Tshivenda 1998 (VEN98)
30

Vha no laṱa vhuvhi vha a khathutshelwa

301

30:1-10
Dot. 4:29-31
“Asizwo-ha, ndo vhea mashudu na khombo phanḓa haṋu. Zwino arali na sala ni tshi khetha khombo na welwa nga zwoṱhe hezwo zwe nda ni vhudza, na ri ní henengei tshakhani dzine Muṋe washu a ḓo vha o ni balanganya nadzo, na dzivhuluwa 2
30:2
Dot. 4:29
na vhuelela ha Muṋe washu Mudzimu waṋu, na vho thetshelesa zwe a amba, zwenezwi zwine nda ni laya ṋamusi, inwi na vhana vhaṋu na vho mu pfa nga mbilu yoṱhe na nga zwoṱhe zwine na vha zwone, 3
30:3
Ps. 106:47
Jer. 29:14
Esek. 11:17
28:25
ndi hone Muṋe washu a tshi ḓo ita uri zwi dovhe zwi ni nakele, a ni khathutshela, a ni vhuisa ni tshi bva tshakhani dzoṱhe dzine a ḓo vha o ni balanganya nadzo. 4Nangwe na thathelwa vhusendekamisi, Muṋe washu Mudzimu waṋu u ḓo ni dzhia henengei a ni kuvhanganya a ni vhuisa. 5
30:5
Dot. 28:62-63
Muṋe washu Mudzimu waṋu u ḓo ni vhuedzedza shango ḽe ḽa vha ḽi ḽa vhomakhulukuku waṋu ḽa dovha ḽa vha ḽaṋu, a ni tonda a ni andisa u fhira na vhomakhulukuku waṋu.

6

30:6
Dot. 6:4-510:16Jer. 31:33
Esek. 36:26
“Ndi hone Muṋe washu Mudzimu waṋu a tshi ḓo fumbisa mbilu dzaṋu na dza vhana vhaṋu uri ni kone u mu funa nga mbilu yoṱhe na nga zwoṱhe zwine na vha zwone, na tshila, 7
30:7
Dot. 28:60
Muṋe washu Mudzimu waṋu a konou ita uri khombo idzi dzoṱhe dzine nda dzi amba dzi wele maswina aṋu na vha ni vhengaho vhe vha ni sala murahu. 8
30:8
Dot. 28:1
Huno inwi ni ḓo rembuluwa, na pfa zwine Muṋe washu a amba, na tevhedza ndaela idzi dzoṱhe dza Muṋe washu dzine nṋe nda ni laya ṋamusi. 9
30:9
Dot. 28:4
Jer. 32:41
Ndi hone Muṋe washu Mudzimu waṋu a tshi ḓo ita uri ni vhuelwe nga zwinzhi kha zwoṱhe zwine na shuma, ni vhe na vhana vhanzhi, na zwifuwo zwi ande, na zwiliṅwa, zwoṱhe zwi ni nakele; Muṋe washu u ḓo dovha a takalela u ni tonda unga o takalela vhomakhulukuku waṋu. 10Inwi tshaṋu nga hu vhe u vhuelela ha Muṋe washu Mudzimu waṋu nga mbilu yoṱhe na nga zwoṱhe zwine na vha zwone, na u thetshelesa zwine a ni vhudza na u vhulunga milayo yawe na ndaela dzawe dzo ṅwalwaho buguni iyi ya mulanga.

Ipfi ḽa Muṋe washu ḽi kona u pfiwa nga vhoṱhe

11

30:11-14
Dot. 6:6-9Rom. 10:6-8
“Ndayo iyi ine nda ni laya ṋamusi a ni kundwi u i tevhedza; a i kulesa na inwi; 12a i ṱoḓiwi ngei makoleni zwine na nga ri, ‘Ndi nnyi ane a nga gonya ṱaḓulu a yo ri dzhiela yone uri ri i pfe ri i tevhedze?’ 13A i wanali ngei kule seli ha lwanzhe zwine na nga amba na ri, ‘Ndi nnyi ane a nga wela seli ha lwanzhe a ri dzhiela yone, ra i pfa ra i tevhedza?’ 14
30:14
Yes. 45:19
Ipfi ḽi tsini-tsini na inwi, no no ḽi dzhenisa mbiluni, ni a kona u ḽi bula, hone ni fanela u ḽi tevhedza.

Khethani vhutshilo kana lufu!

15

30:15-20
Dot. 32:47
“Asizwo-ha, ṋamusi ndo vhea zwivhili phanḓa haṋu. Ndo vhea vhutshilo na zwivhuya, nda dovha nda vhea lufu na zwivhi. 16
30:16
Dot. 4:16:4-5Mir. 3:1-4
Arali ni tshi funa Muṋe washu Mudzimu waṋu unga ndi tshi ni laya ṋamusi, na tevhela nḓila dzawe na vhulunga milayo yawe na ndaela dzawe na ndayo dzawe, ndi hone ni tshi ḓo tshila, na anda, Muṋe washu Mudzimu waṋu a ni shudufhadza shangoni ḽine na khou ya khaḽo uri ni ḽi dzhie ḽi vhe ḽaṋu. 17Hone arali ni tshi furalela Muṋe washu na si tsha mu thetshelesa, na tenda u fhuriwa na yo luvha midzimu isili na shumela yone – 18ndi khou ni vhudza ṋamusi ndi ri: Vhukuma ni ḓo lovha, a ni nga vhuyi na fhedza miṅwaha ni shangoni ḽine na khou wetshela khaḽo ni tshi wela Jorodani ni tshi ri ni yo ḽi dzhia ḽi vhe ḽaṋu.

19

30:19
Dot. 4:2611:16-28
30:19-20
Dot. 6:4-5Gen. 12:7
“Ḽiṱaḓulu na ḽifhasi ndi ṱhanzi dzanga ṋamusi: Ndo vhea vhutshilo na lufu phanḓa haṋu, mashudu na khombo. Nangani-ha vhutshilo uri ni kone u tshila, inwi na vhana vhaṋu, 20ni fune Muṋe washu Mudzimu waṋu, ni thetshelese zwine a amba, ni songo tenda u fhambana nae; vhutshilo haṋu ndi Ene, ndi Ene u lalama haṋu musi ni shangoni ḽe Muṋe washu a fulufhedzisa vhomakhulukuku waṋu Abrahamu na Isaka na Jakopo.”