Tshivenda 1998 (VEN98)
17

Paulo na Silasi vhe Thesalonika

171

17:1-4
1 Thes. 2:9
Filip. 4:16
17:1
Mish. 20:4
27:2
1 Thes. 1:1
2 Thes. 1:1
Paulo na Silasi vha buḓekanya Amfipolisi na Apolonia vha swika Thesalonika; henefho ho vha hu na sinagogo ya Majuda. 2
17:2
Luk. 24:44
Mish. 13:14
18:28
28:23
Paulo a ḓi ya thabeloni navho vhunga yo vha i yone nḓowelo yawe; a ita Sabatha tharu a tshi sumbedzisana na vhathu nga Maṅwalo, 3
17:3
Luk. 24:32
a ṱalutshedza uri iṱali zwo vha zwo fanela uri Mesia a vhulawe a konou ḓo tou vuwa vhafuni. A amba a ri, “Onoyu Yesu ane nda ni ḓivhadza ndi Ene Mesia.” 4
17:4
Joh. 12:20
Vhaṅwe vhavho vha ṱanganedza zwe Paulo a amba, vha ima nae na Silasi; na tshigwada tshihulu tsha vhannḓa vha ofhaho Mudzimu, na vhaḓivhalea vha vhasadzi vha re na tshivhalo na vhone vha ima nae.

5Majuda vhone vha vha na vivho vha kuvhanganya mifhafhara i si na mushumo i no ṱwa zwiṱaraṱani ya tou vha mmbi. Vha vusa vilili muḓini woṱhe, vha ya vha pwasha na nnḓu ya Jasoni vha tshi ri vha wane Paulo na Silasi vha vha bvisele nnḓa vhathuni. 6

17:6
Mish. 16:20
Vhe u sa vha wana vha vho khwikhwidza Jasoni na vhaṅwe Vhakhriste vha vha isa ha vhahulwane vha muḓi vha zhamba vha tshi ri, “Havha vhathu vha enda vha tshi vusa mifhirifhiri shangoni ḽoṱhe! 7Zwino vho no swika na fhano, hoyu Jasoni a vha swielela. Vhoṱhe a vha londi milayo ya Khisara, vha ri yone khosi khulu i hone ine vhe ndi Yesu.” 8Vha tshi ralo ha tou vha u ritha magogo na vhahulwane vha muḓi. 9Vhahulwane vha bvisisa Jasoni na vhaḽa vhaṅwe pfarela vha konou vha vhofholola.

Zwa Beria

10

17:10
Mat. 10:23
Ḽo no kovhela Vhakhriste vha ruma Paulo na Silasi Beria. Vha tshi swika vha mbo ḓi fhirela sinagogoni ya Majuda. 11Afho vha wana vhathu vha no pfesesa u fhira vha Thesalonika. Vho vha vha tshi tou thetshelesa nga mbilu yoṱhe nahone ḓuvha ḽiṅwe na ḽiṅwe vha tshi sedzulusa Maṅwalo uri vha vhone arali zwine Paulo a amba zwi zwone. 12
17:12
Mish. 13:50
Vhunzhi havho vha vha vhatendi, na Magiriki vhanzhi vha vhanna, na vhanzhi vha vhaḓivhalea vha vhasadzi.

13Majuda vha Thesalonika vha tshi tou pfa uri Paulo u khou ḓivhadza ipfi ḽa Mudzimu Beria, vha ḓa vha tshutshudza vhathu vhanzhi, vha vusa mufhirifhiri vha tshi tou vha mmbi. 14

17:14
Mish. 16:1
Vhakhriste vha ṱavhanya vha ṱuwisa Paulo a tsela tsini ha lwanzhe, Silasi na Timoti vhone vha sala Beria. 15Vhanna vhe vha fhelekedza Paulo vha tshimbila nae u swika Athene, vha humela Beria na ndaela ya Paulo ya uri Silasi na Timoti vha linge u mu tevhela nga u ṱavhanya.

Paulo e muḓini wa Athene

16Musi Paulo a tshee Athene ó lindela Silasi na Timoti a dinalea nga u vhona muḓi woṱhe wo ḓala zwifanyiso zwa midzimu. 17

17:17
Mish. 17:1,10
18:4,19-21
19:8-9
Ndi zwe a vha a tshi ḓi ya u amba na Majuda na vhannḓa vha ofhaho Mudzimu, vhukati ha vhege a tshi amba na muṅwe na muṅwe ane a tshenuwa o ṱangana nae vanḓani. 18
17:18
Mish. 2:24
Vhaṅwe vhaṱali vha pfunzo ya Epikurosi na i no pfi StoikiEpikurosi ndi muṱali we a funza uri midzimu u vha hone i hone, fhedzi a i londi zwine zwa itea fhano shangoni, yo ḓidzulela zwayo ngei kule i tshi ḓiphiṋa. A dovha a funza uri a hu na zwa u vuwa ha vhafu, ngauralo tsha muthu ndi u ḓiphiṋa nga hune a kona eneo maḓuvha maṱukuṱuku ane a tshila fhano shangoni. Pfunzo i no pfi “Stoiki” i ri muthu a nga tshila zwavhuḓi nga u ṱanganedza zwoṱhe zwine a ṱangana nazwo vhutshiloni. Vho vha vha tshi ombedzela nga maanḓa u ḓifara ha muthu kha zwithu zwoṱhe vhutshiloni, nahone muthu a songo ita tshithu a fhirisa ndinganyo. Vho vha vha sa pfani na zwa u sathula muṅwe muthu. vha hanedzana nae. Vhaṅwe vha ri, “Nṋa itshi tshiḓaḓa tshi khou ṱoḓa u ri vhudza mini?” Vhaṅwe nga fhaḽa vha ri, “U tou nga u amba nga midzimu ine ri si i ḓivhe.” Vha ralo nge Paulo a funza nga Yesu na nga u vuwa ha vhafu.U nga ri Vhaathene vho pfa unga Paulo o vha ḓivhadza midzimu mivhili, muṅwe a tshi pfi “Yesu”, muṅwe wa musadzi a tshi pfi “Mvuwo”. 19Ndi hone vha tshi dzhia Paulo vha mu isa Tshikwarani tsha Ariosi vha ri, “A ni ri ṱalutshedzi-vho iyo pfunzo ntswa ye na ḓa nayo? 20Zwithu zwine na amba a ri pfi na hune zwa ela hone, hone ri nga takalela u ḓivha uri zwi nga vha zwi tshi amba mini.” 21(Ndi uri vhadzulapo vha Athene na ṱhunḓu dzavho, tshe vha vha vha tshi tshi takalela u fhira zwoṱhe ndi u amba na u pfa pfunzo ntswa.)

22Paulo a takuwa a ima phanḓa havho henefho Tshikwarani tsha Ariosi, a ri, “Inwi vhanna vha Athene, ndi vhona ni vhathu vha no funa zwa u rerelela midzimu. 23Ndo ri ndi tshi khou tshimbila fhano muḓini waṋu ndi tshi enda ndi tshi lavhelesa hune na rabela hone, nda wana na iṅwe aḽiṱari yo ṅwalwaho upfi, ‘Ya mudzimu Thimuḓi’. Onoyo Mudzimu ane na mu rabela ni sa mu ḓivhi ndi Ene ane nda ni ḓivhadza. 24

17:24
Mish. 14:15
Nzumb. 14:7
Mish. 7:48
Yes. 42:5
Mudzimu o sikaho shango na zwoṱhe zwi re khaḽo ndi Ene Muṋe wa ḽiṱaḓulu na ḽifhasi; ha dzuli thembeleni dzo fhaṱwaho nga vhathu. 25
17:25
Ps. 50:8-12
Gen. 2:7
Vhathu vha tshi mu ṋekedza nduvho a si uri u shaya tshithu; hufha e Ene ane vhathu vhoṱhe a vha ṋea vhutshilo na muya wa u fema na zwiṅwe zwoṱhe zwine zwa ṱoḓea. 26
17:26
Dot. 32:8
Ps. 74:17
Ndi Ene we a sika vhathu vhoṱhe vha shango vha tshi bva kha muthu muthihi, uri vha ḓadze shango, ó dzula o vha tela zwifhinga na masakha avho. 27
17:27
Mish. 14:17
A tshi ralo ho vha u itela uri vha tou mu ṱoḓa vha tshi phuphudzika vha tshi ri khamusi ri ḓo mu wana, hu uri Mudzimu u tsini na muṅwe na muṅwe washu. 28
17:28
Jobo 12:10
Hufha ri tshi tshila ngae, ri tshi tshimbila ngae, ri hone ngae. Zwi tshee zwithihi na zwiḽa zwe vharendi vha haṋu vha amba vha ri,

“ ‘Na riṋe ri vhana vhawe.’Hezwo zwo ambiwa nga murendi a no pfi Aratosi, we a tshila henefha nga miṅwaha ya 315-240 BC.

29“Zwino vhunga ri vhana vha Mudzimu ri songo elekanya uri ri nga fanyisa Mudzimu nga tshivhumbeo tsha musuku kana siliva kana tombo, zwo tou vhaḓiwaho nga he zwa humbulwa nga muthu.

30

17:30
Mish. 14:16
Rom. 3:25
“Huno zwa musi vhathu vha sa athu ḓivha, Mudzimu o zwi litsha zwa fhira; tshine a khou ita zwino ndi u vhudza vhathu vhoṱhe mashangoni oṱhe uri vha rembuluwe. 31
17:31
Joh. 5:22
Mish. 10:42
O vhea ḓuvha ḽine a ḓo haṱula shango ḽoṱhe ngaḽo a sa ṱaluli. Zwenezwo u ḓo zwi ita nga munna we a mu ta, a mu vusa vhafuni uri vhathu vha vhe na vhuṱanzi ha uri ndi Ene ane a ḓo haṱula shango.”

32

17:32
1 Korint. 1:23
Mish. 24:25
Vhaṅwe vha tshi pfa a tshi ri muthu u a vuwa vhafuni, vha mu sea, hone vhaṅwe vha amba nae vha ri, “Ni ḓi dovha ni ri vhudze enea mafhungo ḽiṅwe ḓuvha.” 33Ndi hone Paulo a tshi takuwa a ṱuwa khavho. 34Vhaṅwe vhanna vha ḓibaḓekanya nae vha vha vhatendi. Kha vhenevho ho vha hu na Dionisiosi a re muraḓo wa khoro ya Tshikwara tsha Ariosi, na muṅwe musadzi a no pfi Damarisi, na vhaṅwe.