Tshivenda 1998 (VEN98)
3

U fhodzwa ha munna wa tshihole

31

3:1-9
Mish. 14:8-10
3:1
Mish. 2:46
10:30
Ek. 29:39
Ḽiṅwe ḓuvha Pitrosi na Johanisi vha ya thembeleni nga tshifhinga tsha thabelo, nga awara ya vhuraru ya masiari. 2
3:2
Joh. 9:8
Henefho kha muṅwe muṋango u no pfi Wonakaho vha wana muṅwe munna o bebwaho e tshihole, a tshi ḓi hwalwa ḓuvha ḽiṅwe na ḽiṅwe a dzudzwa henefho uri a humbele tshelede kha vhathu vha ḓaho thembeleni. 3A tshi vhona Pitrosi na Johanisi vha tshi dzhena, a vha humbela tshifhiwa, 4vha mu sedza, Pitrosi a amba nae a ri, “Lavhelesani ngeno.” 5Ene a mbo ḓi lavhelesa a tshi ri vha ṱoḓa u mu fha tshithu. 6
3:6
Mish. 3:16
4:10
19:13
Pitrosi a ri, “Ya nga vha i tshelede nṋe a thi na; ndi ḓo ni fha tshine nda vha natsho: Ndi ri nga dzina ḽa Yesu Khristo wa Nazaretha: takuwani zwino ni tshimbile!” 7A konou mu fara kha tshanḓa tshauḽa a mu takusa. Kathihi fhedzi ṋayo dzawe na zwiendanungo zwa mbo ḓi khwaṱha, 8
3:8
Yes. 35:6
a thamuwa a ima a konou tshimbila-tshimbila! Ndi hone a tshi vho dzhena navho thembeleni a tshi enda a tshi pembela a tshi renda Mudzimu. 9Vhathu vhoṱhe vha mu vhona a tshi tshimbila a tshi renda Mudzimu. 10Vha tshi vhona uri ndi uḽa muhumbeli we a vha o dzula fhaḽa thembeleni muṋangoni u no pfi Wonakaho, vha kanuka vho akhamala vha tshi vhona zwo iteaho khae.

Pfunzo ya Pitrosi thembeleni

11

3:11
Joh. 10:23
Mish. 5:12
Uyo munna a si tsha tenda u fhambana na Pitrosi na Johanisi, henefhaḽa Guḓani ḽa Solomoni, vhathu vhoṱhe vha akhamala vha gidimela khavho. 12Pitrosi a tshi vha vhona a amba navho a ri, “Vhaisraele vha hashu, ni kanukiswa nga mini? Khezwi ni tshi lavhelesa riṋe ha vho nga ndi nga maanḓa ashu kana vhurabeli hashu uyu muthu a tshi vho kona u tshimbila? 13
3:13-14
Mat. 27:20-23
3:13
Mish. 5:30
Yes. 52:13
Joh. 16:14
17:1
Mudzimu wa Abrahamu na Isaka na Jakopo, Ene Mudzimu wa vhomakhulukuku washu, o hulisa Yesu muḓinḓa wawe. Inwi no mu hwelela na vhuya na mu landula khoroni ya Pilato, naho Pilato o vha o no ḓiimisela u mu vhofholola. 14
3:14
Yes. 53:11
Mar. 15:11
Luk. 23:13-23
No landula Ene Mukhethwa muvhuya, na ri ndi khwiṋe Pilato a tshi ni vhofhololela zwaṋu uḽa wa phondi, 15
3:15
Mish. 2:14
na vhulaha Ene a ni isaho vhutshiloni. Mudzimu Ene o mu vusa vhafuni, nazwino riṋe ri dziṱhanzi dzazwo. 16
3:16
Mish. 3:6
Mat. 9:2
Ndi maanḓa a dzina ḽawe ḽe ra ḽi fulufhela o khwaṱhisaho miraḓo ya hoyu munna wa tshihole ane noṱhe na mu ḓivha; u fulufhela Yesu ndi hone ho fhodzaho uyu muthu ane noṱhe na khou mu vhona o takala.

17

3:17
Liv. 22:14
Num. 15:22-31
“Zwino-ha vha hashu, nṋe ndi a zwi ḓivha uri inwi na vharangaphanḓa vhaṋu zwe na ita ho vha hu u sa ḓivha. 18
3:18
Luk. 24:44
Hezwi zwi tshi itea ho vha hu hone Mudzimu a tshi khunyeledza zwe a dzula o amba nga vhaporofita vhawe vhoṱhe zwauri Mesia a bvaho ha Ene tshawe ndi u fa. 19
3:19
Mish. 2:38
Laṱani-ha vhuvhi haṋu ni rembulutshele ha Mudzimu uri a thuthe vhutshinyi haṋu, 20
3:20
2 Pit. 3:12
Muṋe washu a ni awedze, a ni rumele Yesu a re Ene Mesia we a dzula o mu nanga. 21
3:21
Mish. 1:11
Luk. 1:70
Rom. 1:2
U ḓo dzula ṱaḓulu u swika tshifhinga tshine zwoṱhe zwa fanela u itwa zwiswa, nga he Mudzimu a dzula o amba nga vhaporofita vhawe tsha kale na kale. 22
3:22-23
Dot. 18:15,18-19
3:22
Mish. 7:37
Na Mushe o ri, ‘Mudzimu Muṋe waṋu u ḓo ni rumela muporofita ane a ḓo vha wa lushaka lwa haṋu, zwa nga a tshi ruma nṋe.Kana: “ane a nga nṋe.” Ni fanela u thetshelesa zwoṱhe zwine a ni vhudza. 23Onoyo ane a sa ḓo thetshelesa zwine uyo muporofita a amba u ḓo bviswa kha lushaka lwa Mudzimu a lozwiwa.’ 24
3:24
1 Sam. 3:20
Zwino-ha na vhaporofita vhoṱhe vhe vha vhuya vha vha hone, u bva kha Samuele, vho ḓi ḓivhadza-vho zwa tshino tshifhinga. 25
3:25
Gen. 22:18
Inwi ni vhaḓuhulu vha vhaporofita, ni maḽaifa a mulanga we Mudzimu a vhofha na vhomakhulukuku waṋu musi a tshi amba na Abrahamu a tshi ri, ‘Tshakha dzoṱhe dza ḽifhasi dzi ḓo wana mashudu nga muḓuhulu wau.’ 26
3:26
Mat. 1:21
Zwino-ha Mudzimu o thoma nga u rumela Muḓinḓa wawe ha inwi, uri a ni shudufhadze nga u ita uri muṅwe na muṅwe waṋu a furalele vhuvhi hawe.”