Tshivenda 1998 (VEN98)
1

Theshano

11Ndi nṋe Simioni“Simioni” ndi “Simoni” hone hu tshi tevhedzwa kubulelwe kwa Tshiheberu. Pitrosi, muḓinḓa na muapostola wa Yesu Khristo. Ndi ṅwalela inwi vhe Mudzimu Mutshidzi washu Yesu Khristo nga vhuvhuya hawe a ni ṋea zwenezwo zwi tamisaho zwine ra zwi tenda zwe a ṋea riṋe. 2

1:2
1 Pit. 1:2
Ndi a ni resha ndi ri: Ngavhe vhuthu ha Mudzimu na mulalo zwi tshi ḓala henengeo nge na ḓivha Mudzimu na Muṋe washu Yesu.

U vhidzwa na u nangiwa ha Mukhriste

3Ene Yesu Khristo vhunga e Mudzimu Ramaanḓa o ri ṋea zwoṱhe zwine ra lila uri ri kone u tshila tshoṱhe na u mu luvha nga pfanelo. Ro zwi wana nga u ḓivha Ene we a ri vhidza nga u sumbedza vhugala haweDziṅwe ṱhanzi dzi ri, “we a ri vhidzela u kovhekana nae vhugala hawe ...” na maanḓa awe a u ri tshidza. 4Nga eneo maanḓa na vhugala a ri ṋea zwenezwo zwihuluhulu zwi tamisaho zwe a ri fulufhedzisa, uri naho vhanzhi vha tshi khou lovha fhano shangoni nga mulandu wa dzinyemulo, inwi ni zwi ponyoke ni si lovhe, ni vhe na mukovhe kha vhutshilo ha Mudzimu. 5Zwenezwo ni luse nga nungo dzoṱhe u ṱama lutendo lwaṋu nga vhuvhuya, vhuvhuya na vhu ṱama nga nḓivho, 6nḓivho na i ṱama nga u ḓifara, u ḓifara na hu ṱama nga u konḓelela, u konḓelela na hu ṱama nga u ofha Mudzimu, 7

1:7
Heb. 13:1
1 Thes. 4:9
1 Joh. 4:20
1 Korint. 13:13
u ofha Mudzimu na vhu ṱama nga u funa Vhakhriste nga inwi, u funa Vhakhriste na hu ṱama nga u funa vhathu vhoṱhe.

8

1:8b
Filip. 3:10
Arali ni na zwenezwo, zwa ḓi dzula zwi tshi engedzea, a ni nga sokou dzula nazwo, a ni nga shayi mitshelo; ni ḓo ḓi fungelela u ḓivha Muṋe washu Yesu Khristo. 9
1:9
1 Joh. 2:9,11
Joh. 9:39-41
Hone ane a shaya zwenezwo u vhonela tsini, o no ḓi pofula, o ḓihangwisa zwe a ṱanzwiwa vhutshinyi hawe ha kale.

10Zwenezwo vha hashu, lingani nga nungo dzoṱhe uri kutshilele kwaṋu ku khwaṱhise uri no nangiwa na vhidzwa nga Mudzimu. Arali na ralo ni nga si vhuye na gunea. 11Ngauralo Mudzimu u ḓo tou ni vulela muṋango wa u dzhena muvhusoni u sa fheli wa Muṋe washu, Ene Mutshidzi washu Yesu Khristo.

12

1:12
2 Pit. 3:17
Ndi zwine nda ḓo ḓi ni humbudza mafhungo haya, naho ni tshi vho a ḓivha, nó tou ṱoka midzi kha ngoho ye na vha no no ḓi i ṱanganedza. 13
1:13
2 Korint. 5:1
Ndi vhona i pfanelo ndi tshi ḓi ita ndi tshi ni humbudza nga u rali zwino ndi tshi kha ḓi tshila thumbani ino uri ndi ni ṱuṱuwedze, 14
1:14
Joh. 13:36
ngauri ndi ḓivha uri ndi ḓo ṱuwa ndi tshi fa ha vha u thuthea ha thumba ino; Muṋe washu Yesu Khristo o nnzumbululela zwone. 15
1:15
Luk. 22:32
Ndi zwine nda ḓo ita maanḓa uri naho nṋe ndi si tsheeho, ni ḓi dzula ni tshi a elelwa.

Ṱhanzi dza vhugala ha Khristo

16Ndi tshi ralo ndi ngauri zwiḽa ndi tshi ni ḓivhadza maanḓa a Muṋe washu Yesu Khristo na uri u ḓo vhuya, ho vha hu si u ni hanelela ngano dzo tou lukwaho nga vhathu, aiwa, vhugala hawe ro vha ro tou vhu vhona nga ashu maṱo. 17

1:17
Mar. 9:7
Ro vha ri henefho musi Mudzimu Khotsi a tshi mu hulisa a mu ṋea vhugala, hu tshi pfala ipfi ḽi bvaho ha Muṋe wa vhugala ḽi tshi ri, “Hoyu ndi Murwa wanga muthihi fhedzi; u a ntakadza.” 18Riṋe nga dzashu ro tou ḽi pfa heḽo ipfi ḽi tshi bva ṱaḓulu. Ḽi tshi pfala ro vha ri nae thavhani iḽa khethwa.

19

1:19
Ps. 119:105
19:7-9
Ra dovha ra vha na ipfi ḽa vhuporofita ḽi re vhuṱanzi ho khwaṱhaho vhu no fhira na hezwo zwe ra zwi pfa thavhani;Kana: “ḽi no khwaṱhiswa nga vhuṱanzi he ra pfa thavhani.” ḽi nga lwenzhe lu vhonetshelaho swiswini. Ni ita zwone arali ni tshi ḽi farelela mapfuvhi a vhuya a tswuka, Masase ya ṱanḓamela mbiluni dzaṋu.

20Tshihuluhulu ḓivhani uri a hu na vhuporofita Maṅwaloni vhune muthu a nga kona u vhu ṱalutshedza nga ṱhalukanyo yawe ene muṋe. 21

1:21
2 Tim. 3:16
2 Sam. 23:2
A zwo ngo vhuya zwa itea he vhuporofita ha sokou bvelela nge muambi a zwi funa; ndi Muya Mukhethwa we a vha funzedza vha konou amba ipfi ḽa Mudzimu.

2

U thanyela vhafunzi vha khole-khole

(Judasi 4-13)

21

2:1
Mat. 24:11
Mish. 20:30
2 Korint. 11:13
1 Tim. 4:1
Hone na vhaporofita vha khole-khole vho ḓi vha hone kha Vhaisraele. Sa zwenezwo na kha inwi hu ḓo ḓi vha na vhafunzi vha khole-khole. Vha ḓo ni ḓela vho khuba pfunzo dzo shandeaho dza u lozwa vhathu, vha shandukela Muṋe wavho o vha vhofhololaho, u ralo ha vha u ḓiovhela mulandu vha lovha kathihi fhedzi. 2Hone hu ḓo vha na vhanzhi vhane vha ḓo tevhela kutshilele kwa vhenevho kwa vhuḓabaḓaba vha nyadzisa nḓila ya ngoho. 3
2:3
1 Tim. 6:5
Tit. 1:11
1 Thes. 2:5
Ndi tseḓa fhedzi. Vha ḓo ni fhura nga zwiambo zwavho uri vha kone u ni ḽeledza. Vho dzula vho haṱulwa kale; u lovha havho ho dzula ho vha lalela sa ndau i sa ḓivhi khofhe.

4

2:4
Judasi 6
Nzumb. 12:7-8
20:2,3,10
Na vharuṅwa vho tshinyaho, Mudzimu ho ngo vhuya a vha lema, o vha kudza heleni madindini a swiswiDziṅwe ṱhanzi dzi ri, “o vha kudza heleni swiswini a vha vhofha nga dzigeḓane ...” a vha vhea vha lindela ḓuvha ḽa khaṱhulo. 5
2:5
2 Pit. 3:6
1 Pit. 3:20
Gen. 6:9
Zwi ḓi nga shango ḽa kale Mudzimu a songo ḽi lema, vhathu vhoṱhe vha sa ofhi Mudzimu o vha lozwa nga muḓalo wa maḓi. Nua uḽa we a ḓivhadza vhathu u ita zwi re zwone, ndi ene fhedzi we a tsireledzwa, khathihi na vhaṅwe vhaṱanu na vhavhili. 6
2:6
Gen. 19:1-29
Na iḽa miḓi ya Sodoma na Gomora Mudzimu o i haṱulela u lovha, a i fhisa ha sala milora fhedzi, ya vha tsumbo ya ṱhamu ine vhathu vha sa ofhi Mudzimu vha ḓo rwiwa ngayo. 7Hone a lamukisa Loto, muthu muvhuya we a pfa vhuḓabaḓaba ha vhathu vha Sodoma na maitele avho a songo ḓaho a tshi tou mu vhaisa. 8
2:8
Ps. 119:53,136,158
Onoyo muthu muvhuya o dzula navho, misi yoṱhe a ṱwa a tshi ḽa mbilu a tshi vhona na u pfa zwiito zwavho zwivhi. 9
2:9
Ps. 34:19
Nzumb. 3:10
Ndi zwone, vhathu vha ofhaho Muṋe washu, u a vha lamukisa musi vhe milingoni, hone vhavhi u a vha vhea vha lindela ḓuvha ḽa khaṱhulo uri vha rwiwe, 10zwihulwane vhane vha langwa nga nyemulo dzavho dzi nengisaho vha tshi nyadza vhuhulu ha Muṋe washu.Kana: “vha tshi nyadza vhahulwane.”

Ndi vhadziakhani, ndi khundavhalai, vha sema vhahulwane vha sa tetemeli, 11hu uri na vharuṅwa vhone vhaṋe vhane vha vha fhira kule nga nungo na maanḓa a vha pomoki havha vhathu ha Muṋe washu, 12hone havho vha sokou sasaladza zwithu zwine vha si vhuye vha zwi ḓivha. A vha na ṱhalukanyo, vha nga phukha dzine dza dzwalelwa u rewa dza vhulawa. Nazwino vha ḓo fa nga u ralo, a vha nga kundwi u lovha tshoṱhe, 13

2:13a
2 Thes. 1:6
vha ḓo lifhedzwa vha pfiswa vhuṱungu honoho he vha pfisa vhaṅwe.

Vha ḓiphiṋa nga u ita minyanya yavho ya vhupangwa masiari tshivhangalala. Musi ni tshi ḽa navho vha tshi khou ḓiphiṋa nga vhufhura havho vha a nengisa na u shonisa nga vhuḓabaḓaba havho. 14Musadzi muṅwe na muṅwe ane vha mu vhona vha mu sedza nga maṱo a vhupombwe; vha tshi tshinya a vha pfeledzi; vha rea vhathu vha si na vhuimo vha vha kungela zwikwekweni zwavho; ndi vhomakone kha tseḓa; vho dzula vho teketelwa nga Mudzimu. 15Vho pambuwa nḓilani ha mbo vha u xela. Vho fara nḓila ya Biliamu ṅwana wa Bosori, we a funesa tshelede lwe a sa tate na u bindula nga u ita zwithu zwivhi. 16Hone o kaidzelwa vhukhakhi hawe: ho tou amba donngi, tshithu tshi sa ambi, ya amba unga muthu, ya laṱisa uḽa muporofita u penga hawe.

17Avho vhathu vha nga zwisima zwo xaho, vha nga khuli i balanganywaho nga maḓumbu. Vho no lugiselwa hune vha ḓo ya hone he swiswi ḽa tou bodo. 18Vha ḓiita zwiambi zwa vhuṱali vha fhura vhathu vhane vha kha ḓi tou bva u ponyoka kha vhathu vho pambuwaho, vha vha fasha nga nyemulo mmbi vha tshi vha itisa zwa vhuḓabaḓaba. 19

2:19
Rom. 6:16
Joh. 8:34
Vha fulufhedzisa havho vhathu uri vha ḓo vha vhofholola vhupulini, ngeno vhone vhaṋe vhe phuli dza maitele a lozwaho muthu, ngauri arali tshithu tshi tshi u vhusa u phuli yatsho. 20
2:20
Mat. 12:43-45
Arali muthu a ponyoka kha tshika dza shango ḽino nga u ḓivha Muṋe washu Mutshidzi washu Yesu Khristo, a dovha a fashwa ngadzo dza mu langa, zwi vho ḓo vhifha u fhira na zwiḽa zwa u thoma. 21
2:21
Luk. 12:47
Zwo vha zwi tshi ḓo mu lelutshela arali a songo vhuya a ḓivha u ita zwi re zwone, u fhira u thoma a zwi ḓivha a dovha a gunea a laṱa ndayo khethwa ye a ṋewa. 22
2:22
Mir. 26:11
O raloho murero a u mu zwifheleli u tshi ri,

“Mmbwa i ḽa na maṱanza ayo,” muṅwe wa ri, “Nguluvhe i ri yo ṱanzwiwa ya dovha ya vhumbuluwa matopeni.”

3

U vhuya ha Muṋe washu, na ḓuvha ḽa khaṱhulo

31Vhafunwa, luno ndi luṅwalo lwa vhuvhili lune nda ni ṅwalela. Kha oṱhe vhuvhili hao ndo edzisa u ni dzivhulusa nga u ni humbudza 2maipfi e a dzula o ambiwa nga vhaporofita vhakhethwa, na ndayo ya Mutshidzi Muṋe washu ye a ri laya nga vhaapostola vhaṋu.

3

3:3
Mat. 24:3-5,11,23-26
2 Tim. 3:1
Judasi 18
Tshihuluhulu ḓivhani uri misi ya vhufhelo hu ḓo vha na vhagoḓi vhane vha tshila vha tshi langiwa nga nyemulo dzavho fhedzi, vha ni goḓa 4
3:4
Yes. 5:19
Jer. 17:15
Esek. 12:22-28
vha tshi ri, “Zwiḽa zwe na fulufhedziswa zwauri Khristo u ḓo vhuya zwi ngafhi zwino? Tshi tsheetsho tshee shango ḽa sikwa na tshee vhokhotsi ashu vha ri sia, zwi tshee zwo ḓi ralo; a hu na tshi bvelelaho.” 5
3:5
Gen. 1:6,9
Ps. 33:6
Joh. 1:3
Heb. 1:2
Matsina u ralo ndi u ḓihangwisa nga khole uri tsha kale na kale hu na ḽiṱaḓulu na shango ḽe Mudzimu a tou amba zwa mbo ḓi vha hone, a tshi zwi sika nga maḓi zwa dovha zwa tikwa nga maḓi. 6
3:6
Gen. 7:11,22
Hone Mudzimu a tshi dovha u amba, shango ḽa dovha ḽa kumbiwa nga one maḓi zwoṱhe zwa dovha zwa vilingana. 7Hone ḽiṱaḓulu na ḽifhasi ḽi re hone zwino ḽo dzula ḽo vhewa ḽo lindela mulilo nga ipfi ḽeneḽiḽa ḽa Mudzimu, ḽo vhulungwa ḽo lindela ḓuvha ḽa khaṱhulo ḽa musi vhathu vhavhi vha tshi ḓo lovha.

8

3:8
Ps. 90:4
Vhafunwa, fhungo ngeḽi ḽine ni si fanele u ḽi hangwa: kha Muṋe washu ḓuvha ḽithihi ḽi nga miṅwaha ya tshigidi, miṅwaha ya tshigidi i nga ḓuvha ḽithihi. 9
3:9
Heb. 10:37
Nzumb. 2:21
Rom. 2:4
1 Tim. 2:4
1 Pit. 3:20
Hu na vhaṅwe vhane vha ri Mudzimu u a ongolowa u khunyeledza zwe a fulufhedzisa, matsina a zwo ngo ralo, ha ongolowi, ndi u tou ri ha athu ni fhelela mbilu; ha funi vhaṅwe vha tshi lovha, u funa vhoṱhe vha tshi laṱa vhuvhi havho.

10

3:10a
Mat. 24:43-44
Luk. 12:39-40
1 Thes. 5:2-3
Nzumb. 3:3
16:15
3:10b
Yes. 24:19
34:4
Ḓuvha ḽa Muṋe washu ḽi tshi ḓa ḽi ḓo sokou bvelele unga fobvu ḽi songo vhuya ḽa lavhelelwa. Hu ḓo pfala mubvumo muhulu, lutombo lwe nyamalali, khuphu kathihi fhedzi; hu ḓo fhisa khavhu dza mulilo, zwivhumbatsiko zwoṱhe zwa ṋoka zwe pwaṱa zwa litshana; ḽifhasi na zwi re khaḽo zwe swoto ha sala hu si na tshithu.Dziṅwe ṱhanzi dzi ri, “zwa wanala”, dziṅwe dzi ri, “zwi ḓo swa”, iṅwe-vho ya ri, “zwi ḓo wanala zwó lovha”. 11
3:11
1 Joh. 2:28
Vhunga tsiko yoṱhe i tshi ḓo pwashekana nga u ralo, a ni zwi vhoni uri ni fanela u tshila vhutshilo vhukhethwa ni tshi hulisa Mudzimu naa? 12
3:12a
Mat. 24:14
3:12b
Mika 1:4
Mal. 3:3
4:1
Dzulani no lavhelela ḓuvha heḽo ḽa Mudzimu ni tshi lusa nga nungo dzoṱhe uri ḽi ṱavhanye u swika. Musi wonoyo lutombo lu ḓo swa nga mulilo lwa lovha, zwivhumbatsiko zwi ḓo ṋoka zwa swa nga mulilo zwe lore.

13

3:13
Yes. 65:17
66:22
Nzumb. 21:1,27
Hone riṋe ro dzula ro lavhelela ḽiṱaḓulu ḽiswa na ḽifhasi ḽiswa ḽe Mudzimu a ri fulufhedzisa, ḽine khaḽo ha ḓo itwa zwi re zwone misi yoṱhe.

14

3:14
1 Korint. 15:58
Zwenezwo vhafunwa, vhunga no lavhelela hezwo, fungelelani u tshila ni tshi konana na Mudzimu, ni sa khakhi, ni sa solisei. 15
3:15
Rom. 3:25
9:22
Ni tshi vhona Muṋe washu a sa ri fheleli mbilu ni zwi vhone uri u kha ḓi ṋea vhathu tshifhinga tsha u tshidzwa, unga na murathu washu mufunwa Paulo o ni ṅwalela nga vhuṱali he Mudzimu a mu ṋea a tshi ṱanziela zwenezwo. 16
3:16
Rom. 3:5-8
6:1
Zwi ḓi fana na zwine a ṅwala kha maṅwalo awe oṱhe a tshi amba eneo mafhungo. Hu na maṅwe e a a ṅwala ane a konḓa u ṱalukanya. Huno vha si na nḓivho kana vhuimo vha ro a shanda unga vha tshi shanda na maṅwe Maṅwalo makhethwa; hone u ralo ndi u ḓilozwa.

17

3:17
Luk. 22:32
Hone inwi vhafunwa, no dzula no laiwa. Ni vhone avho vhathu vha si na mulayo vho xelaho vha sa ḓo ni kunga na fhedza nga u redzemuwa ni sa tsha ima no khwaṱha. 18
3:18
Ef. 4:15
1 Pit. 2:2
2 Pit. 1:5
Tshaṋu nga hu vhe u ḓi pfuma ni tshi ya, ni pfume vhuthu ha Mutshidzi Muṋe washu Yesu Khristo, ni pfume na nḓivho ya u ḓivha Ene.

Vhugala ndi hawe, zwino na lini na lini! Amen.