Tshivenda 1998 (VEN98)
6

Vhatikedzi vhaṱanu na vhavhili

61

6:1
Mish. 5:14
Zwino misi yeneyo tshivhalo tsha vhafunziwa tshi tshi khou ḓi anda tshi tshi ya, Majuda vha ambaho Tshigiriki vha thoma u gungulela vha ambaho Tshiheberu, vha ambaho Tshigiriki vha tshi vho ri tshilikadzi dzavho a dzi vhuyi dza humbulwa-vho musi hu tshi kovhelwa vhashai zwa ḓuvha ḽiṅwe na ḽiṅwe. 2Ndi hone vha 12 vha tshi kuvhanganya vhafunziwa vhoṱhe vha ri, “A zwo ngo fanela uri riṋe ri litshe u funza ipfi ḽa Mudzimu ri dzhene kha mafhungo a zwiḽiwa. 3
6:3
Dot. 1:13
1 Tim. 3:7-13
Zwino-ha vha hashu, ḓinangeleni vhanna vhaṱanu na vhavhili kha inwi vha ḓivheaho uri vho ḓala Muya Mukhethwa, vha re na vhuṱali, riṋe ri ḓo vha kumedza hoyo mushumo; 4tshashu ha ḓo vha u fungelela kha zwa dzithabelo na u funza ri si na tshine tsha ri thithisa.”

5

6:5
Mish. 6:8
7:55
Mafhungo ayo avho a takadza vhafunziwa vhoṱhe, vha nanga Stefane, munna wa lutendo lwo khwaṱhaho o ḓalaho Muya Mukhethwa, na Filipi, na Prokorosi, na Nikanoro, na Timoni, na Pharamenasi, na Nikolausi wa Antiokia we a ṱanganedza Tshijuda e wa nnḓa. 6
6:6
Mish. 1:24
13:3
1 Tim. 4:14
5:22
2 Tim. 1:6
Vhenevho vha ḓiswa kha vhaapostola, vhaapostola vha vha rabelela vha vha vhea zwanḓa.

7

6:7
Joh. 12:42
Zwa ḓi ralo ipfi ḽa Mudzimu ḽa anḓadzea ḽi tshi ya, tshivhalo tsha vhafunziwa Jerusalema tsha ḓi hula tshi tshi ya, na vhotshifhe vhanzhi-vhanzhi vha ṱanganedza Muṋe washu.

U farwa ha Stefane

8Stefane o vha o shudufhadzwa vhukuma nga Mudzimu, e na maanḓa mahulu, a tshi ita maḓembe na mishumo i kanukisaho vhathuni. 9Hone vhaṅwe vhanna vha iṅwe sinagogo i no pfi “Ya vhanna vho vhofhololwaho”Avho ndi vhe u thomani vha vha vhe dziphuli, zwino vha vho vhofhololwa kana vha rengululwa. vha thoma u mu ṱaṱisa khani. Yeneyo sinagogo yo vha i na Majuda vha Kirene na vha Alekzandria. Vhenevho na vhaṅwe Majuda vha bvaho Kilikia na Asia vha thoma u ṱaṱisa Stefane khani. 10

6:10
Luk. 21:15
Hone Muya a ṋea Stefane vhuṱali lwe a ri a tshi amba, vhoṱhe vha kundwa na u mu hanedza. 11
6:11
1 Mah. 21:10,13
Ndi hone vha tshi vho ṱuṱuwedza vhaṅwe vhanna tshiphirini uri vha mu ambelele vha ri, “Ro pfa a tshi khou sema Mushe na Mudzimu!” 12Vha tshi ralo vha tou vhilinganya vhathu na vhahulwane vha lushaka na vhaḓivhi vha Mulayo. Vhenevho vha ḓa vha fara Stefane vha mu isa khoroni ya Majuda. 13
6:13
Mar. 14:57-58
Vha ḓisa ṱhanzi dza u zwifha, dza ri, “Hoyu munna u ṱolou sema hei thembele khethwa na Mulayo wa Mushe. 14
6:14
Dan. 9:25-26
Ro tou mu pfa a tshi ri hoyo Yesu wawe wa Nazaretha u ḓo thutha thembele a shandukisa na maitele oṱhe e ra a wana kha Mushe.” 15Vhoṱhe vho dzulaho khoroni vha tshi lavhelesa Stefane vha vhona tshifhaṱuwo tshawe tshi tshi nga tsha muruṅwa.