Tshivenda 1998 (VEN98)
2

Ḽiswole ḽi fulufhedzeaho ḽa Khristo Yesu

21Zwino-ha ṅwananga, khwaṱhiswani nga vhuthu he Mudzimu a ri itela nga Khristo Yesu. 2Zwenezwiḽa zwe nda ni laya ndi tshi pfiwa nga ṱhanzi nnzhi zwi kumedzeni vhathu vha fulufhedzeaho, vhane vha ḓo kona u funza-vho vhaṅwe. 3Ni songo ofha u tambudzwa-vho ni tshi tambudzelwa Khristo Yesu unga zwo fanela maswole awe a fulufhedzeaho. 4

2:4-6
1 Korint. 9:7
Ḽiswole ḽo bvaho pfumo ḽi tama u takadza mulangi waḽo, a ḽi dzheneleli kha mafhungo a songo livhanaho na zwa vhuswole. 5
2:5
1 Korint. 9:25-26
Heb. 12:1
2 Tim. 4:8
Zwi ḓi nga mugidimi wa mbambe a sa wani muṅene arali a sa tevhedzi milayo ya mbambe. 6Mabale ndi a mulimi wa biko. 7Zwine nda khou amba zwi elekanyeni; Muṋe washu u ḓo ni ṋea nḓivho ya u ṱalukanya zwoṱhe.

8Ni songo vhuya na hangwa uri mafhungo maḓifha ane nda a ḓivhadza a ri: Yesu Khristo muḓuhulu wa Dafita o vuwa vhafuni. 9Ndi one mafhungo maḓifha ane nda tambudzelwa one, nda vhuya nda tou vhoxwa nga tsimbi nda nga ndi ḽivemu. Tenda ipfi ḽa Mudzimu ḽone ḽi songo vhoxwa. 10

2:10
Kol. 1:24
Ndi zwine nda ḓi konḓelela zwoṱhe ndi tshi itela vhanangiwa vha Mudzimu uri na vhone vha tshidzwe nga Khristo Yesu vha ṋewe vhugala vhu sa gumi.

11

2:11-13
1 Tim. 1:15
2:11
Rom. 6:5,8
8:17
2 Korint. 4:10
Nahone mafhungo ane ra fanela u a fulufhela asia:

Arali ro fa nae,

na u tshila ri ḓo tshila nae.

12

2:12
Mat. 5:10
Luk. 22:28-30
Mat. 10:33
Arali ra konḓelela,

na u vhusa ri ḓo vhusa nae.

Arali ra mu laṱa, na Ene u ḓo ri laṱa.

13

2:13
Ek. 3:14
Neh. 9:33
Tit. 1:2
Naho riṋe ri sa fulufhedzei,

Ene u ḓi dzula a tshi fulufhedzea;

ha ḓiṱambi, u ḓi dzula e onoyo.

Mushumi makone

14

2:14
1 Tim. 1:3-4
6:4
2 Tim. 2:23
Humbudzani vhathu ni vha eletshedze no tou khwaṱhisa, na Mudzimu a tshi ni pfa, uri vha litshe zwa u lwela maipfi; zwa u ralo a zwi farisi tshithu, tshazwo ndi u lozwa vhathetshelesi. 15Tshaṋu lwelani u ḓikumedza Mudzimu na u shuma lu mu takadzaho; ni vhe mushumi a sa shoniswi nga mushumo wawe, a funzaho mafhungo one-one o tou nde kha ngoho. 16
2:16
1 Tim. 6:20
Mafhafhaḓo a sa ḓivhalei one kha a vhe tshiila kha inwi, ngauri vha itaho zwenezwo vha ḓo ḓi fhambana na Mudzimu vha tshi ya. 17
2:17
1 Tim. 1:20
Pfunzo yavho i nga ṅwatela. Vhaṅwe vhavho ndi Himiniasi na Filithosi. 18Avho vho pambuwa nḓilani ya ngoho nga u funza uri ro no ḓi vuwa vhafuni kale, vha tshi ralo vha vilinganya lutendo lwa vhaṅwe vhatendi. 19
2:19
Num. 16:5,26
Naho zwo ralo muteo wo khwaṱhaho wo tewaho nga Mudzimu u nga si dzinginyee. Khawo ho ṅwalwa ha pfi, “Muṋe washu vha re vhawe u a vha ḓivha,” ha dohwa ha pfi, “Ane a ri ndi wa Muṋe washu nga a furalele vhuvhi.”

20Nḓuni ya muhulwane hu wanala midzio ya tshakha-tshakha; miṅwe i ya musuku na siliva, miṅwe i ya thanda na vumba; dziṅwe ndi mvuvhelo dza madzanga, maṅwe ndi magambiṱa. 21Arali muthu a tshi kupula izwo zwoṱhe zwa vhuaḓa u ḓo vha yeneyo mvuvhelo ya madzanga, yó khethelwa muṋe wayo uri a shume ngayo, ngauri yo dzula yo lugiselwa u ita mishumo mivhuya yoṱhe.

22

2:22
1 Tim. 6:11
Zwenezwo-ha ḓiiliseni nyemulo dza hana, tshaṋu lwelani vhuvhuya na lutendo na lufuno na mulalo ni na vha rabelaho Muṋe washu nga mbilu dzo ṱambaho. 23
2:23
1 Tim. 1:4
Hone khani dza vhutsilu dzi si na mushumo ni songo vhuya na ḓidzhenisa khadzo; hufha ni tshi zwi ḓivha uri zwo raloho zwi fhela nga dziphambano. 24Muḓinḓa wa Mudzimu ho ngo fanela u lwa, tshawe hu vhe u itela vhoṱhe vhuthu, a vhe makone wa u funza, ane naho a tshi vhaiswa a si fhele mbilu, 25naho o ṱangana na vhahanedzi a ḓi vha vhuedzedza nḓilani nga vhulenda, ngauri Mudzimu a nga ḓi vha a tshi funa u vha laṱisa vhuvhi havho uri vha ḓivhe ngoho 26na u vha dzivhulusa uri vha ponyoke zwikwekweni zwa diabolo we a vha o vha fasha uri vha ite zwine a funa.

3

Maḓuvha a vhufhelo

31

3:1
1 Tim. 4:1
2 Tim. 4:3
Ḓivhani uri nga maḓuvha a vhufhelo hu ḓo ḓa misi mivhi. 2
3:2-4
Rom. 1:29-31
Misi iyo vhathu vha ḓo vha na tseḓa, vha funesa lupfumo, vha ṱonga, vha ḓihudza, vha dzula nga u semana, vha nyadza vhabebi, vha sa livhuhi, vha sa luvhi Mudzimu; 3vha si na vhuthu; vha ḓo dzula vho farana nga mbilu, vha ṱolou iselana phungo, vha vha khundavhalai na vhalevhi, vha lwa na zwivhuya, 4vha fheṱana, vha si tsha londa, vha huduluwa, vha funa zwa madakalo fhedzi vha si tsha funa Mudzimu, 5
3:5
Nzumb. 3:9
Mat. 7:15
vha sokou luvha Mudzimu khole-khole hone vha sa fulufheli maanḓa azwo. Vho raloho ni songo konana navho. 6Vhaṅwe vhavho vha sokou vhanyuludza vha dzhena nḓuni dza vhathu, vha zhongondedza zwiḽa zwisadzi zwo ḓilemedzaho nga milandu ya vhutshinyi hazwo zwa sokou langwa nga dzinyemulo dza tshakha-tshakha, 7zwa dzulela u guda, hone zwa ḓi kundwa u ḓivha ngoho. 8
3:8
Ek. 7:11
Havha vhathu vha hanedza ngoho sa Janesi na Jamburesi zwiḽa vha tshi hanedza Mushe. Mihumbulo yavho yo gomala, vha si kone u ṱalukanya zwa lutendo. 9
3:9
Ek. 7:12
Hone a vha nga yi kule, vhathu vhoṱhe vha ḓo ṱuwa vha tshi vha vhonolola uri ndi matsilu. A thi ri ndi zwenezwo zwo bvelelaho kha Janesi na Jamburesi?

Ndayo dzo livhanaho na Timoti

10Inwi hone ṅwananga, no kanda vhuṱalani hanga, na edza pfunzo yanga na u ḓifara hanga na zwine nda tshilela zwone, na lutendo lwanga na u sa fhela mbilu hanga na lufuno lwanga na u konḓelela hanga, 11

3:11
Mish. 13:45-50
14:2,5,19
na u tovholwa hanga na u tambudzwa hanga. A thi ri ni kha ḓi elelwa zwe zwa nngwela Antiokia na Ikoniamu na Listara, zwauri ndo tovholwa hani? Hone Muṋe washu o nndamukisa khazwo zwoṱhe. 12
3:12
Mat. 16:24
Joh. 15:20
Nahone vhoṱhe vhane vha funa u tshila vha tshi ofha Mudzimu vhe vhathihi na Khristo Yesu vha ḓo ḓi tovholwa. 13
3:13
2 Tim. 3:2-9
Hone vhathu vhavhi na vhafhuri vha ḓo ḓi ṋaṋa u ralo vha tshi fhura vhaṅwe, na vhone vha tshi fhurwa.

14

3:14
2 Tim. 1:13
2:2
Inwi hone ni ḓi ima kha zwe na funzwa na zwi tenda ni sa timatimi. Hufha vho ni funzaho ni tshi vha ḓivha. 15
3:15
Ps. 119:98-100
Hufha Maṅwalo Makhethwa ni tshi a ḓivha u bva hanani haṋu. Ndi one a konaho u ni ṋea vhuṱali vhu isaho u tshidzwani nga u fulufhela Khristo Yesu. 16
3:16
2 Pit. 1:19-21
Maṅwalo oṱhe ndi mahevhedzwa-nga-Mudzimu,Kana: “e a hevhedzwa nga Mudzimu ...” a a farisa kha u funza ngoho, na u sumbedza zwi si ngoho, na u khakhulula zwo khakheaho, na u gudisa muthu kutshilele kwone-kwone, 17
3:17
Ef. 4:12-13
uri muthu o ḓikumedzaho Mudzimu a vhonale e na vhukoni, a tshi kona mushumo muṅwe na muṅwe wavhuḓi.

4

41Ṱhanzi dzanga ndi Mudzimu na Khristo Yesu ane a ḓo ḓa u haṱula vha tshilaho na vho faho. Ndi ni laya lwa u tou ana nga u ḓa hawe na muvhuso wawe ndi ri: 2ḓivhadzani mafhungo a Mudzimu, ni si vhuye na bva khazwo, arali tshifhinga tshi tshi tenda naho tshi sa tendi; vha sumbedzeni vhukhakhi havho, ni vha kaidze, ni vha khwaṱhise, ni tshi funza ni sa fheli mbilu. 3

4:3
2 Tim. 3:1
Esek. 33:32
Tshifhinga tshi a ḓa tshine vhathu vha si tsha ḓo takalela pfunzo kwayo; tshavho hu ḓo vha u kungwa nga nyemulo dzavho vha ḓikuvhanganyela vhafunzi vha si na mbalo vhane vha ḓo vha vhudza zwine zwa ḓo vha takadza fhedzi. 4
4:4
1 Tim. 1:6
Vha ḓo konyolela matanda nḓevheni uri vha si pfe ngoho, vha londa zwa dzingano. 5
4:5
2 Tim. 2:3
Mish. 5:41
Hone inwi dzulani no dzivhuluwa tshifhinga tshoṱhe, ni konḓelele u tambula, ni shume mushumo wa muḓivhadzi wa mafhungo maḓifha; ni khunyeledze pfanelo dzaṋu.

6

4:6
Filip. 2:17
Num. 15:1-10
A vha nṋe malofha anga a vho tevhulwa sa thevhula; tshifhinga tshanga tsha u sia vhathu ndi hone tsho swika. 7
4:7
1 Tim. 6:12
2 Tim. 2:5
Heb. 12:1-2
Mbambe iyi ndo i fungelela nda i ṱhaphudza; lwa vha lutendo lwone ndi tshee nalwo.Kana: “zwe nda fulufhedzisa ndo zwi ita.” 8
4:8
1 Korint. 9:25
Zwino tsho nndindelaho ndi muṅene une wa ṋewa vhavhuya.Kana: “muṅene wo nndindelaho ndi vhuvhuya.” Ndi ḓo u ṋekedzwa nga Muṋe washu, Ene Muhaṱuli a sa ṱaluli, nga ḓuvha ḽine a ḓo vhuya ngaḽo. Nahone a hu nga ṋewi nṋe ndi ndoṱhe, hu ḓo ṋewa vhoṱhe vho mu lindelaho nga lufuno.

Ndaela

9

4:9
2 Tim. 4:21
Ni lingedze nga nungo dzoṱhe u ṱavhanya u ḓa ngeno. 10
4:10
Kol. 4:14
Demasi o no takadzwa nga zwa shango. O nṱutshela a livha Thesalonika. Khresentsi ene o ya Galata, Titosi a ya Dalmatia. 11
4:11
Mish. 12:12
We nda sala nae ndi Lukasi fhedzi. Ni tshi ḓa ni ḓe na Markosi; ndi ene ane a nga mpfarisa nga maanḓa kha mushumo wanga. 12
4:12
Mish. 20:4
Thikhikhosi ndo mu ruma Efesa. 13Ni tshi ḓa ni ḓe na dzhasi ḽanga ḽe nda sia Troasi ḽi na Karposi; na bugu dzanga, zwihulwane dziḽa dza mukumba,Dza mukumba o vha a tshi kona u ṅwala a thutha. ni songo dzi sia. 14Alekzannda uḽa mufuli wa musina o nkhakhela zwihulu. Tenda Muṋe washu a tshi ḓo mu lifhedza. 15Na inwi ni mu thanyele, ngauri pfunzo yashu o i hanedza nga maanḓa.

16Ndi tshi sengiswa lwa u thoma a hu na na muthihi we a ima na nṋe, vhoṱhe vho nndaṱedza. Ngavhe Mudzimu a tshi vha hangwela. 17

4:17
Mish. 27:23-24
Ps. 22:20-21
Tenda Muṋe washu o ima na nṋe a nṋea nungo nda konou ḓivhadza mafhungo maḓifha ndi sa siedzi, uri tshakha dzoṱhe dza vhannḓa dzi a pfe. Nda vhuya nda tou ponyokiswa mulomoni wa ndau. 18Nahone Muṋe washu u ḓo ḓi nndamukisa khomboni dzoṱhe a ntswikisa zwavhuḓi muvhusoni wawe ngei makoleni. Vhugala ndi hawe nga hu sa gumi. Amen.

Nyonesano

19

4:19
Mish. 18:2
PhriskaPhriska ndi Phrisila. na Akwila na vha muṱa wa Onesiforosi vha vhe hone. 20
4:20
Rom. 16:23
Erastosi o sala Korinta. Throfimosi ndo mu sia Militosi a sa ḓiphiṋi. 21
4:21
2 Tim. 4:9
Ni linge nga nungo dzoṱhe u ḓa vhuriha vhu sa athu swika. Yubulosi na Phudentsi na Linosi na Klaudia na vhatendi vhoṱhe vha ri ni vhe hone.

22Muṋe washu a vhe na inwi a ni khwaṱhise muyani. A ni itele vhuthu noṱhe!