Tshivenda 1998 (VEN98)
5

Ananiasi na Safira

51

5:1-11
Josh. 7
Ha dovha ha vha na muṅwe munna a no pfi Ananiasi e na musadzi wawe a no pfi Safira. Vhenevho vha rengisa tsimu yavho, 2
5:2
Mish. 4:35,37
Josh. 7:21
Ananiasi a dzumba iṅwe tshelede musadzi wawe a tshi zwi ḓivha, yo salaho a i ṋea vhaapostola. 3
5:3
Luk. 22:3
1 Korint. 3:16
Pitrosi a mu vhudza a ri, “Ananiasi, nṋa no litshelani Saṱhane a tshi dzhena mbiluni yaṋu a ita uri ni zwifhele Muya Mukhethwa nga u dzumba iṅwe tshelede kha ye na i wana ni tshi rengisa tsimu? 4Ni sa athu i rengisa yo vha i si tsimu yaṋu naa? Na musi no no i rengisa, iyo tshelede yo vha i si yaṋu na? Nṋa no vha no dzhenwa nga mini ni tshi vhuya na ita zwo raliho? Zwino-ha a no ngo zwifhela muthu no zwifhela Mudzimu!” 5
5:5
Mish. 2:43
5:11
19:17
Ananiasi u pfa zwenezwo a mbo ḓi wela fhasi a fa. Vhoṱhe vhe vha zwi pfa vha farwa nga nyofho khulu. 6Ha ḓa vhaṱhannga, vha putela tshitumbu tshawe vha ya vha tshi swiṱa.

7Hó no fhela awara dzine dza nga swika tharu musadzi wawe a dzhena a sa ḓivhi zwe zwa itea. 8Pitrosi a mu vhudzisa a ri, “Mmbudzeni! Nṋa tshelede ye inwi na munna waṋu na i wana nga tsimu yaṋu ndi yenei fhedzi?” Ene a fhindula a ri, “Ee, ndi yenei.”

9Ndi hone Pitrosi a tshi mu vhudza a ri, “Nṋa ndi zwithu-ḓe ni tshi vhuya na tou langana na munna u linga Muya wa Muṋe washu? Na zwino ndi tshi khou amba vhaṱhannga vhe vha ya u swiṱa munna waṋu khevho afho muṋangoni, na inwi vha ḓo ni hwala!” 10Kathihi fhedzi Safira a mbo ḓi wela fhasi henefho milenzheni ya Pitrosi a fa. Vhaṱhannga vha tshi dzhena vha wana o fa, vha mbo ḓi mu hwala vha ya vha mu swiṱa he vha swiṱa munna wawe. 11

5:11
Mish. 5:5
Tshivhidzo tshoṱhe na vhoṱhe vhe vha zwi pfa vha farwa nga nyofho khulu.

Maḓembe na mishumo i kanukisaho

12

5:12
Mish. 2:43
4:30
14:3
19:11-12
Vhaapostola vho vha vha tshi ita maḓembe manzhi na mishumo i kanukisaho vhathuni. Tshivhidzo tshoṱhe tsho vha tshi tshi kuvhangana Lukumbini lwa Solomoni. 13
5:13-14
Mish. 2:47
4:21
Hone a ho ngo vha na muthihi a si muṅwe ngavho we a ḓibaḓekanya navho; naho zwo ralo vha ḓi khoḓwa nga vhathu. 14Vha ḓi anda vha tshi ya, nga vhanna na vhasadzi vhe vha ṱanganedza Muṋe washu; 15
5:15
Mar. 6:56
ha vhuya ha swika he vhalwadze vha hwalelwa mikotoni vha vhewa kha mimbete na dzithovho uri Pitrosi a tshi fhira vhaṅwe vhavho vha tou welwa nga murunzi wawe zwawo. 16Ha ḓa mavhuthu manzhi a tshi bva miḓini i re tsini ha Jerusalema vha tshi ḓisa vhalwadze vhavho na vha tambudzwaho nga thuṅwa dza Saṱhane, huno vhoṱhe vha fhodzwa.

U tovholwa ha vhaapostola

17

5:17
Mish. 4:1-2,5-6
Huno tshifhe muhulu na vhoṱhe vhe vha vha vhe nae vha tshigwada tsha Vhasadukei tsha henefho, vha dzhenwa nga vivho ḽihulu vha mbo ḓi langana vhaapostola. 18Vha vha fara vha vha valela dzhele. 19
5:19
Mish. 8:26
12:7
27:23
Hone vhusiku honoho muruṅwa wa Muṋe washu a vula mahothi a dzhele, a bvisela vhaapostola nnḓa a vha vhudza a ri, 20
5:20
Mish. 2:46
“Iyani thembeleni ni funze vhathu zwoṱhe zwa vhutshilo hovhu vhuswa.” 21Vhaapostola vho no pfa zwenezwo vha ita nga u ralo; ḽi tshi tsha vha ya thembeleni vha thoma u funza.

Tshifhe muhulu na vhathu vhe vha vha vhe nae vha ramba khoro ya vharangaphanḓa na vhahulwane vhoṱhe vha Israele, vha konou rumela vhaḓinḓa dzhele uri vhaapostola vha ḓiswe khoroni. 22Vhaḓinḓa vhone vha tshi swika dzhele vha wana vhaapostola vha siho, vha vhuya na ḽa u ri, 23“Ri tshi swika dzhele ro wana yo ḓi hoṋiwa yo tou ndwa, na vhalindi vho ḓi linda miṋango; hone ro ḓo ri ri tshi dzhena ra wana hu si na muthu!” 24Mulangammbi wa maswole a u linda thembele na vhotshifhe vhahulwane vha tshi pfa zwenezwo vha kanuka vha ri, “Izwi zwithu zwi ḓo guma ngani?” 25Ndi hone muṅwe munna a tshi ḓa a amba navho a ri, “Edzonu vhona-ha! Vhaḽa vhanna vhe na vha hoṋela dzhele khevhaḽaa thembeleni vha khou funza vhathu!” 26Ndi hone mulangammbi na vhanna vhawe vha tshi ya vha dzhia vhaapostola; hone vha sa tou zwi ita nga khani, ngauri vho vha vha tshi ofha uri vhathu vha nga vha kanḓa nga matombo.

27Vha dzhenisa vhaapostola vha vha imisa phanḓa ha khoro. Tshifhe muhulu a konou vha sengisa a ri, 28

5:28
Mish. 4:18
2:23
3:14-15
Mat. 23:35
27:25
“Hufha ro ni laya ro tou khwaṱhisa ra ri ni songo tsha vhuya na dovha na funza nga uyo muthu; zwino edzonu vhona, no no hashekanya pfunzo yaṋu hoṱhe-hoṱhe Jerusalema! Ni ṱoḓa u ri hwesa mulandu wa malofha a hoyo muthu!”

29

5:29
Mish. 4:19
Pitrosi na vhaḽa vhaṅwe vhaapostola vha fhindula vha ri, “Riṋe tshashu ndi u pfa Mudzimu u fhira u pfa muthu. 30
5:30
Dot. 21:22-23
Mudzimu wa vhomakhulukuku washu o vusa Yesu vhafuni, musi inwi no mu vhulaha nga u mu vhamba kha danda. 31
5:31
Mish. 3:15
Luk. 2:11
Mish. 13:23
Mudzimu o mu vusa a mu vhea thungo ya tshauḽa tshawe uri vha vhuse vhoṱhe, e Murangaphanḓa na Mutshidzi, uri vhathu vha Israele vha rembuluwe vha hangwelwe. 32
5:32
Luk. 24:48
Mish. 1:8
Riṋe ri ṱhanzi dza hezwi zwithu khathihi na Muya Mukhethwa we Mudzimu a mu ruma kha vhane vha mu thetshelesa.”

33Vhanna vha khoro vha tshi pfa vha tshi ralo vha tou halifha, vha ri vhaapostola kha vha vhulawe. 34

5:34
Mish. 22:3
Hone muṅwe wavho wa Mufarisei a no pfi Gamaliele we a vha e muḓivhi wa Mulayo a huliswaho nga vhathu vhoṱhe a takuwa henefho khoroni a ri vhaapostola vha vhe vho bviselwa nnḓa, 35a konou amba na khoro a ri, “Inwi vhanna vha Israele, ḓihumbuleni kha zwine na ṱoḓa u ita havha vhanna. 36Zwiḽa tshiḽa tshifhinga a ho ngo ḓa Theudasi a ḓiita ene-ene a tevhelwa nga vhathu vhane vha nga swika 400? Hone o ḓo vhulawa, vhathu vhawe vha balangana naḽo ha vha u guma hazwo. 37
5:37
Luk. 2:1
Ngavhuya nga tshiḽa tshifhinga tsha u vhalwa ha vhathu, ha bvelela Judasi wa Galelia, na ene a ḓi tevhelwa nga vhathu vha re na tshivhalo, hone a ḓi fhedza nga u vhulawa, tshigwada tshawe tshoṱhe tsha balangana. 38Na henefha zwi nga ḓi ralo. Nṋe ndi tshi ni vhudza, ndi ri havha vhanna vha litsheni. Inwi sokonu vha lavhelesa ngauri arali zwine vha ita i mihumbulo ya muthu zwi ḓo pfuvha; 39
5:39
Mish. 23:9
hone arali zwi tshi bva kha Mudzimu ni nga si vha kone. Ni ḓo tshenuwa ni tshi vho lwa na Mudzimu.” Nyeletshedzo iyo ya Gamaliele khoro ya i ṱanganedza. 40
5:40
Mish. 4:18
Mat. 10:17
21:35
Ndi hone vha tshi vhidza vhaapostola, vha vha rwaNga Maitele a Tshijuda vho vha vha tshi rwiwa mboma dza 39. Sedzani kha 2 Korint. 11:24 na Dot. 25:3. vha vha vhudza uri vha songo tsha amba nga Yesu, vha ralo vha konou vha vhofholola. 41
5:41
1 Pit. 4:13,16
Mish. 16:25
Luk. 6:22-23
Vhaapostola vha ṱuwa khoroni vho tou takala nge Mudzimu a vhuya a vhona vho fanelwa-vho nga u rwelwa Yesu. 42
5:42
Mish. 2:46
Vha ḓi dzula vha tshi funza na u ḓivhadza mafhungo maḓifha a uri Mesia ndi Yesu, vha tshi funza thembeleni na miḓini ya vhathu misi yoṱhe.