithu; matomboni aḽo ni ḓo wana ngweḓi nnzhi, thavhani dzaḽo na bwa musina. 10Ni ḓo ḽa na fura, na renda Muṋe washu Mudzimu waṋu nga u vhona shango ḽavhuḓi ḽe a ni ṋea ḽone.

11

8:11
Dot. 4:9
8:11-16
Hos. 13:5-6
“Hone ni zwi sedze uri ni si hangwe Muṋe washu Mudzimu waṋu na si tsha tevhedza milayo yawe na ndaela dzawe na ndayo yoṱhe ine nda khou ni laya ṋamusi! 12
8:12-14
Am. 3:15
5:11
Ni songo ri no ḽa na fura na fhaṱa nnḓu dzavhuḓi na dzula khadzo, 13kholomo dzaṋu na nngu dza anda, na vha na siliva na musuku munzhi, na thundu dzi sa konadzei, 14na vho ḓihudza na hangwa Muṋe washu Mudzimu waṋu, na hangwa uri ndi Ene we a ni vhofholola vhupulini a ni pfulusa Egipita, 15
8:15
Ek. 17:1-7
a ni endedza phangani khulu i ofhisaho ho andaho ṋowa dza vhuṱungu na phame, a ni ṋea maḓi a tshi bva kha tombo ḽo omaho ḽa tou te, shangoni ḽa gomelelo ḽi si na maḓi. 16
8:16
Dot. 8:2-3
Hafhu ndi Ene we a ni fusha nga mana musi ni phangani, na ḽa zwiḽiwa zwe vhomakhulukuku waṋu vha vha vha sa zwi ḓivhi. O itela u ni ṱukufhadza na u ni linga uri zwi sale zwi tshi ni nakela. 17
8:17-18
Ps. 44:2-7
Hos. 2:8
Dan. 4:28-30
Zwenezwo ni songo ri no tondwa zwingafhongafho na vho amba mbiluni na ri, ‘Lupfumo holu lwoṱhe ndo ḓiwanela nga maanḓa anga na nga u kona hanga.’ 18Elelwani Muṋe washu Mudzimu waṋu; ndi Ene ane a ni ṋea maanḓa a u kona u wana lupfumo holwo, u vhulunga mulanga wawe we a u fulufhedzisa vhomakhulukuku waṋu, unga ni tshi khou zwi vhona ṋamusi.

19

8:19
Dot. 4:9Ek. 20:3
“Hone arali na vhuya na hangwa Muṋe washu Mudzimu waṋu, na gidima murahu ha midzimu isili na i shumela na i luvha, vhukuma ndi khou ni eletshedza ṋamusi ndi ri, ni ḓo lovha! 20Arali na sa thetshelesa ipfi ḽa Muṋe washu Mudzimu waṋu, na inwi ni ḓo lovha unga tshakha idzo dzine Muṋe washu a khou dzi lozwa ni tshi swika.

9

No fhiwa shango nga tshilidzi fhedzi!

91“Vhaisraele, thetshelesani! Ni vho wela Jorodani zwino uri ni dzhene shangoni ḽaṋu ni thathe tshakha khulu dzi no ni fhira nga maanḓa ni ḓidzhiele miḓi yavho mihulu yo tangwaho nga mitsheṱo i ṋanzwaho makole. 2

9:2
Dot. 1:28
2:10-11,20-21
Ni a zwi ḓivha uri hu na Vhaenaki, vhathu vhalapfu vha nungo khulu; no no ḓi pfa hu tshi pfi, ‘Ndi nnyi ane a nga imedzana na Vhaenaki?’ 3
9:3
Dot. 4:24
Hone ḓivhani ṋamusi uri Muṋe washu Mudzimu waṋu ndi Ene a no ni ranga phanḓa sa mulilo u fhisaho zwoṱhe; Ene u ḓo vha kunda tshoṱhe vha ni luvha, na vha lozwa na dzhia mashango avho kathihi fhedzi unga Muṋe washu o ni vhudza.

4

9:4-5
Dot. 7:7
“Hone musi Muṋe washu Mudzimu waṋu a tshi vha thatha vha ni shavha, ni songo amba mbiluni na ri, ‘Muṋe washu o ri ḓisa shangoni heḽi a ri ṋea ḽone nge a vhona vhuvhuya hashu!’ A si zwone, Muṋe washu ho ngo thatha tshakha idzi nga u vhona vhuvhuya haṋu, o vha thatha nga u vhona vhuvhi havho. 5Inwi ni tshi vho fhiwa shango iḽi a si nga vhuvhuya haṋu kana nge na vha na mbilu mbuya, Muṋe washu Mudzimu waṋu u tou thatha tshakha idzi nga vhuvhi havho, vha ni shavha; u tou itela uri zwe a dzula o fulufhedzisa vhomakhulukuku waṋu Abrahamu na Isaka na Jakopo zwi si wele fhasi. 6Tshaṋu ndi u ḓivha-ha uri Muṋe washu Mudzimu waṋu ha khou itwa nga vhuvhuya haṋu a tshi ni ṋea shango iḽi ḽavhuḓi uri ḽi vhe ḽaṋu, hufha ni vhathu vha tshipimbi.

Vhutshinyi ha Vhaisraele thavhani ya Sinai

(Ek. 32)

7“Edzonu humbula uri ndi lungana ni tshi sinyusa Muṋe washu Mudzimu waṋu tshee na pfuluwa Egipita, na vhuya na swika henefhano; ni songo zwi hangwa: no ḓi vha vhathu vha u shandukela Muṋe washu!

8“Thavhani ya Horebe no sinyusa Muṋe washu lwe a ni sinyutshela a ṱoḓa u ni lozwa. 9

9:9
Ek. 24:18
9:9-21
Ek. 32:1-24
Ndi amba zwa musi uḽa nṋe ndi tshi gonya thavha u yo dzhia maḓaba mavhili a matombo, maḓaba a mulanga we Muṋe washu a vhofha na inwi, nda dzula thavhani maḓuvha a 40 na vhusiku hao ndi sa ḽi tshithu, na maḓi ndi sa nwi, 10
9:10-11
Ek. 31:18
Muṋe washu a nṋea maḓaba mavhili a matombo o ṅwalwaho nga munwe wa Mudzimu. Khao ho vha ho ṅwalwa maipfi oṱhe e Muṋe washu a amba na inwi e ngomu muliloni nṱha ha thavha musi uḽa wa tshivhidzo.

11“Musi ho fhela maḓuvha a 40 na vhusiku hao, Muṋe washu a nṋea eneo maḓaba mavhili a matombo, maḓaba a mulanga, 12Muṋe washu a mmbudza a ri, ‘Takuwa u ṱavhanye u tsa thavhani, lushaka lwau lwe wa lu pfulusa Egipita lwo ita tshivhi tshi ofhisaho, a vho ngo lenga u pambuwa nḓilani ye nda vha laya; vho ḓiitela tshifanyiso tsha mudzimu.’ 13Muṋe washu a isa phanḓa a ri, ‘Ndo no zwi vhona uri lushaka holu lwo tou ita hani, vha na tshipimbi. 14U songo vha pfumelela, ndi khou ṱoḓa u vha lozwa nda thutha dzina ḽavho ḽa si tsha pfala fhano fhasi, nda dzhia iwe nda u ita lushaka lu no fhira vhone nga maanḓa na nga u anda.’

15“Ndi hone nṋe ndi tshi rembuluwa nda tsa thavha ndo fara aḽa maḓaba mavhili a mulanga nga zwanḓa zwanga zwivhili, thavha yone i tshi khou ḓi duga mulilo. 16Nda swika kha inwi nda vhona vhutshinyi he na itela Muṋe washu Mudzimu waṋu: no vha no ḓiitela tshifanyiso tsha mbohwana, a no ngo vhuya na lenga u pambuwa nḓilani ye Muṋe washu a ni laya. 17Nṋe nda mbo dzhia aḽa maḓaba mavhili nda a posa fhasi ni tshi zwi vhona nda a pwasha. 18Nda dovha nda yo ḓiposa fhasi phanḓa ha Muṋe washu sa zwiḽa zwa u thoma, nda ḓidzima zwiḽiwa na maḓi maḓuvha a 40 na vhusiku hao nga mulandu wa vhutshinyi hoṱhe he na ita, ni tshi ita zwi sa takadzi Muṋe washu, ni tshi tou mu levhela uri ni mu sinyuse. 19Ndo vha ndi tshi ofha mbiti khulu dza Muṋe washu, ngauri Muṋe washu o vha o ni sinyutshela, o vha a tshi tou ṱoḓa u ni lozwa. Hone Muṋe washu o pfa thabelo yanga ndi tshi ni pfumelela na wonoyo musi.

20“Na Aroni Muṋe washu o vha o mu sinyutshela lwe a vhuya a ṱoḓa u mu lozwa, hone nṋe nda rabela ndi tshi pfumelela Aroni wonoyo musi. 21Huno tshithu tshiḽa tshivhi tshe na ita, iḽa mbohwana, nda i dzhia nda i fhisa nga mulilo nda i pwashekanya nda i sinḓa nda i kuya, nda dzhia milora yayo nda i posa muedzini u tsaho na thavha.

22

9:22
Num. 11:3
“A si afho fhedzi, na musi ri Thabera (Mudugumo) na Masa (Malingoni) na Kibrotho Hataava (Zwaloni-zwa-vha-miḽo) no vha ni tshi ḓi sinyusa Muṋe washu.

23

9:23
Num. 13:17,31
14:1-4
“Huṅwe ndi Kadeshe Barania. Musi ni henengei Muṋe washu o ri ni gonye ni yo dzhia shango ḽe a ni ṋea, inwi na landula zwe Muṋe washu Mudzimu waṋu a ni vhudza, ni si mu fulufhele, ni si thetshelese ipfi ḽawe. 24U bva musi we nda thoma u ni ḓivha no vha ni tshi ḓi vha vhathu vha u shandukela Muṋe washu.

25

9:25
Dot. 9:18
“Ndi zwe nda ṱwa ndo ḓiposa fhasi phanḓa ha Muṋe washu maḓuvha a 40 na vhusiku hao. Ndi nge Muṋe washu a vha o amba uri u ḓo ni lozwa. 26
9:26-29
Ek. 32:9-13
Nda rabela Muṋe washu nda ri: Muṋe wa zwoṱhe Muṋe washu, u songo lozwa lushaka lwau nandi, vhathu vhau vhukuma vhe wa vha vhofholola nga vhuhulu hau wa vha pfulusa Egipita nga tshanḓa tshau tsha maanḓa. 27A u elelwi zwau vhaḓinḓa vhau Abrahamu na Isaka na Jakopo naa? U songo londa u konḓa ha lushaka holu na vhuvhi havho na vhutshinyi havho! 28
9:28
Dot. 32:27
Num. 14:15-16
Ps. 115:1-2
Vhathu vha shango ḽe wa ri pfulusa khaḽo vha nga ḓo ri, ‘Yahavee o kundwa u isa lushaka holu shangoni ḽe a vha fulufhedzisa ḽone,’ kana vha ri, ‘A tshi vha pfulusa fhano ndi uri u tou vha vhenga, o itela uri a kone u vha vhulaha phangani!’ 29U songo vha lozwa, hufha vhe vhathu vhau vhukuma vhe wa vha pfulusa nga maanḓa au mahulu wo angaladza tshanḓa tshau tsha maanḓa.

10

101

10:1-5
Ek. 34:1-4
10:1-3,5
Ek. 25:10-22
37:1
“Ndi hone Muṋe washu a tshi mmbudza a ri, ‘Dovha u ḓivhaḓele maḓaba mavhili a matombo a no fana na aḽa a u thoma, u konou gonya ngeno thavhani ha Nṋe, u ite mbulungelo ya thanda. 2Eneaḽa maipfi e a vha o ṅwalwa kha aḽa maḓaba a u thoma e wa pwasha ndi ḓo a ṅwala kha ayo maḓaba, iwe wa konou a vhea mbulungeloni.’

3“Nṋe nda mbo ita iḽa mbulungelo nga muunga, nda vhaḓa maṅwe maḓaba mavhili a matombo a no fana na aḽa a u thoma, nda gonya thavha ndo a fara. 4

10:4
Ek. 20:1-17
Muṋe washu a ṅwala zwenezwiḽa zwe a vha o ṅwala kha aḽa a u thoma, iḽa milayo ya fumi ye a ni laya thavhani e muliloni musi wa tshivhidzo, musi ó no ṅwala a nṋekedza, 5
10:5
Ek. 40:20
nṋe nda rembuluwa nda tsa thavhani nda vhea aḽa maḓaba mbulungeloni. A mbo dzula henefho, nga he Muṋe washu a laedza.”

Lufu lwa Aroni na mushumo wa Vhalivi

6

10:6
Num. 33:38
(Vhaisraele vho takuwa zwisimani zwa vhana vha Jaakani vha ya Musera. Aroni a fa henefho, a swiṱwa, ṅwana wawe Eliasara a vha tshifhe vhudzuloni hawe. 7U bva henefho Vhaisraele vha takuwa vha ya Gudugoda, vha konou fhirela Jotobatha, shango ḽi na maḓi manzhi a elaho.

8

10:8
Num. 3:5-8
6:22-27
8:5-19
Dot. 31:9,25
21:5
33:10
Ndi nga tshenetsho tshifhinga Muṋe washu a tshi khetha tsinde ḽa Vhalivi uri vha vhe vhone vha no hwala mbulungelo ya mulanga wawe na u ima hukhethwa hawe vha tshi mu shumela, na u shudufhadza vhathu nga dzina ḽawe, sa zwine vha kha ḓi zwi ita na ṋamusi. 9
10:9
Num. 18:20
Ndi zwe Vhalivi vha kundwa u wana mukovhe wa shango unga vhaṅwe Vhaisraele; mukovhe wavho ndi Muṋe washu Ene muṋe, unga Muṋe washu Mudzimu waṋu o vha vhudza.)

Muṋe washu a tshi pfa thabelo ya Mushe

10

10:10
Dot. 9:18
“Nṋe ndo vha ndi tshee ndo ima thavhani ndi na Muṋe washu maḓuvha a 40 na vhusiku hao unga zwiḽa u thomani. Na hoyo musi Muṋe washu a mpfa, a si tsha funa u ni lozwa. 11Muṋe washu a mphindula a ri, ‘Ndi zwone, takuwa u yo ranga lushaka phanḓa! Nga vha ye vha dzhie shango ḽe nda fulufhedzisa vhomakhulukuku wavho, nda ana nda ri ndi ḓo vha ṋea ḽone.’

Muṋe washu ha vhambedzwi na tshithu

12

10:12
Dot. 4:104:296:4-5
“Zwino-ha Vhaisraele, zwine Muṋe washu a ṱoḓa kha inwi ndi tshithihi fhedzi. Ndi u hulisa Muṋe washu Mudzimu waṋu na u ita zwoṱhe zwe a ni laya na u mu funa na u mu shumela nga mbilu yoṱhe na nga zwoṱhe zwine na vha zwone, 13na u tevhedza milayo ya Muṋe washu na ndaela dzoṱhe dzine nda ni laya ṋamusi, ndi hone zwi tshi ḓo ni nakela.

14“Vhonani, maṱaḓulu oṱhe khathihi na ḽifhasi na zwoṱhe zwi re khaḽo ndi zwa Muṋe washu Mudzimu waṋu. 15

10:15
Dot. 4:37
Naho zwo ralo, Muṋe washu o takalela vhomakhulukuku waṋu fhedzi a vha sumbedza lufuno lwawe luhulu, a khetha na vhaḓuhulu vhavho a tshi vha nanga kha tshakha dzoṱhe, unga ni tshi khou zwi vhona na ṋamusi.

16

10:16
Dot. 30:6
Gen. 17:9-14Mish. 7:51
Kol. 2:11
“Ndi zwone, laṱani tshipimbi tshaṋu; unga no fumba mivhili, fumbani-ha na mbiluni dzaṋu! 17
10:17a
1 Tim. 6:15
10:17b
2 Koron. 19:7
Mish. 10:34
Muṋe washu Mudzimu waṋu ndi Ene Mudzimu wa midzimu, ndi Ene Muṋe wa vhaṋe, Mudzimu muhulu, Muhali a ofhisaho; ha ṱaluli, ha ṱanganedzi tshanḓanguvhoni; 18
10:18-19
Dot. 14:28-29
24:17-18
27:19
Ek. 22:21-22Ps. 9:12
u imelela tsiwana na tshilikadzi musi vha tshi sengiswa; u funa na mutsinda, a mu ṋea zwiḽiwa na nguvho. 19Zwenezwo na inwi ni fanela u funa vhatsinda; hufha inwi-vho no vha ni vhatsinda shangoni ḽa Egipita. 20
10:20
Dot. 4:10
Hulisani Muṋe washu Mudzimu waṋu ni luvhe Ene! Ni songo tenda u fhambana nae, musi ni tshi ana ni ane nga dzina ḽawe. 21Dzulani ni tshi renda Ene; ndi Ene Mudzimu waṋu, ndi Ene we a ni itela mishumo iyo mihulu i ofhisaho ye na vhona nga maṱo aṋu! 22
10:22
Gen. 46:27
15:5
Musi vhomakhulukuku waṋu vha tshi tsela Egipita vho vha vhe vhathu vha 70 fhedzi, huno Muṋe washu Mudzimu waṋu o ni andisa unga ṋaledzi dzi re lutomboni.