Tshivenda 1998 (VEN98)
4

Ndayo ya Muṋe washu ndi lwone lupfumopfumo lwa Israele

41

4:1
Dot. 5:32-33
6:24
8:1
16:20
30:16,19-20
Liv. 18:5Gen. 12:7
“Zwino-ha Vhaisraele, ipfani milayo na ndaela dzine nda ni laya, ni dzi tevhedze, ndi hone ni tshi ḓo tshila, na dzhena shangoni ḽine Muṋe washu Mudzimu wa vhomakhulukuku waṋu a ḓo ni ṋea ḽa vha ḽaṋu. 2
4:2
Dot. 12:32
Mir. 30:6
Nzumb. 22:18-19
Ni thanye, ni khunyeledze ndaela dza Muṋe washu Mudzimu waṋu dzine nda khou ni laya. Kha fhungo ḽine nda ni vhudza ni songo engedza tshithu, ni songo fhungudza tshithu. 3
4:3
Num. 25:1-9
No vhona nga aṋu maṱo zwe Muṋe washu a ita thembeleni ya Baali wa Phioro: vhoṱhe vhe vha tevhedza maitele a Baali wa Phioro, Muṋe washu Mudzimu waṋu o vha lozwa, 4hone inwi vhe na dzula no fulufhedzea kha Muṋe washu Mudzimu waṋu, na ṋamusi ni kha ḓi tshila noṱhe.

5“Vhonani, ndi khou ni laya yeneyo milayo na dzenedzo ndaela dze Muṋe washu Mudzimu wanga a mmbudza, ndi zwone, ni zwi tevhedze musi ni tshi dzula shangoni ḽine na khou dzhena khaḽo zwino uri ni ḽi dzhie ḽi vhe ḽaṋu. 6Tevhedzani milayo heyo ni i khunyeledze, ndi hone tshakha dzi tshi ḓo vhona uri ni na vhuṱali na ṱhalukanyo; vha ḓo ri u pfa ndaela idzi dzaṋu vha ri, ‘Vhonani uri vhuṱali na ṱhalukanyo ya lushaka ulu luhulu ndi zwingafhani!’ 7

4:7
Dot. 4:32-34
Ps. 145:18
148:14
Ndi lufhio lushaka lune naho lwo hula hani, lwa vha na mudzimu walwo a re tsini halwo unga Yahavee Mudzimu washu e tsini na riṋe, ane musi ri tshi mu ṱavhela mukosi a si kundwe u ri phalala? 8
4:8
Ps. 147:19-20
Ndi lufhio lushaka, naho lwo hula hani, lu re na milayo mivhuya na ndaela mbuya dzi no fana na ndayo iyi ine nda khou ni laya ngayo ṋamusi?

Mudzimu wa Israele ha vhambedzwi na tshithu

9

4:9
Dot. 4:23
6:12
8:11,19
32:18
“Tshaṋu ni vhe na vhusedzi vhuhulu, ni ḓilondote uri ni si vhuye na hangwa zwithu hezwi zwe na vhona nga maṱo aṋu; nga zwi dzule mbiluni dzaṋu vhutshilo haṋu hoṱhe, ni zwi hanelele na vhana vhaṋu na vhaḓuhulu. 10
4:10
Dot. 5:29
6:2,13,24
8:6
10:12,20
14:22-23
17:19
28:58
31:12-13
Mir. 1:7
4:10-12
Ek. 19:16-20
Elelwani ḓuvha ḽe na ima phanḓa ha Muṋe washu Mudzimu waṋu thavhani ya Horebe, a mmbudza a ri, ‘Kuvhanganya tshivhidzo tshoṱhe ndi vha funze mafhungo ane vha fanela u a ḓivha, vha kone u nkhulisa maḓuvha oṱhe ane vha ḓo tshila fhano fhasi, vhone vha dovhe vha a funze vhana vhavho.’

11“Inwi na sendela na ima tsini ha thavha, yone i tshi khou duga mulilo wa ita na u swika ngei makoleni, ha vha na gole na swiswi na buluvhutsi ḽihulu, 12Muṋe washu a amba na inwi e ngomu muliloni ni sa vhuyi na vhona tshivhumbeo tshawe, ni tshi tou pfa ipfi ḽi tshi khou amba, 13

4:13
Ek. 24:12
a ni vhudza a mulanga we a vhofha na inwi, na ndaela dzawo, yone Milayo ya fumi, a tou i ṅwala kha maḓaba mavhili a matombo. 14A vha nṋe, Muṋe washu o nndaedza musi wonoyo uri milayo iyi na ndaela idzi ni dzi tevhedze musi no wetshela seli shangoni ḽine na ḓo ḽi wana ḽa vha ḽaṋu. 15Ni songo khakha! Elelwani uri musi Muṋe washu a tshi amba na inwi e ngomu muliloni ngei Horebe a no ngo vhuya na vhona tshivhumbeo tshawe. 16
4:16-18
Ek. 20:4Rom. 1:23
Zwenezwo ni songo tshinya nga u ḓiitela mudzimu wa tshifanyiso, wa tshinna kana wa tshisadzi, 17kana wa phukha ifhio na ifhio, kana tshiṋoni tshi fhufhaho, 18kana tshithu tshi kokovhaho fhasi, kana khovhe i wanalaho maḓini. 19
4:19
Dot. 17:2-4
2 Mah. 17:16
Jer. 8:2
Nahone ni songo ri ni tshi lavhelesa ṱaḓulu na vhona ḓuvha na ṅwedzi na dziṋaledzi na masambi oṱhe a re lutomboni, na fhurea na zwi gwadamela na zwi luvha, hezwo zwithu ndi zwe Muṋe washu Mudzimu waṋu a zwi kovhekanya tshakha dzoṱhe dzi re fhasi ha lutombo uri zwi vhe midzimu yavho. 20
4:20
Ek. 19:5
Hone inwi Muṋe washu o ni dzhia a ni bvisa shondoni ḽa mulilo, Egipita, uri ni vhe lushaka lwawe vhukuma, sa zwine na vha zwone ṋamusi.

21

4:21
Dot. 1:37
“A vha nṋe Muṋe washu o ntsinyutshela nga mulandu wa zwiito zwaṋu, a ana a ri a thi nga weli Jorodani, a thi nga dzheni shango ḽavhuḓi ḽine Muṋe washu Mudzimu waṋu a ḓo ni ṋea uri ḽi vhe ḽaṋu. 22Nṋe a thi nga weli Jorodani, ndi ḓo fela shangoni ḽino, vha no ḓo wela ndi inwi, ni yo wana shango iḽo ḽavhuḓi ḽa vha ḽaṋu. 23
4:23
Dot. 4:9
Ni vhone ni sa ḓo hangwa mulanga we Muṋe washu Mudzimu waṋu a vhofha na inwi na vho ḓiitela mudzimu wa tshifanyiso tsha tshiṅwe na tshiṅwe tshe Muṋe washu Mudzimu waṋu a ni dzivhisa. 24
4:24
Dot. 5:9
6:159:3
Ek. 34:14
Yes. 33:14
Heb. 12:29
Muṋe washu Mudzimu waṋu ndi mulilo u fhisaho zwoṱhe, ndi Mudzimu a sa vhangiswi.

Khathutshelo i a vha hone arali na laṱa vhuvhi

25“Musi ho no fhela mirafho na mirafho ni shangoni ḽaṋu, ni songo tshinya nga u ita mudzimu naho u ufhio wa tshifanyiso; zwenezwo Muṋe washu Mudzimu waṋu u ḓo vhona zwo vhifha, zwi a mu sinyusa. 26

4:26
Dot. 30:19
31:28
32:1
Yes. 1:2
Mika 6:1-8
Ndi ri ḽiṱaḓulu na ḽifhasi ndi ṱhanzi ṋamusi, a ni nga dzulesi shangoni ḽine na khou wetshela khaḽo seli ha Jorodani, ni ḓo ṱavhanya u lovha ni khaḽo, vhukuma ni ḓo tou lovha tshoṱhe. 27
4:27
Dot. 28:62
4:27-28
Liv. 26:33
Dot. 28:36,64
Muṋe washu uḓo ni balanganya na dzitshakha, ha sala vha si gathi vhukati ha tshakha dzine Muṋe washu a ḓo ni khadela khadzo, 28henefho na konou luvha midzimu yo itwaho nga zwanḓa zwa vhathu, midzimu ya thanda na tombo, midzimu i sa vhoni, i sa pfi, i sa ḽi, i sa nukhedzi. 29
4:29
Dot. 6:5
10:12
11:13
13:4
26:16
30:2
4:29-31
Dot. 30:1-10
Jer. 29:13-14
Yes. 10:20-22
Hone arali ni tshi vho ṱoḓa Muṋe washu Mudzimu waṋu nga mbilu nthihi ni henefho, na mu ṱoḓa nga mbilu yoṱhe, ni ḓo mu wana. 30Misi i ḓaho ni tshi vho tambula, nó welwa nga khombo hedzo dzoṱhe dze nda ni vhudza, ndi hone ni tshi vho ḓo rembulutshela ha Muṋe washu Mudzimu waṋu na thetshelesa zwine a amba. 31
4:31
Ps. 103:8
Nahone Muṋe washu Mudzimu waṋu ndi Mudzimu wa tshilidzi, ha nga ni ṱutsheli, ha nga ni lozwi tshoṱhe, ha nga hangwi zwe a anela vhomakhulukuku waṋu musi a tshi vhofha mulanga navho.

32

4:32-34
Dot. 4:7
“Edzonu vhudzisa zwa misi ya kale ya musi ni sa athu vha hone, u bva tshee Mudzimu a sika muthu fhano shangoni, ni vhudzise shango ḽoṱhe nga he ḽa ya, ni pfe arali ho vhuya ha vha na ḓembe ḽingafhangafha, kana ḽo vhuya ḽa pfala zwaḽo – 33ndi amba zwa lushaka lu tshi pfa ipfi ḽa Mudzimu a tshi khou amba e ngomu muliloni, vha ri vho mu pfa vha si fe, unga inwi no mu pfa a tshi amba Ene muṋe na tshila. 34Ni sedze arali muṅwe mudzimu o vhuya a luma mbilu a ḓa a ḓidzhiela lushaka a lu pfulusa vhukati ha luṅwe unga Muṋe washu o ni bvisa Egipita. Kani ho ngo tou rwa Vhaegipita nga mabulayo, a vha sumbedza maḓembe na zwimangadzo, a ni lwela Ene muṋe nga mishumo mihulu ya maanḓa, mishumo i ofhisaho? 35No sumbedzwa zwenezwo zwoṱhe uri ni kone u ḓivha uri Muṋe washu ndi Ene Mudzimu e eṱhe, a hu tshee na muṅwe. 36
4:36
Ek. 19:16-18
O ita uri ni pfe ipfi ḽawe a tshi khou amba e ṱaḓulu a tshi ni laya, a ni sumbedza mulilo muhulu we a tsela fhasi e khawo, na pfa maipfi awe a tshi khou amba e muliloni. 37
4:37
Dot. 7:8,13
10:15
23:5
33:3
Muṋe washu o tou funa vhomakhulukuku waṋu, a ḓinangela na inwi vhaḓuhulu vhavho, ndi zwe a ni pfulusa Egipita Ene muṋe nga maanḓa awe mahulu, 38a thatha dziṅwe tshakha dzine dza ni fhira nga u anda na nga maanḓa, a ni isa mashangoni avho a ni ṋea one, unga ni tshi khou zwi vhona ṋamusi.

39“Ḓivhani-ha ṋamusi, zwi songo vhuya zwa ṱuwa mbiluni dzaṋu: Muṋe washu ndi Ene Mudzimu ngei ṱaḓulu na fhano fhasi, a hu tshee na muṅwe. 40Tevhedzani-ha milayo yawe na ndaela dzawe dzine nda khou ni laya ṋamusi, ndi hone zwi tshi ḓo ni nakela, inwi na vhana vhaṋu vhane vha kha ḓi ḓo bebiwa, na dzula tshoṱhe shangoni ḽine Muṋe washu a khou ni ṋea, na si tsha ṱavhanya u dzhielwa ḽone.”

Miḓi ya vhushavhelo vhubvaḓuvha ha Jorodani

41

4:41-44
Num. 35:9-28
Zwo no ralo Mushe a nanga miḓi miraru seli ha Jorodani thungo ya vhubvaḓuvha. 42Arali muthu a tshenuwa o vhulaha muṅwe, hone hu si nga khole, á songo thoma u vha o mu fara nga mbilu, onoyo a nga shavhela kha muṅwe wa yeneyo miḓi miraru uri a si vhulawe. 43Shangoni ḽa Rubeni Mushe o nanga Betsere midavhini i re thungo ya vhubvaḓuvha u bva Lwanzheni lwa Muṋo, shangoni ḽa Gadi a nanga Ramotho kha ḽa Giliadi, kha ḽa Manase a nanga Golani shangoni ḽa Bashani.

Muteo wa mulanga wa Muṋe washu

44

4:44-49
Dot. 1:1-15
Afha hu vho tevhela ndayo ye Mushe a laya Vhaisraele ngayo; 45ndi vhuṱanzi na milayo na ndaela dze Mushe a funza Vhaisraele musi vho no pfuluwa Egipita. 46O vha laya musi vho ima govhani seli ha Jorodani u livhana na Bethe Phioro, shangoni ḽa Sihoni khosi ya Vhaamori we a vha a tshi dzula Hesheboni; ndi uḽa Sihoni we Mushe na Vhaisraele vha mu dia musi vha tshi pfuluwa Egipita, 47vha konou mu dzhiela shango ḽawe, vha dzhia na ḽa Ogo khosi ya Bashani. Ndi one mahosi mavhili a Vhaamori e a vha a tshi dzula seli ha Jorodani thungo ya vhubvaḓuvha; 48shango ḽavho ḽo vha ḽi tshi katela mivhundu yoṱhe u bva Aruere khunzikhunzini dza mulambo wa Arinoni u swika thavhani ya Heremoni ine ḽiṅwe ya pfi Sirioni, 49na govha ḽoṱhe ḽa Jorodani thungo ya vhubvaḓuvha u swika Lwanzheni lwa Muṋo mabamani a thavha ya Phisiga.

5

Milayo ya fumi

(Ek. 20:1-17)

51Mushe a vhidza Vhaisraele vhoṱhe a vha vhudza a ri, “Hee inwi Vhaisraele, thetshelesani milayo na ndaela dzine nda khou ni laya ṋamusi ni tshi zwi pfa nga nḓevhe, ni zwi gude, ni zwi tevhedze, ni zwi khunyeledze. 2

5:2
Ek. 24:1-8
Mudzimu Muṋe washu o vhofha mulanga na riṋe thavhani ya Horebe. 3Mulanga uyo Muṋe washu ho ngo u vhofha na vhomakhulukuku washu, o u vhofha na riṋe roṱhe, riṋe vhane ra kha ḓi tshila ra vha hone fhano ṋamusi. 4Musi Muṋe washu a tshi amba na inwi ngei thavhani e muliloni, o amba na inwi no tou livhana zwifhaṱuwo. 5
5:5
Dot. 5:23-31
Musi uyo nṋe ndo vha ndo ima vhukati ha Muṋe washu na inwi ndi tshi swikisa mafhungo a Muṋe washu kha inwi, ngauri no vha ni tshi ofha ni tshi vhona mulilo, na si tsha gonya thavha.

“Muṋe washu o ri, 6‘Ndi Nṋe Yahavee Mudzimu wau we nda u pfulusa shangoni ḽa Egipita he wa vha u phuli.

7“ ‘U songo vha na miṅwe midzimu, Mudzimu wau ndi Nṋe ndi ndoṱhe.

8“ ‘U songo ḓiitela tshifanyiso na tshithihi tsha zwi re ngei ṱaḓulu kana fhano fhasi kana maḓini a re nga fhasi ha ḽifhasi, 9wa tshi gwadamela wa tshi rerelela; Nṋe Yahavee Mudzimu wau ndi Mudzimu a sa vhangiswi, mulandu wa vhokhotsi ndi u vhila kha vhana na kha vhaḓuhulu u swika kha murafho wa vhuraru na wa vhuṋa wa maswina anga, 10

5:10
Dot. 6:4-5
hone vhane vha mpfuna vha tevhedza ndaela dzanga ndi vha ita nga vhuthu u swika kha mirafho ya tshigidi.

11“ ‘U songo tamba nga dzina ḽa Yahavee Mudzimu wau, ngauri Yahavee a nga si litshe u lifhedza ane a tamba nga dzina ḽawe.

12“ ‘Hulisa ḓuvha ḽa Sabatha u ḽi ite ḽikhethwa unga Yahavee Mudzimu wau o u laya. 13Shuma zwau maḓuvha maṱanu na ḽithihi u khunyeledze mishumo yau yoṱhe, 14hone ḓuvha ḽa vhuṱanu na vhuvhili ndi ḽa Yahavee Mudzimu wau, ndi ḽa u awela; nga heḽo ḓuvha u songo shuma tshithu – iwe kana ṅwana wau, wa mutuka kana wa musidzana, kana mushumi wau, wa munna kana wa musadzi, kana phulu yau kana donngi yau kana tshifuwo tshifhio na tshifhio, kana mutsinda ane wa dzula nae. Na vhashumi vhau, vha vhanna kana vha vhasadzi, nga vha awele-vho unga iwe. 15

5:15
Dot. 6:21
15:15
16:12
24:18
U elelwe uri na iwe wo vha u phuli shangoni ḽa Egipita, Yahavee Mudzimu wau a u vhofholola nga mishumo mihulu ya maanḓa, ndi zwine Yahavee Mudzimu wau a u laya uri u vhulunge ḓuvha ḽa Sabatha.

16“ ‘Hulisa khotsi au na mme au unga Yahavee Mudzimu wau o u laya, ndi hone zwi tshi ḓo u nakela, wa fhedza miṅwaha minzhi u tshi dzula shangoni ḽine Yahavee Mudzimu wau a u ṋea.

17“ ‘U songo vhulaha muthu.

18“ ‘U songo ita vhupombwe.

19“ ‘U songo tswa.

20“ ‘U songo vhaisa muṅwe nga u ṱanzilela mazwifhi.

21“ ‘U songo emula musadzi wa muṅwe; u songo tshivha muṅwe nga nnḓu yawe, kana tsimu yawe, kana phuli yawe, ya munna kana ya musadzi, kana phulu yawe kana donngi yawe kana tshifhio na tshifhio tshi re tshawe.’

Mushe a tshi humbudza Vhaisraele phindulo yavho

22

5:22
Ek. 24:12
“Ndi one maipfi e Muṋe washu a amba na tshivhidzo tshaṋu tshoṱhe tsho kuvhangana, a amba e thavhani ngomu muliloni, hú na gole na buluvhutsi ḽihulu ḽo tibaho thavha, a amba nga ipfi ḽihulu, a konou ṅwala maipfi haya kha maḓaba mavhili a matombo, a mpha, a si tsha engedza maṅwe. 23
5:23-29
Dot. 5:5
Inwi no ri u pfa ipfi ḽi tshi bva swiswini, thavha i tshi khou duga mulilo, vhahulwane vhoṱhe vha matsinde aṋu vha ḓa ha nṋe 24
5:24
Ek. 33:20
na ri, ‘Mudzimu Muṋe washu o ri sumbedza vhugala hawe na vhuhulu hawe, ra pfa na ipfi ḽawe ḽi tshi amba e muliloni! Ṋamusi ra zwi vhona uri muthu u a ḓi tshila naho Mudzimu o amba nae, ra akhamala. 25Hone zwino ri khou ofha u lovha. Mulilo hoyu muhuluhulu u ḓo ri fhisa ra fa arali ra dovha ra pfa ipfi ḽa Mudzimu Muṋe washu. 26Ndi ufhio muthu wa ṋama ane a nga pfa ipfi ḽa Mudzimu a tshilaho a tshi amba e muliloni unga riṋe ri tshi khou mu pfa, a si lovhe? 27Ndi khwiṋe hu tshi sendela iwe ha Mudzimu Muṋe washu wa pfa zwoṱhe zwine a amba, wa konou ri vhudza zwoṱhe zwine Mudzimu Muṋe washu a zwi amba. Riṋe ri ḓo zwi thetshelesa ra zwi ita!’

28“Muṋe washu a pfesesa zwe na amba, Muṋe washu a mmbudza a ri, ‘Ndo pfa zwe vhathu havha vha u vhudza vha tshi amba na iwe; zwoṱhe zwe vha amba ndi zwone. 29

5:29
Dot. 4:10
Ngavhe vha tshi dzula vhe na muya wonoyo wa u nnyofha na u tevhedza ndaela dzanga misi yoṱhe, zwa ralo ndi hone vhone na vhana vhavho zwi tshi ḓo vha nakela lini na lini. 30Iya u vha vhudze uri vha humele zwavho denndeni dzavho, 31huno iwe u ime fhano na Nṋe, ndi u laye ndi u vhudze ndayo dzanga dzoṱhe na milayo na ndaela zwine wa ḓo vha funza uri vha zwi tevhedze vhe shangoni ḽine nda ḓo vha ṋea uri ḽi vhe ḽavho.’

32

5:32-33
Dot. 4:1
“Ndi zwone, ivhani na vhusedzi uri ni ite zwoṱhe zwe Muṋe washu Mudzimu waṋu a ni laya, ni songo pambutshela kha tshamonde kana tshauḽa. 33Ni fare nḓila ye Muṋe washu Mudzimu waṋu a ni sumbedza, ni songo bva khayo, ndi hone ni tshi ḓo tshila, zwa ni nakela, na fhedza miṅwaha minzhi ni tshi dzula shangoni ḽine na ḓo ṋewa.

6

Funa Muṋe washu u fhira zwiṅwe zwoṱhe!

61“Ngei milayo na ndayo, na ndaela dze Muṋe washu Mudzimu waṋu a nndaya uri ndi ni funze, ni zwi tevhedze musi ni tshi wetshela shangoni ḽine na khou ṋewa ḽone: 2

6:2
Dot. 4:10
Hulisa Muṋe washu Mudzimu wau u tevhedze milayo yawe yoṱhe na ndaela dzoṱhe dzine nda u laya – iwe na vhana vhau na vhaḓuhulu, maḓuvha oṱhe a vhutshilo hau, ndi hone u tshi ḓo lalama. 3Thetshelesa Israele, u vhe na vhusedzi uri u zwi vhulunge, ndi hone zwi tshi ḓo u nakela, na anda zwihulu shangoni iḽo ḽi elaho mukhaha na ṋotshi, unga Muṋe washu Mudzimu wa vhomakhulukuku waṋu o amba.

4

6:4-5
Dot. 5:10
7:9
10:12
11:1,13,22
13:4
19:9
30:6,16,20
Josh. 22:5
23:11
Rangap. 5:31
1 Mah. 3:3
Ps. 31:23
97:10
Mar. 12:29-30
“Israele, thetshelesa! Muṋe washu ndi Ene Mudzimu washu! Ndi Ene Muṋe washu e eṱhe! 5
6:5
Dot. 4:29
Ndi zwone, funa Muṋe washu Mudzimu wau nga mbilu yoṱhe, nga zwoṱhe zwine wa vha zwone, nga nungo dzoṱhe. 6
6:6-9
Dot. 11:18-20
30:11-14
Ek. 13:9Jer. 31:33
Joh. 14:21
1 Joh. 5:2
Nahone hezwi zwine nda ḓo u laya ṋamusi zwi songo vhuya zwa ṱuwa mbiluni yau. 7
6:7
Mir. 6:22
U zwi ombedzele mbiluni dza vhana vhau, u ambe ngazwo musi wo dzula nḓuni, na musi u lwendoni, na musi u tshi yo lala na musi u tshi vuwa, 8u zwi vhofhele tshanḓani na kha phanḓa uri tshi vhe tshiga, 9u zwi ṅwale kha mihangammbwa ya nnḓu yau na kha mafhoro a muḓi.

U songo vhuya wa hangwa Muṋe washu!

10

6:10
Gen. 12:7
“Muṋe washu u ḓo u isa shangoni ḽe a anela vhomakhulukuku wau Abrahamu na Isaka na Jakopo, a vha fulufhedzisa uri u ḓo u ṋea ḽone, shango ḽi re na miḓi mihulu yavhuḓi ye iwe u si i fhaṱe, 11na nnḓu dzo ḓalaho zwivhuya zwoṱhe zwi songo kuvhanganywaho nga iwe, na bidzi dzi songo bwiwaho nga iwe, na masimu a minḓirivhe na miolivi i songo ṱavhiwaho nga iwe; iwe u ḓo tou wana i hone, wa ḽa wa fura. 12
6:12
Dot. 4:9
Zwenezwo u vhone uri u si hangwe Muṋe washu o u pfulusaho Egipita he wa vha u phuli; 13
6:13
Dot. 4:10
tshau hu vhe u hulisa Muṋe washu Mudzimu wau, u shumele Ene, u tshi ana u ane nga dzina ḽawe. 14U songo luvha miṅwe midzimu, midzimu ya tshakha dzo ṋekanaho masakha na inwi; 15
6:15
Ek. 20:5
Muṋe washu Mudzimu wau ndi Mudzimu a sa vhangiswi. U vhukati haṋu; a nga u sinyutshela a u lozwa wa si tsha wanala fhano shangoni.

16

6:16
Ek. 17:1-7
“Ni songo ṱunga Muṋe washu Mudzimu waṋu sa zwiḽa ni tshi mu linga ngei Masa (Malingoni). 17Ni sedzese uri ni vhulunge milayo ya Muṋe washu Mudzimu waṋu na ndayo yawe na ndaela dzawe zwe a ni laya, 18ni ite zwine a vhona zwi zwone, zwi zwivhuya, ndi hone zwi tshi ḓo ni nakela, na dzhena shangoni iḽo ḽavhuḓi ḽe Muṋe washu a ḽi fulufhedzisa vhomakhulukuku waṋu nga muano, na ḽi dzhia ḽa vha ḽaṋu, 19a pandela maswina aṋu oṱhe vha ni shavha nga he a dzula o amba.

Ḓivhadza mishumo mihulu ya Muṋe washu!

20“Arali nga tshifhinga tshi ḓaho ṅwana wau a u vhudzisa a ri, ‘Kha vha mpfunze-vho ndayo na milayo na ndaela zwe Mudzimu Muṋe washu a vha laya!’ 21

6:21
Dot. 5:15
iwe u fhindule ṅwana wau u ri, ‘Ro vha ri phuli dza Farao shangoni ḽa Egipita, hone Muṋe washu a ḓa a ri pfulusa Egipita nga maanḓa awe mahulu. 22Muṋe washu o ita zwiga na maḓembe mahulu a ofhisaho shangoni ḽa Egipita, a rwa Farao na vha hawe vhoṱhe ri tshi zwi vhona, 23a ri pfulusa a ri endedza a ri swikisa shangoni ḽino ḽe a fulufhedzisa vhomakhulukuku washu nga muano, a ri ṋea ḽone. 24
6:24
Dot. 4:14:10
Huno Muṋe washu o ri laya uri ri tevhedze milayo hei yoṱhe, ri hulise Mudzimu Muṋe washu, ndi hone zwi tshi ḓo ḓi ri nakela, a ri ṋea vhutshilo unga ri tshi zwi vhona ṋamusi. 25Arali ri tshi sedzesa ra tevhedza ndayo idzi dzoṱhe Muṋe washu a tshi ri vhona, nga he a ri laya, ndi hone ri tshi ḓo pfi ro ita zwone zwo fanelaho vhana vha mulanga.’