Tshivenda 1998 (VEN98)
23

231

23:1
Mish. 24:16
2 Korint. 1:12
4:2
2 Tim. 1:3
Paulo a lavhelesa khoro a ri, “Vha hashu, ndi tshi sedza kutshilele kwanga maṱoni a Mudzimu u swika ṋamusi ndi pfa luvalo lwanga lwo ṱamba.” 2
23:2
Mish. 24:1
Joh. 18:22-23
Ananiasi tshifhe muhulu a amba na vho imaho tsini ha Paulo uri vha mu bomodze. 3
23:3
Mat. 23:27
Dot. 25:1-2
Paulo ene a ri, “Mudzimu u ḓo rwa enewe luvhondo lwo sokou fhomiwaho nga nnḓa!“luvhondo lwo sokou fhomiwaho nga nnḓa” zwi amba “tshinakelavhavhoni”. Sedzani kha Esek. 13:9-16. U nga ri wo dzulela u ntsengisa nga Mulayo, wa dovha wa pfuka Mulayo nga u nthwisa!” 4
23:4
Joh. 18:22
Vhathu vho imaho tsini na Paulo vha mu vhudza vha ri, “A ni zwi pfi uri ni tshi ralo ni khou sema tshifhe muhulu wa Mudzimu naa?” 5
23:5
Ek. 22:28
Paulo a fhindula a ri, “Vhanna vha hashu, a tho ngo zwi ḓivha uri ndi ene tshifhe muhulu. Maṅwalo iṱali a tshi ri, ‘U songo sema muvhusi wa lushaka lwau.’ ”

6

23:6
Mat. 10:16
22:23
Mish. 26:5
Filip. 3:5
Mish. 24:21
Mish. 26:6-8
Paulo a tshi tou vhona uri kha vhanna vha khoro vhaṅwe ndi Vhasadukei vhaṅwe ndi Vhafarisei, a vhidzelela henefho khoroni a ri, “Hee vha hashu! Nṋe ndi Mufarisei o bebwaho nga Vhafarisei. Zwino ndi vhona zwenezwi zwa u sengiselwa uri ndi mini ndi tshi lavhelela u vuwa ha vhafu!” 7A tshi tou ralo a vha o luṱanya Vhafarisei na Vhasadukei, khoro ya mbo ḓi fhandekana nga vhukati. 8
23:8
Luk. 20:27
(Ndi uri Vhasadukei vha ri vhafu a vha nga vuwi, nahone a vha tendi uri hu na vharuṅwa kana mimuya, ngeno Vhafarisei vha tshi zwi tenda zwoṱhe vhuraru hazwo.) 9
23:9
Mish. 5:39
Vilili ḽa tou ṋaṋa, vhaṅwe vhaḓivhi vha Mulayo vha tshigwada tsha Vhafarisei vha takuwa vha hanedza vha ri, “Riṋe a ri vhoni uri hoyu munna o tshinyani! Khamusi nangoho muruṅwa o amba nae – kana ho amba muṅwe muya-vho!”

10Khani ya vhifha lwe mulangammbi a thoma u ofha uri vha ḓo fara Paulo vha mu ṱhukukanya. Ndi hone a tshi vhudza maswole awe uri vha tsele khoroni vha dzhie Paulo vha mu ise gammbani ya maswole. 11

23:11
Mish. 19:21
27:23-24
18:9
Vhusiku honoho Muṋe washu a ḓa a ima phanḓa ha Paulo a mu vhudza a ri, “U songo kulea nungo. Fhano Jerusalema wo no ḓi nṱanziela, zwino zwo fanela uri u ḓi dovha u ite nga u ralo na Roma.”

Hu tshi langanwa u vhulaha Paulo

12Ḽi tshi tsha nga matsheloni Majuda vha kuvhangana vha luka vhunwa; vha ana muano wa uri a vha nga ḽi tshithu kana u nwa tshithu vha sa athu vhulaha Paulo. 13Vhe vha langana zwenezwo vho vha vha tshi fhira 40. 14Ndi hone vha tshi ya ha tshifhe muhulu na vhahulwane vha lushaka vha ri, “Riṋe ro ana ra tou khwaṱhisa uri a ri nga ḽi tshithu ri sa athu vhulaha Paulo. 15Zwino vhone na vhanna vha khoro kha vha swikise fhungo kha mulangammbi wa Muroma ḽa uri Paulo a ḓiswe, vha ḓiite sa vha no khou ṱoḓa u sengulusa mulandu wawe zwavhuḓi. Hone u ḓo wana riṋe ro mu lalela ra mu vhulaha a sa athu swika fhano.”

16Zwino matsina ṅwana wa khaladzi a Paulo wa mutuka tshikwekwe itsho o vho ḓo tshi pfa. Ndi hone a tshi ya a dzhena gammbani ya maswole a sevha Paulo eneo mafhungo. 17Paulo a vhidza muṅwe mulangagomane a mu vhudza a ri, “Kha vha swikise hoyu muṱhanngana kha mulangammbi; u na zwine a funa u mu vhudza.” 18Mulangagomane a mu dzhia a mu swikisa kha mulangammbi, a ri, “Paulo uḽa wa tshivhotshwa o mmbidza a nkhumbela uri ndi swikise hoyu muṱhannga kha vhone; hu na zwine a funa u vha vhudza.” 19Mulangammbi a mu fara nga tshanḓa a ela nae thungo a mu vhudzisa a ri, “Ndi mini zwine na khou ṱoḓa u mmbudza muṱhannga?”

20Ene a fhindula a ri, “Vhahulwane vha Majuda vho langana u humbela vhone matshelo uri vha ḓise Paulo zwi tshi tou nga hu na zwine khoro ya ṱoḓa u sengulusa zwavhuḓi khae. 21Zwino vhone vha songo vhuya vha tenda, ngauri hu ḓo vha na vhanna vha swikaho 40 vha paḓa vha no ḓo vha vho mu lalela. Vho anela Mudzimu uri a vha nga ḽi tshithu kana u nwa tshithu vha sa athu mu vhulaha. Na zwino vho no ḓi luga kale, ho tou sala fhedzi u pfa phindulo yavho.” 22Mulangammbi a ri, “Ni songo vhuya na vhudza muthu uri no ntsevha haya mafhungo.” A ri u ralo a litsha uḽa muṱhanngana a ṱuwa.

Paulo a tshi rumiwa ha muvhusi Felikisi

23Ndi hone mulangammbi a tshi vhidza vhaṅwe vhalangagomane vhawe vhavhili a ri, “Ṱavhanyani ni lugise maswole a 200 a u ya Khisaria, ni lugise na maswole a dzibere a 70 na a 200 o faraho mafumo. Nga 9 ya madekwana ni vhe no luga, ni mbo ḓi takuwa. 24Na Paulo ni mu ṋee tsha u namela, ndi pfe o swika zwavhuḓi ha muvhusi Felikisi.” 25Ndi hone mulangammbi a tshi ṅwala luṅwalo lu no ri,

26“Nṋe Klaudiosi Lisiasi ndi ṅwalela vhone thovhela muvhusi Felikisi. Ri a vusa! 27

23:27
Mish. 21:27-40
22:25-29
Majuda vho vha vho fara hoyu munna vha tshi ṱoḓa u mu vhulaha. Nṋe nda ri u pfa uri ndi mudzulapo wa Roma nda ya nda mu lamukisa ndi na maswole anga. 28Zwino nge nda tama u pfa uri vha ri o tshinyani, nda tsela nae khoroni yavho. 29
23:29
Mish. 18:15
25:19,25
26:31
Ndi hone ndi tshi wana uri a hu na tshe a ita tsho eḓanwaho nga lufu, naho hu u tou hoṋelwa dzhele zwaho; mulandu wo vha wo bva kha khani vha tshi khou ṱaṱisana nga mulayo wavho. 30
23:30
Mish. 23:20
Zwino ndo ri u pfa uri vha khou mu langana, nda vhona uri ndi khwiṋe ndi tshi mu ruma ngeo kha vhone; na vhahweleli vhawe nda vha vhudza uri mulandu wawe ndi khwiṋe vha tshi u hwedza henengeo.”

31Maswole vha ita zwenezwo zwe vha vhudzwa. Vhusiku honoho vha dzhia Paulo vha lala vho swika nae Anthiphathrisi. 32Nga matshelo maswole a tshimbilaho nga milenzhe vha humela gammbani vha sia vha dzibere vha tshi khou fhirela nae phanḓa. 33Maswole vha tshi swika Khisaria vha ṋea muvhusi luḽa luṅwalo, vha mu kumedza na Paulo. 34

23:34
Mish. 21:39
Muvhusi o no lu vhala a vhudzisa Paulo uri u bva kha vundu ḽifhio. A tshi pfa uri u bva Kilikia, 35a ri, “Mafhungo aṋu ndi ḓo a pfa zwenezwo vhahweleli vhaṋu vha tshi swika.” Ndi hone a tshi ṋea ndaela ya uri Paulo a dzule o lindwa pfamoni ya Herude.

24

Majuda vha tshi hwelela Paulo kha Felikisi

241

24:1
Mish. 23:2
Ho no fhela maḓuvha maṱanu tshifhe muhulu Ananiasi a swika Khisaria e na vhaṅwe vhahulwane vha lushaka na ramilayo a no pfi Therethulosi, vha hwelela Paulo kha muvhusi Felikisi. 2Paulo o no vhidzwa, Therethulosi a thoma u mu hwelela a ri,

“Thovhela! Vho ri ladzela shango tshoṱhe nga u dzula vho vhona zwine ra lila, nahone vha khou lulamisa zwithu zwinzhi uri zwi nakele lushaka holu. 3Misi yoṱhe ri tshi vhona hezwi hoṱhe-hoṱhe ri a livhuha! 4Zwino vhunga ndi sa ṱoḓi u fareledza thovhele, ndi ḓo tou humbela uri ri si fhelelwe mbilu, ri pfiwe-vho kha tshililo tshiṱukuṱuku tshe ra ḓa ngatsho. 5

24:5
Mish. 17:6
Luk. 23:2
Riṋe ri vhona uri hoyu munna u tou vha tshone tshifheṱi vhukuma; u enda a tshi vusa mifhirifhiri vhukati ha Majuda mashangoni oṱhe; tsha vhuvhili u dovha a vha ene khwali ya tshigwada tsha Manazaretha. 6
24:6
Mish. 21:28
Zwino o vha a tshi vho linga na u kumadza thembele, hone riṋe ra mu fara. 7
24:7
Mish. 21:32-33
23:10
[Ha ri ri tshi kha ḓi ri ri ḓo tou mu sengisa nga Mulayo washu, mulangammbi Lisiasi ndi u dzhenelela, a mbo ḓi mu dzhia kha riṋe nga khani, 8a ri vhane vha vhilaela vha ḓe fhano ha thovhele.]Ṱhanzi dza kale-kale a dzi na vese idzi dzi re kha zwitangi. Arali thovhele a sengisa hoyu munna nga tsha vhukoma, u ḓo tou ḓipfela nga eṱhe uri zwoṱhe zwine ra khou mu hwelela ngazwo ndi zwone.” 9Majuda na vhone vha ḓadzisa vha ri zwo ambiwaho ndi ngoho.

Paulo a tshi ḓifhindulela phanḓa ha Felikisi

10Ndi hone muvhusi a tshi sumba Paulo, a mu kumedza uri a ambe. Ene a ri, “Nṋe ndi takala nga maanḓa musi ndi tshi ḓifhindulela phanḓa ha thovhele, ngauri ndi tou zwi ḓivha zwavhuḓi uri zwi vho ita miṅwaha minzhi thovhele e muhaṱuli wa holu lushaka. 11Arali thovhele a londolosa zwavhuḓi u ḓo zwi wana uri maḓuvha o vha a sa athu fhira 12 tshee nda gonya Jerusalema u luvha Mudzimu. 12

24:12
Mish. 25:8
Majuda a vho ngo vhuya vha nngwana ndi tshi khou ṱaṱisana na muthu, kana ndi tshi khou vusa mufhirifhiri kha vhathu, thembeleni kana sinagogoni kana huṅwe-vho muḓini. 13Hu ḓi nga na vhuṱanzi a vhuho ha milandu ine vha khou nkhwesa yone. 14Tshine ndi si hanedze ngetshi: Nṋe ndi luvha Mudzimu wa vhomakhulukuku washu nga nḓila ine havha vha ri ‘ndi ya tshiṅwe tshigwada’. Nahone zwoṱhe zwo ṅwalwaho Mulayoni wa Mushe na Buguni dza vhaporofita, ndi ḓi zwi tenda. 15
24:15
Mish. 23:6
24:21
Zwe vhone vha zwi lindela na nṋe ndo lavhelela zwone, ndi amba zwauri vhathu vhoṱhe, vhavhi na vhavhuya, vha ḓo vuwa vhafuni. 16
24:16
Mish. 23:1
Ndi zwone zwine tshifhinga tshoṱhe nda lusa uri ndi dzule ndi na luvalo lwo ṱambaho kha Mudzimu na kha vhathu.

17

24:17
Mish. 18:19-23
19:8,10
20:31
Rom. 15:25-28
1 Korint. 16:1,3
2 Korint. 8:4
“Musi ndo fhedza miṅwahanyana ndi siho Jerusalema, nda kona u vhuelela hone ndi tshi ḓisela vhathu vha hashu zwifhiwa zwa vhashai na u ṋekedza Mudzimu dzinduvho. 18
24:18
Mish. 21:26-27
26:21
Vha tshi nngwana thembeleni ndo vha ndi tshee kha zwenezwo zwe nda amba, ndi tshi kha ḓi tou bva u fhedzisa vhuṱambo ha u ḓikumulula. Vhathu vhe nda ḓa navho vho vha vhe si vhangana, na mufhirifhiri hu si na. 19Vha re hone vho vha vhe Majuda vha bvaho vunduni ḽa Asia. Vhenevho-ha ndi vhone vhe vha vha vho fanela u ima fhano phanḓa ha thovhele uri vha nkhwelele arali vhe na zwine vha nga nkhwelela ngazwo. 20Thovhele a nga ḓi ri vhenevha vhanna vho imaho henefha vha mu vhudze uri musi ndi tshi sengiswa nga khoro ya Majuda vho wana ndi na mulandu-ḓe. 21
24:21
Mish. 23:6
A hu na tshine vha nga amba arali zwi si zwenezwi zwe nda ḓi tou vhidzelela ndo ima phanḓa havho nda ri, ‘Ndi sengiselwa u lavhelela u vuwa ha vhafu.’ ”

22Zwino Felikisi vhunga mafhungo a Nḓila ya Yesu o vha a tshi a ḓivha zwavhuḓi, a mbo ḓi balanganya khoro a ri, “Mafhungo aṋu ndi ḓo a fhedza zwenezwo mulangammbi Lisiasi a tshi swika.” 23

24:23
Mish. 28:16
A vhudza mulangagomane we a vha a tshi linda Paulo uri a dzule o mu linda, hone a sa mu sale murahu, a ḓi tendela khonani dzawe dzi tshi mu ḓisela zwine a lila.

Paulo a tshi amba na Felikisi na Drusila

24Maḓuvha a si mangana, Felikisi a dovha a ḓa o no vha na musadzi wawe Drusila, wa Mujuda. A vhidzisa Paulo, a thetshelesa a tshi khou amba nga zwa u fulufhela Khristo Yesu. 25

24:25-26
Mar. 6:20
Mish. 17:32
Hone Paulo a tshi vho ḓa kha zwa vhuvhuya vhu ṱoḓwaho nga Mudzimu na zwa u ḓifara khathihi na zwa ḓuvha ḽa tsengo ḽi no ḓo ḓa, Felikisi a pfa zwi tshi mu ofhisa a ri, “Ni nga vha no ḓiṱutshela zwaṋu. Ndi ḓo dovha nda ni vhidza musi ndo wana tshifhinga.” 26
24:26
Mish. 24:17
Hafhu o vha a tshi khou humbula uri Paulo u ḓo vhuya a mu fha tshelede ya tshanḓanguvhoni; ndi zwe a vha a tshi sokou ita a tshi vhidza Paulo a tshi amba nae lu si na mbalo.

27

24:27
Mish. 25:9
Hó fhela miṅwaha mivhili, Porokiosi Festosi a vha muvhusi vhudzuloni ha Felikisi. Felikisi nga u ṱoḓa u takadza Majuda, a bva a ḓi sia Paulo a tshee dzhele.

25

Paulo a tshi humbela u sengiswa nga Khisara

251Festosi a ri u swika vunduni ḽa Judia a fhedza maḓuvha mararu e Khisaria a konou gonya Jerusalema. 2

25:2
Mish. 24:1
Henengei vhotshifhe vhahulwane na vharangaphanḓa vha Majuda vha ḓisa mbilaelo dzavho khae dza u hwelela Paulo. Ndi hone vha tshi kwengweledza Festosi 3
25:3
Mish. 23:12-15
uri a vhidzise Paulo a ḓe Jerusalema. Vha tshi ralo tsho vha tshi tshimbevha tsha uri vha mu lalele vha mu vhulahe nḓilani. 4Festosi a fhindula a ri, “Paulo u dzhele Khisaria, huno na nṋe ndi khou humela hone hu si kale. 5Zwino inwi bvisani vharangaphanḓa vhaṋu vha ṱuwe na nṋe uri vha yo mu hwelela henengei arali hu na tshe a tshinya.”

6Festosi a fhedza maḓuvha a 8 kana a fumi e navho, a konou tsela Khisaria. Nga matshelo a dzula kha tshidzulo tsha khaṱhulo a ri Paulo a ḓiswe. 7

25:7
Mish. 24:5,13
Paulo a tshi swika Majuda vha bvaho Jerusalema vha ima vho tou mu tanga vha thoma u mu hwesa milandu mihulu minzhi-minzhi, hone vhuṱanzi ha uri zwine vha khou amba ndi zwone, vha si vhe naho. 8
25:8
Mish. 21:28
24:12
Paulo ene a ḓifhindulela a ri, “Nṋe a hu na tshe nda ita tshi lwaho na Mulayo wa Majuda kana na thembele kana na Khisara.” 9
25:9
Mish. 24:27
Festosi nga u ṱoḓa u takadza Majuda a vhudzisa Paulo a ri, “Nṋa ni nga takalela u gonya Jerusalema uri ndi yo ni sengisela henengei?” 10Paulo a ri, “Heino khoro ine nda khou sengiswa khayo ndi ya Khisara, hone-ha ho fanelaho uri ndi sengiswe hone. Thovhele na ene u tou zwi ḓivha zwavhuḓi uri arali vhe Majuda a hu na tshe nda vha khakhela ngatsho. 11
25:11
Mish. 26:32
28:19
Arali ndo pfuka mulayo nda ita mulandu wo eḓanwaho nga lufu, a thi khou ri ndi songo vhulawa. Hone arali zwine vha khou nkhwelela ngazwo e mazwifhi, a thi sokou kumedzwa havha vhathu nga u ṱoḓa u tou vha takadza fhedzi. Nṋe ndi ri hoyu mulandu nga u fhiriselwe ha Khisara.” 12Festosi a thoma u dzula na vhaeletshedzi vhawe, a konou fhindula a ri, “No ri ni fhiriselwa ha Khisara, nazwino ni ḓo ya ha ene Khisara.”

Paulo a tshi sengiswa nga Agripa na Berenisi

13Ho no fhela maḓuvhanyana khosi AgripaAgripa uyo ndi Agripa 2. Ndi ṅwana wa Agripa 1 ane ra mu pfa kha 12:1. O vhusa mashangoni a seli ha Jorodani, thungo ya devhula, nga 50-94 AD. na khaladzi awe Berenisi vha ḓa Khisaria u fhululedza vhukoma ha Festosi. 14

25:14
Mish. 24:27
Vhó no fhedza maḓuvhanyana vhe henefho, Festosi a ṱalutshedza Agripa mafhungo a Paulo a ri, “Fhano ri na muthu wa tshivhotshwa we Felikisi a tshi ṱuwa a mu sia dzhele. 15
25:15
Mish. 25:2-6
Zwino musi ndo ya Jerusalema, vhotshifhe vha Majuda na vhahulwane vha mu hwelela kha nṋe vha ita na u nkhumbela uri ndi mu vhone mulandu. 16
25:16
Mish. 23:30
24:19
Nṋe nda vha vhudza uri nga Tshiroma muthu ha kumedzwi vhane vha mu hwelela hu u itela u vha takadza; tsho fanelaho ndi u livhana navho a ṋewa tshifhinga tsha u ḓifhindulela kha zwe a pomokwa. 17Vho ḓo ri u swika fhano nṋe nda sa tsha ṱwa ndi tshi kha ḓi lenga; nga matshelo nda ya nda dzula kha tshidzulo tsha khaṱhulo nda ri a ḓiswe khoroni. 18Vhahweleli vhawe vha tshi takuwa, nṋe nda ri khamusi ndi ḓo pfa vha tshi mu hwelela nga milandu mihulu ye nda vha ndo humbulela yone, hone vhone vha si vhuye vha amba na muthihi wayo. 19
25:19
Mish. 18:15
23:29
Tshilwelwa ndo ḓo wana i khani ye vha vhuya vha ṱaṱa nae nga zwa vhurereli havho na nga muṅwe munna o faho ane vhe ndi Yesu, we Paulo a ri u a tshila. 20Nṋe nga u sa ḓivha uri ndi nga wana hani vhuṱanzi kha haya mafhungo, nda vhudzisa Paulo arali a tshi nga takalela u yo sengiswa hayo mafhungo Jerusalema. 21Paulo ene a ri ndi khwiṋe a tshi ḓi dzula o lindwa zwawe mulandu wawe u hwedzwe ha Khisara, a vhe ene ane a u haṱula. Ndi hone nangoho nṋe ndi tshi ri a dzule o lindwa u swika zwenezwo ndi tshi ḓo mu fhirisela ha Thovhele.” 22
25:22
Luk. 23:8
Agripa a vhudza Festosi a ri, “Na nṋe hoyu muthu ndi nga takalela u mu pfa nga dzanga nḓevhe.” Festosi a ri, “Vha ḓo mu pfa matshelo.”

23Nga matshelo Agripa na Berenisi vha dzhena holoni ya tsengo nga mutsindo, vho tou ḓiṱama vha fhelela, vhe na vhalangammbi na vhahulwane vha muḓi. Festosi a ri Paulo a ḓiswe, nangoho a iswa. 24

25:24
Mish. 22:22
Festosi a ri, “Thovhela Agripa na vhoṱhe vho kuvhanganaho fhano! Hoyu munna ane na mu vhona fhano ndi ene we Majuda vhoṱhe vha ḓa ha nṋe vha tshi lila ngae musi ndi Jerusalema, na musi ndi fhano. Vha khou mu hwelela uri ho ngo tsha fanela u tshila. 25
25:25
Mish. 23:29
26:31
25:11-12
Arali e nṋe a tho ngo vhona hu na tshe a ita tsho eḓanwaho nga lufu. Zwino-ha vhunga ene muṋe a tshi ri mafhungo awe a fhirele ha Khisara, nazwino ndo fhedza nga ḽa uri ndi ḓo tou mu fhirisela hone. 26Hone a thi ḓivhi uri ndi tshi ṅwalela Khisara ndi nga ri vhukumakuma a nga vha o tshinyani. Ndi zwone zwe nda mu ḓisa fhano phanḓa haṋu, nga maanḓa phanḓa ha vhone thovhela Agripa, uri khamusi ro no sengulusa mafhungo awe ndi nga wana tshine nda nga ṅwala. 27Ndi uri nṋe ndi vhona vhu vhutsilu u sokou fhirisa tshivhotshwa ndi sa koni u tou ṱalutshedza zwavhuḓi zwine a pfi o tshinya.”