Tshivenda 1998 (VEN98)
1

Theshano

11Ndi riṋe Paulo na SilasiKha Tshigiriki Paulo u ṅwala “Silvanus” a tshi ṅwala dzina ḽa Silasi ḽa Tshilathini. na Timoti. Ri ṅwalela tshivhidzo tsha Mudzimu Khotsi ashu na Muṋe washu Yesu Khristo tsha ngeo Thesalonika. 2Ri a ni resha ri ri: Ngavhe Mudzimu Khotsi ashu na Muṋe washu Yesu Khristo vha tshi ni itela vhuthu na vha na mulalo.

Khaṱhulo ya musi Khristo a tshi vhuya

3

1:3
1 Thes. 1:2-3
3:10,12
Vha hashu, ro fanela u dzula ri tshi livhuha Mudzimu nga zwine na vha zwone. Nahone ndi pfanelo u ralo ngauri lutendo lwaṋu lu ḓi khwaṱha lu tshi ya, na u funana haṋu noṱhe hu ḓi hulela hu tshi ya. 4Ndi zwine ra ni zuwa zwivhidzoni zwa Mudzimu, ngauri naho ni tshi tovholwa na u tambudzwa ni ḓi konḓelela na omelela kha lutendo lwaṋu ni sa fheli mbilu.

5

1:5
Filip. 1:28
Hezwo zwoṱhe ndi tsumbo ya uri Mudzimu a tshi haṱula ha ṱaluli. Zwenezwo ngauri zwino ni khou tambudzelwa muvhuso wawe, Mudzimu u ḓo vhona zwo fanela ni tshi dzhena khawo. 6
1:6
Nzumb. 6:10
18:6
Ngauralo u ḓo lifhedza a sa ṱaluli a tambudza vhatambudzi vhaṋu, 7
1:7
1 Thes. 4:16
a angula inwi ni tambudzwaho, khathihi na riṋe. Izwo u ḓo zwi ita musi Muṋe washu Yesu a tshi ḓidzumbulula a tshi bva makoleni e na vharuṅwa vha no sumbedza maanḓa awe, 8
1:8
Ek. 3:2
Yes. 66:15
Nzumb. 1:14
21:8
Heb. 10:26-27
12:29
2 Pit. 3:7
e kha khavhu ya mulilo. U ḓo lifhedza vha landulaho Mudzimu vha sa funi u pfa mafhungo maḓifha a Muṋe washu Yesu. 9Vhenevho ṱhamu yavho i ḓo vha ya u lovha tshoṱhe lini na lini, vho fhandekanywa na Muṋe washu, vhe kule na vhugala ha maanḓa awe. 10Nga heḽo ḓuvha a tshi vhuya u ḓo vhuela u rendwa nga vhakhethwa vhawe vhoṱhe a tou kanukisa vhatendi vhoṱhe nga vhuhulu ha vhugala hawe. Na inwi ni ḓo vha ni navho, ngauri no tenda vhuṱanzi hashu.

11Ndi zwine ra dzula ri tshi ni rabelela, ri tshi humbela Mudzimu washu uri a ni ite vho fanelaho zwe a ni vhidzela zwone, nga maanḓa awe a khunyeledze zwivhuya zwoṱhe zwe na ḓiimisela u zwi ita, na u ṱhaphudza zwine na shuma nga lutendo. 12Ndi hone ni tshi ḓo ita uri dzina ḽa Muṋe washu Yesu ḽi rendiwe, Ene a konou ita uri ni rendwe-vho, nga vhuthu ha Mudzimu washu na ha Muṋe washu Yesu Khristo.Kana: “nga vhuthu ha Mudzimu washu, Muṋe washu Yesu Khristo.”

2

Muthu a sa ofhi Mudzimu

21Zwi tshi ḓa kha a u vhuya ha Muṋe washu Yesu Khristo musi ri tshi ḓo kuvhanganyelwa khae, ndi a ni humbela vha hashu ndi ri: 2

2:2
1 Joh. 4:1
ni songo sokou ṱavhanya u ṱanganywa ṱhoho kana u tshenuwa nga zwine ha pfi ḓuvha ḽa Muṋe washu ḽo swika, naho hu tshi pfi ndi vhuporofita kana ndi u bvumba kana ndi luṅwalo lune lwa pfi lu bva kha riṋe. 3
2:3
1 Tim. 4:1
Dan. 11:36
1 Joh. 2:18
4:3
Ni songo vhuya na tenda u fhurwa nga muthu na nga tshini. Hu fanela u thoma u ḓa tshifhinga tshine vhathu vha ḓo shandukela Mudzimu ha dzumbuluwa uḽa muvhi a sa ofhi Mudzimu ane tshawe ya ḓo vha hele. 4
2:4
Dan. 7:25
8:9-12
U ḓo ḓihudza a hanedza tshiṅwe na tshiṅwe tshi no pfi mudzimu kana tshine tsha rerelelwa, a vhuya a tou dzula nḓuni ya Mudzimu a ḓiita mudzimu.

5Kani no hangwa? Hezwo zwoṱhe ndo ni vhudza ndi tshi kha ḓi vha na inwi ngeo. 6Hu na tshe tsha zwi dzivhisa hezwo uri zwi si dzumbuluwe; inwi vhaṋe ni a tshi ḓivha. Uyo muvhi u dzumbuluwa u ḓo dzumbuluwa nga tshifhinga tsho tiwaho. 7Nazwino maanḓa o dzumbamaho a onoyo muvhi a vho vhonala. Hone hoyo ane a zwi thivhela u fanela u thoma a sudzuluswa nḓilani yazwo, 8

2:8
Dan. 7:10-11
Yes. 11:4
Nzumb. 19:15,21
ndi hone uyo muvhi a tshi ḓo dzumbuluwa. Hone musi Muṋe washu Yesu a tshi vhuya, u ḓo mu vhulaha nga mufemo u bvaho mulomoni wawe a mu lozwa nga lupenyo lwawe. 9
2:9
Nzumb. 13:14
Uyo muvhi a tshi ḓa u ḓo shuma nga maanḓa a Saṱhane a ita maḓembe na zwimangadzo zwa vhufhura, 10vha re nḓilani ya u lovha a vha fhura nga vhufhura vhuvhi ha tshakha-tshakha. Vha ḓo lovha ngauri a vho ngo ṱanganedza ngoho vha i funa ya vha tshidza. 11Ndi zwine Mudzimu a ḓi vha kumedza kha maanḓa a vhufhura uri vha tende mazwifhi. 12
2:12
Rom. 1:32
Vhoṱhe vhe vha takalela vhuvhi vha si tende ngoho vha ḓo haṱulwa vha laṱwa nga u ralo.

U livhuha Mudzimu

13

2:13
Rom. 8:29
Ef. 1:4
1 Pit. 1:2
Vha hashu, vhafunwa vha Muṋe washu, ri fanela u dzula ri tshi livhuha Mudzimu nga u vhona zwe a ni itela. O dzula o ni nanga tsha kale na kaleKana: “O thoma nga u nanga inwi ...” uri ni tshidzwe nga u itwa vhakhethwa nga Muya Mukhethwa na u tenda ngoho, 14a konou ni vhidza nga mafhungo maḓifha e ra ni ḓivhadza uri ni wane mukovhe kha vhugala ha Muṋe washu Yesu Khristo. 15
2:15
1 Korint. 11:2
2 Thes. 3:6
Zwino-ha vha hashu, imani no khwaṱha no nambatela dziḽa ndaela dze ra ni laya nga mulomo na nga u ni ṅwalela.

16

2:16a
1 Joh. 4:10
2:16b
1 Pit. 1:3-4
Muṋe washu Yesu Khristo Ene muṋe na Mudzimu Khotsi ashu, Ene we a ri funa, a dzula a tshi ri khwaṱhisa nga vhuthu hawe, a ri ṋea na zwivhuya zwe ra ṱulutshela, 17ngavhe Ene a tshi ni khuthadza a khwaṱhisa mbilu dzaṋu kha mishumo yoṱhe mivhuya ine na ita na kha maipfi ane na amba.