Tshivenda 1998 (VEN98)
5

Dafita a tshi vha khosi ya Israele na Juda

(1 Koron. 11:1-9; 14:1-7)

51Matsinde oṱhe a Israele vha ḓa ha Dafita e Hebroni vha ri, “Ri malofha mathihi na vhone. 2

5:2
1 Sam. 18:16
Zwiḽa kale, musi Saulo a tshi kha ḓi vha khosi yashu, ndi vhone vhe vha vha vha tshi ranga Vhaisraele phanḓa musi vha tshi bva pfumo. Nahone Muṋe washu o vhudza vhone a ri, ‘Iwe u ḓo lisa vhathu vhanga Vhaisraele, wa vha muvhusi wavho.’ ”

3

5:3
1 Sam. 16:13
Musi vhahulwane vhoṱhe vho ḓa ha khosi Dafita e Hebroni, a vhofha mulanga navho phanḓa ha Muṋe washu, vha vhumba Dafita khosi ya Israele. 4Dafita a tshi vha khosi o vha e na miṅwaha ya 30, a vhusa a fhedza miṅwaha ya 40. 5
5:5
2 Sam. 2:11
O vhusa ḽa Juda e Hebroni a fhedza miṅwaha miṱanu na mivhili na hafu, e Jerusalema o vhusa ḽoṱhe ḽa Israele na ḽa Juda a fhedza miṅwaha ya 33.

Dafita a tshi kunda Jerusalema

6

5:6a
Josh. 15:63
Khosi na vhanna vhe a vha e navho vha takuwa vha livha Jerusalema u yo lwa na Vhajebusi vhe vha vha vha tshi dzula henefho. Vhajebusi vha goḓa Dafita vha ri, “Fhano ha nga dzheni, u ḓo thivhelwa na nga mabofu na zwihole.” Vha tshi elekanya vho ri, “Dafita a nga si dzhene fhano.” 7
5:7-9
Liv. 21:18
Mat. 21:14
Mar. 10:32,46-52
Naho zwo ralo Dafita a thuba dzhavhelo ḽa Tsioni, wa mbo vha Muḓi wa Dafita.

8Musi wonoyo Dafita a ri, “Muthu ane a ṱoḓa u kunda Vhajebusi nga a dzhene nga thanele ya maḓi a tshoṱhele zwenezwo zwihole na mabofu, one maswina a Dafita.” Ndi zwine ha pfi, “Mabofu na zwihole vha nga si dzhene thembeleni.”

9Dafita a pfulutshela dzhavheloni ḽa Tsioni a yo dzula hone a ri hu pfi Muḓi wa Dafita. Dafita a fhaṱa muḓi u mona naho, a thoma kha muṱoḓo wa thambalalo u no pfi Milo a tshi ya ngomu. 10Dafita a ḓi vha na maanḓa a tshi ya ngauri Muṋe washu Mudzimu Mulangazwoṱhe o vha e nae.

11

5:11
1 Mah. 5:10
Mir. 31:1-3
Dot. 17:17
Zwino Hiramu khosi ya Tiro a ruma vhaḓinḓa vha ḓa ha Dafita vhe na matanda a mikedara na vhavhaḓi na vhatsheṱi vha mitsheṱo, vha fhaṱela Dafita pfamo. 12Dafita a zwi ḓivha uri Muṋe washu o mu vhumba khosi ya Israele nahone o hulisa muvhuso wawe a tshi itela vhathu vhawe Vhaisraele.

13

5:13
2 Sam. 2:1-4
3:2-5
Dafita o ri u pfuluwa Hebroni a dzea vhafumakadzi vhanzhi, a dzea na vhasadzi vha dziphuli e Jerusalema, vha mu bebela vhana vhanzhi, vha vhatuka na vha vhasidzana. 14Vhana vha Dafita vho bebwaho Jerusalema ndi: Shamua na Shobaba na Nathani na Solomoni 15na Ibihara na Elishua na Nefege na Jafia 16na Elishama na Eliada na Elifelete.

Dafita a tshi kunda Vhafilista

(1 Koron. 14:8-17)

17Vhafilista vha tshi pfa upfi Dafita o vhumbwa khosi ya Israele, mmbi yavho ya takuwa ya yo mu ṱoḓa uri i mu fare, hone Dafita a zwi pfa, a tsela dzhavheloni. 18Zwino Vhafilista vho vha vho swika, vha ḓadza govha ḽa Refaimi. 19Ndi hone Dafita a tshi vhudzisa Muṋe washu a ri, “Ndi ṱuwe ndi yo lwa na Vhafilista? Iwe u ḓo vha kumedza zwanḓani zwanga?”

Muṋe washu a fhindula a ri, “Tshimbila, vhukumakuma ndi ḓo kumedza Vhafilista zwanḓani zwau.”

20

5:20
Yes. 28:21
Ndi hone Dafita a tshi ya Baali Pheratsimu, henefho a kunda Vhafilista. Dafita a ri, “Muṋe washu o kumba maswina anga a ntshavha, unga magabelo a tshi kumba.” Ndi zwine afho fhethu ha pfi Baali Pheratsimu (Mikumbela). 21
5:21
1 Sam. 4:11
Vhafilista vha tshi shavha vha sia midzimu yavho ya zwifanyiso henefho, Dafita na vhanna vhe a vha e navho vha zwi hwala vha ṱuwa nazwo.

22Vhafilista vha dovha vha ḓa vha vhekanya mmbi dzavho Govhani ḽa Refaimi. 23Dafita a vhudzisa Muṋe washu, Muṋe washu a fhindula a ri, “U songo tou gonya wo vha livha, itou vha mona nga murahu, u vha wele phanḓa ha miri ya maswi. 24

5:24
Gen. 3:8
Hezwi u tshi tou pfa mutsindo matavhini a miri ya maswi, u ṱavhanye, ngauri ndi ḓo vha ndo u ranga phanḓa u yo dia mmbi ya Vhafilista.” 25Dafita a ita zwe Muṋe washu a mu laya, a vhilimedza Vhafilista u bva Geba u vhuya u swika Gezere.

6

Mbulungelo ya mulanga i tshi iswa Jerusalema

(1 Koron. 13:1-14; 15:25-28)

61Dafita a dovha a kuvhanganya vhanna vho nangwaho vha tshi bva kha Vhaisraele, vho ṱangana vha vha 30 000. 2

6:2
Ek. 25:22
Dafita na vhanna vhawe vhoṱhe vha takuwa vha ya BaalaBaala ndi Muḓi wa Jiarimu. Kha hu sedzwe Josh. 15:9,60; 1 Sam. 6:21; 7:1. kha ḽa Juda u yo dzhia mbulungelo ya mulanga ya Mudzimu ine ya pfi ndi ya Muṋe washu Mulangazwoṱhe ane khuluṋoni yawe ya vha vhakherube vha re nṱha ha mbulungelo. 3
6:3-4
1 Sam. 6:7
Num. 7:9
Vha i bvisa hayani ha Abinadaba muvhunduni vha i takula vha i vhea kha gariki ntswa. Uza na Ahio, vhana vha Abinadaba vho vha vha tshi khou endedza iyo gariki 4ye ya vha yo hwala mbulungelo ya Mudzimu, Ahio a tshi khou tshimbila phanḓa hayo, 5Dafita na Vhaisraele vhoṱhe vha tshi khou tshina, vha tshi imba nga nungo dzavho dzoṱhe phanḓa ha Muṋe washu, hu tshi lila haripa na mbila na mirumba na madende na tshele.

6Musi vha tshi swika luvhanḓeni lwa u fhulela lwa Nakhoni, phulu dza khukhulwa, Uza a isa tshanḓa a tika mbulungelo ya mulanga ya Mudzimu. 7

6:7
1 Sam. 6:19
Muṋe washu a sinyutshela Uza nge a ita lunyadzo, zwenezwo Mudzimu a mbo ḓi mu vhulaha a fela henefho tsini ha mbulungelo ya mulanga ya Mudzimu. 8Dafita a sinyuwa nge Muṋe washu a tou fhandula Uza, na ṋamusi fhethu henefho hu pfi Pheretse Uza.Pheretse Uza ndi u ri: U fhandulwa ha Uza.

9

6:9-10
1 Sam. 5:7-11
6:20
Dafita a pfa a tshi ofha Muṋe washu musi wonoyo a ri, “Mbulungelo ya mulanga ya Mudzimu i nga ḓa kha nṋe hani?” 10Dafita a si tsha funa u ṱuwa na mbulungelo ya mulanga ya Muṋe washu a i isa Muḓini wa Dafita. A mbo ḓi i pambusa a i isa muṱani ya Obede Edomo, a no bva muḓini wa Gathi. 11
6:11
1 Koron. 26:4-5
Mbulungelo ya mulanga ya Muṋe washu ya dzula muṱani wa Obede Edomo wa Gathi ya fhedza miṅwedzi miraru, Muṋe washu a shudufhadza Obede Edomo na muṱa wawe woṱhe.

12Zwino khosi Dafita a pfa upfi, “Muṋe washu o shudufhadza muṱa wa Obede Edomo na zwoṱhe zwine a vha nazwo nge a dzula na mbulungelo ya mulanga ya Mudzimu.” Ndi hone Dafita a tshi ṱuwa a yo dzhia mbulungelo ya mulanga ya Mudzimu muṱani wa Obede Edomo a i isa Muḓini wa Dafita hu tshi khou pembelwa. 13Musi vho hwalaho mbulungelo ya mulanga ya Muṋe washu vho tshimbila maga maṱanu na ḽithihi, Dafita a ṋekedza tshiṱhavhelo tsha mboho na ṋamana yo nonaho. 14Dafita a pembela nga nungo dzawe dzoṱhe phanḓa ha Muṋe washu ó ambara luvhemba lwa u pakata lwa lukhaha. 15Dafita na Vhaisraele vhoṱhe vha ḓisa mbulungelo ya mulanga ya Muṋe washu Jerusalema vha tshi khou ṱavha mukosi nga dakalo, hu tshi lila phalaphala.

U ḓihudza na u nyadziswa ha Mikhala

(1 Koron. 15:29 – 16:3,43)

16Musi mbulungelo ya mulanga ya Muṋe washu i tshi dzhena Muḓini wa Dafita, Mikhala ṅwananyana wa Saulo a ṱodzimela nga fasiṱere, a vhona khosi Dafita a tshi tou fhufha a tshi pembela phanḓa ha Muṋe washu, a mu nyadza mbiluni yawe.

17Vha ḓisa mbulungelo ya mulanga ya Muṋe washu, vha i vhea vhudzuloni hayo ngomu denndeni ye Dafita a i akhela, Dafita a ṋekedza Muṋe washu nduvho dzi fhiswaho na dza u konana na Mudzimu. 18Musi o no fhedza u ṋekedza nduvho dzi fhiswaho na dza u konana na Mudzimu, a shudufhadza vhathu nga dzina ḽa Muṋe washu Mulangazwoṱhe. 19Ndi hone muṅwe na muṅwe we a vha e kha gogo ḽa Vhaisraele Dafita a tshi mu ṋea mukonde wa vhurotho na mpale wa dzideithi na mpale wa nḓirivhe, vhoṱhe vhanna na vhasadzi. Vhathu vhoṱhe vha balangana vha ya mahayani avho.

20Musi Dafita a tshi vhuelela hayani u yo shudufhadza muṱa wawe, Mikhala ṅwananyana wa Saulo a bva u yo mu ṱanganedza a ri, “Khosi ya Israele yo ḓiṱalula ṋamusi, yo ḓiṱana sa tsilu i tshi vhonwa nga phuli dza vhasidzana dza vhalanda vhayo!”

21Dafita a fhindula a ri, “Ndo vha ndi tshi khou pembela phanḓa ha Muṋe washu we a nnanga a litsha khotsi aṋu kana muṅwe a no bva nḓuni yavho, a nta uri ndi vhuse vhathu vha Muṋe washu Vhaisraele, nahone ndi ḓo ḓi pembelela Muṋe washu. 22Ndi kha ḓi ḓo kalula, ndi ḓo vhona ndi si tshithu, hone ndi ḓo huliswa nga vhasidzana havho vha dziphuli vhane na vha amba.”

23Mikhala ṅwananyana wa Saulo a vhuya a fa a si na ṅwana.

7

Mulanga we Muṋe washu a vhofha na Dafita

(1 Koron. 17:1-15)

71Musi khosi Dafita o no dzula pfamoni yawe, Muṋe washu ó no mu awedza a si tsha dinwa nga maswina awe oṱhe o mu tangaho, 2a vhudza muporofita Nathani a ri, “Vha vhona zwi zwone naa nṋe ndi tshi dzula pfamoni yo ṱamiwaho nga mikedara, mbulungelo ya mulanga ya Mudzimu yone i tshi dzula denndeni?”

3Nathani a fhindula khosi a ri, “Zwine vha zwi humbula mbiluni yavho nga vha zwi ite, Muṋe washu u navho.”

4Vhusiku honoho ipfi ḽa Muṋe washu ḽa ḓa ha Nathani ḽa ri, 5“Tshimbila u yo vhudza muḓinḓa wanga Dafita u ri, ‘Yahavee u ri: Ndi iwe une wa ḓo mphaṱela nnḓu nda dzula ngomu hayo naa? 6Tshee nda pfulusa Vhaisraele Egipita, na ṋamusi, a thi athu vhuya nda dzula ngomu nḓuni. Ndo tendeleka ndi tshi bva fhano ndi tshi ya fhaḽa ndi tshi dzula denndeni. 7Hoṱhe he nda tshimbila na Vhaisraele ndo no vhuya nda sola muṅwe wa vharangaphanḓa vhavho we nda mu laya uri a lise vhathu vhanga Vhaisraele naa? Kani-ha ndo vhuya nda ri: Ndi mini u songo mphaṱela nnḓu nga mikedara?’

8

7:8
1 Sam. 16:11Ps. 78:70-71
“Zwino-ha, vhudza muḓinḓa wanga Dafita u ri, ‘Yahavee Mulangazwoṱhe u ri: Ndo u wana pfuloni u tshi khou lisa sambi ḽa nngu, nda u ita murangaphanḓa wa vhathu vhanga Vhaisraele. 9Ndo ḓi vha na iwe hoṱhe he wa ya, nda vhulaha maswina au oṱhe a si tsha u dina. Zwino ndi ḓo ita uri u vhe na bvumo, unga ḽa one mahosi mahulu a ḽifhasi. 10Vhathu vhanga Vhaisraele ndi ḓo vha ṋea vhudzulo, nda vha ṱavha uri vha vhe na haya hune ha vha havho, vha si tsha dinwa nga muthu. Vhavhi a vha tsha ḓo dovha vha vha kandeledza unga kale, 11
7:11-16
Yes. 9:6
tshee nda vhea vharangaphanḓa vha vhathu vhanga Vhaisraele. Ndi ḓo ita uri u awele, maswina au oṱhe a si tsha u dina. Ndi a u ḓivhadza uri ndi Nṋe ane nda ḓo fhaṱela iwe nnḓu: 12
7:12-13
Ps. 89:3-4
132:11
Mish. 2:30
Musi u tshi fa, wa yo awela na vhokhotsi au, ndi ḓo ita uri muṅwe ṅwana wau a vhe khosi, ṅwana wa malofha au, nda khwaṱhisa muvhuso wawe. 13Ndi ene ane a ḓo fhaṱela dzina ḽanga nnḓu, nda khwaṱhisa muvhuso wawe lini na lini. 14
7:14
Ps. 2:7
89:26-27
1 Koron. 22:10
28:6
2 Korint. 6:18
Heb. 1:5
7:14-15
Ps. 89:30-33
Ndi ḓo vha khotsi awe, ene a vha ṅwana wanga. Musi a tshi khakha, ndi ḓo mu rwa unga khotsi a tshi rwa ṅwana wawe a tshi mu laya. 15Huno a thi nga litshi u mu funa unga ndo litsha u funa Saulo, we nda mu sudzulusa uri iwe u kone u vha khosi. 16
7:16
1 Sam. 25:28
1 Mah. 2:45
11:38
Ps. 89:35-36
Luk. 1:32-33
Nnḓu yau ya vhuhosi na muvhuso wau zwi ḓo dzula zwi hone ndi tshi zwi vhona, khuluṋoni yau i ḓo khwaṱha lini na lini.’ ”

17Nathani a swikisa ha Dafita maipfi oṱhe – zwoṱhe zwe Muṋe washu a mu dzumbululela.

Thabelo ya Dafita ya u livhuha

(1 Koron. 17:16-27)

18Khosi Dafita a dzhena denndeni, a dzula phanḓa ha Muṋe washu, a rabela a ri, “Muṋe wa zwoṱhe Muṋe washu, ndi nṋe nnyi, muṱa wanga ndi mini, zwe wa vhuya wa ntswikisa hafhano? 19Zwa tou nga wo vhona zwi songo eḓana, Muṋe wa zwoṱhe Muṋe washu, wa vhuya wa tou amba na zwa misi i ḓaho zwa nnḓu yanga ya vhuhosi. Yawee Muṋe wa zwoṱhe Muṋe washu, muthu zwawe a no nga nṋe a nga fulufhedziswa zwo raloho naa?

20“Ndi nga kha ḓi u vhudza mini Muṋe wa zwoṱhe Muṋe washu? Hufha u tshi nnḓivha, ndi muḓinḓa wau. 21Zwithu hezwo zwihulu wo zwi ita u tshi khunyeledza zwe wa dzula wo mpfulufhedzisa nga u funa hau, wa zwi dzumbululela nṋe. 22Yawee Muṋe wa zwoṱhe Muṋe washu, u muhuluhulu! A hu na ane a nga Iwe. Ro zwi pfa nga dzashu nḓevhe ra zwi vhona: Mudzimu ndi Iwe u woṱhe. 23

7:23
Dot. 4:34
Lushaka lune lwa nga vhathu vhau Vhaisraele ndi lufhio? Ndi lwone lushaka lu lwoṱhe fhano fhasi lwe Iwe Mudzimu wa ya u lu tshidza lwa vha lwau, dzina ḽau ḽa ḓivhiwa ḽa vha na bvumo, wa ita zwithu zwihulu zwi ofhisaho nga u thatha tshakha na midzimu yadzo dza shavha vhathu vhau, vhe wa vha lamulela Egipita. 24
7:24
1 Sam. 12:22
Wo ita uri vhathu vhau Vhaisraele vha vhe vhau lini na lini, Iwe Muṋe washu wa vha Mudzimu wavho.

25“Zwino-ha, Mudzimu Muṋe washu, khunyeledza zwe wa fulufhedzisa u tshi amba nṋe na nnḓu yanga, zwi vhe zwa lini na lini. Ita nga he wa fulufhedzisa, 26uri bvumo ḽau ḽi vhe ḽihulu lini na lini. Ndi hone vhathu vha tshi ḓo ri, ‘Yahavee Mulangazwoṱhe ndi Mudzimu wa Israele!’ Ndi hone nnḓu yanga nṋe muḓinḓa wau Dafita i tshi ḓo pfumba u tshi zwi vhona. 27Muṋe washu Mulangazwoṱhe Mudzimu wa Israele, izwo wo zwi dzumbululela nṋe muḓinḓa wau zwiḽa u tshi ri, ‘Nṋe ndi ḓo u fhaṱela nnḓu.’ Ndi zwe nda wana nungo dza u swikisa thabelo iyi ha Iwe.

28“Muṋe wa zwoṱhe Muṋe washu, ndi Iwe Mudzimu! Maipfi au a a fulufhedzea, wo mpfulufhedzisa izwi zwivhuya. 29Zwino ngavhe zwi tshi u takadza u shudufhadza nnḓu yanga, uri u ḓi dzula u tshi ri vhona, ngauri Iwe Muṋe wa zwoṱhe Muṋe washu wo amba wa shudufhadza nnḓu yanga, na zwino ri ḓo vha na mashudu lini na lini.”