Tshivenda 1998 (VEN98)
10

Paulo a tshi ḓitsireledza kha vhuapostola hawe

101

10:1
Mat. 11:29
1 Korint. 2:3
2 Korint. 10:10
Nṋe Paulo ndi ni humbela nga zwanḓa zwivhili – nṋe ane musi ri roṱhe nda pfi ndo vuḓa, ndi ngeno kule nda pfi ndi na vhuhali – ndi ni humbela nga Khristo, Ene o vuḓaho, wa vhulenda, ndi ri: 2
10:2
2 Korint. 13:2,10
Ni songo nkombetshedza u ni ḽela vhuhali musi ndi tshi ḓa ngeo. Ndi na ngoho ya uri vhaḽa vhane vha ri sola vha ri ri tshila nga u tevhela zwa shango ḽino, a thi nga ofhi u vha ḽela vhuhali. 3Naho ri tshi tshila fhano shangoni, nndwa ine ra vha khayo a ri i lwi nga zwihali zwa shango. 4
10:4
2 Korint. 6:7Ef. 6:11-18
Mir. 21:22
Zwihali zwine ra lwa ngazwo a si zwa vhathu, hone nga maanḓa a Mudzimu zwi kona u thutha mitsheṱo yo khwaṱhaho. Zwi thuthekanya vhunwa vhu lukwaho nga vhathu, 5zwa ritha milavhu yoṱhe ye vha u ḓihudza vha rea nḓilani ya nḓivho ya zwa Mudzimu, ra thuba mihumbulo yoṱhe ya luvha Khristo. 6Nahone zwenezwo inwi nó no vha vha pfaho tshoṱhe, ndi hone ri tshi ḓo laṱisa vha sa pfi.

7

10:7
Joh. 7:24
Ni sedzese!Vhaṅwe vha tshi ḽi fhindula vha ri, “Inwi ni sokou sedza zwithu nga nnḓa fhedzi.” Arali hu na muṅwe henefho ane a fulufhela uri ene ndi wa Khristo, onoyo nga a ḓivhe uri na riṋe ri vha Khristo unga ene. 8Nangwe ndi tshi zuwa maanḓa e Muṋe washu a ri ṋea nda pfukanyana ndinganyo, a thi shoni; tenda e maanḓa a u ni fhaṱa, a si a u ni wisa. 9Ndi zwine nda ri ndi songo nga ndi khou ni shushedza nga maṅwalo haya anga. 10
10:10
2 Korint. 10:1
11:6
1 Korint. 1:17
Ndi tshi ralo ndi uri hu pfi, “Maṅwalo one a na tshileme na maanḓa, hone a tshi vho swika nga tsha vhukoma ri vhona a si na tshileme, na kuambele kwawe ku tshi nyadzea.” 11Onoyo ane a ralo nga a ḓivhe uri zwenezwo zwine ra amba ri tshi tou ṅwala maṅwalo rí kule, zwi kha ḓi vha zwenezwiḽa zwine ra ḓo ita ri na inwi henengeo.

12

10:12
2 Korint. 10:18
Riṋe ri nga si vhuye ra edzisa u ḓifanyisa kana u ḓivhambedza zwashu na havho vhane vha ḓinakisa zwingafho. Vha ita zwa vhutsilu, ngauri muelo une vha ḓipima ngawo ndi we vha tou ḓivhetshela, vha ḓivhambedza na vhone vhaṋe. 13Riṋe hone a ri nga ḓizuwi ra pfuka ndinganyo, ri ḓo guma nga mikano ye Mudzimu a ri vhetshela. Yone i katela na zwe ra shuma kha inwi. 14Ri tshi vhuya ra swika na kha inwi a ro ngo pfuka mikano yashu; hufha ro vha ro no ni ḓisela mafhungo maḓifha a Khristo. 15
10:15-16
Rom. 15:20
Zwi amba uri ri tshi ni zuwa a ri pfuki ndinganyo ngauri a ri khou ḓizuwa nga mishumo ya vhaṅwe. Ro lavhelela uri lutendo lwaṋu lu engedzee, uri ni ri vhone ro shuma zwihulu zwi fhiraho zwiḽa, na henefho ri sa pfuki mikano yashu. 16Ndi hone-ha ri tshi ḓo ḓivhadza mafhungo maḓifha ra fhirela phanḓa, ra si tou guma nga inwi fhedzi, hone ri sa zuwi zwe ra wana muṅwe o no shuma muvhunduni wonoyo.

17

10:17
Jer. 9:23-24
Hone Maṅwalo a ri, “Ane a zuwa nga a zuwe vhuvhuya ha Muṋe washu.” 18
10:18
Mir. 27:2
Ane a wanala e ngohoni a si uyo ane a ḓikhoḓa, ndi a khoḓwaho nga Mudzimu.

11

Paulo na vhaapostola vha khole-khole

111Zwino nkonḓeleleni zwaṋu ndi tshi amba zwa vhutsilunyana. Nkonḓeleleninyana nandi! 2

11:2
Nzumb. 19:7-8
21:2
Hos. 1:2
Ndi uri a thi ṱoḓi ni tshi vha vha muṅwe, unga na Ene muṋe Mudzimu a sa zwi ṱoḓi. Inwi ni nga muselwa we nda mu ambisela munna muthihi fhedzi. Ndi khou ṱoḓa u mu kumedza munna wawe a tshee wavhuḓi. Munna onoyo ndi Khristo. 3
11:3
Gen. 3:1-6
Tshine mbilu yanga ya tshi swela ndi uri unga ṋowa yo fhura Efa nga vhukwila hayo khamusi na inwi mihumbulo yaṋu i nga xedzwa ni sa tsha ḓo ḓikumedza Khristo nga mbilu nthihi yo ṱambaho. 4
11:4
Gal. 1:6
Ndi tshi ralo ndi uri arali ha ḓa muthu a ni ḓivhadza Yesu muṅwe e si we ra ni ḓivhadza, a ni ḓela na muya muṅwe e si Muya Mukhethwa we na mu ṱanganedza, a ni ḓela na mafhungo maṅwe a si aḽa mafhungo maḓifha e na thoma u a ṱanganedza, ni kanya u sokou mu konḓelela na fhumula. 5
11:5
2 Korint. 12:11
Vhenevho vhaapostola vhaṋu vha maṱhakheni nṋe thi vhoni na muthihi wavho a tshi mphira! 6
11:6
2 Korint. 10:10
Naho ndi si muambi makone zwanga, nḓivho ndi nayo, hufha no zwi pfa misi yoṱhe nga zwoṱhe zwe ra funza henengeo.

7

11:7
2 Korint. 10:1
Ndo ni ḓivhadza mafhungo maḓifha nga fhedzi nda ḓiṱukufhadza ndi tshi ri inwi ni ḓivhee. Kani-ha u thakha ho vha hu u tshinya? 8
11:8
2 Korint. 12:13-14
Ndo ḽeledza zwiṅwe zwivhidzo ngauri vho nkholela ngeno ndi tshi khou shumela inwi. 9
11:9
Filip. 4:15-17
Musi ndi tshi dzula na inwi nde u ṱahelelwa ndi si ni lemedze nga u ni humbela tshelede; vhe vha mpfarisa nga zwoṱhe zwe nda ṱahelelwa ngazwo ndi vha hashu vha bvaho Makedonia. Vhunga ndi songo ranga nda ni lemedza, na zwino a thi nga ni lemedzi. 10Ndi zwenezwo zwine nda zwi zuwa. Nahone nga ngoho ya Khristo ine nda vha nayo ndi ri: kha ḽoṱhe ḽa Akhaya a hu na na muthihi ane nda ḓo ṱanganedza muholo wawe nda vho ḓo kundwa u zuwa. 11
11:11
2 Korint. 7:3
12:15
Kani-ha ndi tshi ralo ndi uri a thi ni funi? Mudzimu u a ḓivha uri ndi a ni funa.

12

11:12
1 Korint. 9:12
Zwine nda khou ita a thi nga litshi u zwi ita, uri havho vhaṅwe vha si kone u zuwa vha ri vha shuma u fana na riṋe. 13
11:13
Mish. 15:24
20:29-30
Gal. 1:7
2:4
Filip. 1:15
3:2,18
Havho vhathu ndi vhaapostola vha khole-khole; vha fhura vhathu nga u ḓiita vhaapostola vha Khristo. 14Huno a zwi kanukisi; na Saṱhane ene muṋe u a ḓikhakhisa a ḓiita muruṅwa wa tshedza. 15
11:15
Filip. 3:19
Zwino a zwi kanukisi-vho arali vhaḓinḓa vhawe vha tshi nga ḓikhakhisa vha ḓiita vhaḓinḓa vha zwivhuya. Vha ḓo fhedza nga u kaṋa zwe vha zwala.

U tambudzelwa vhuapostola

16Ndi a dovha nda ri: hu songo vha na ane a ri nṋe ndi tsilu. Huno arali ni tshi ri ndi tsilu, nnyiteni zwanga tsilu, ndi hone ndi tshi ḓo kona u zuwanyana. 17Ḓivhani uri zwine nda khou zwi amba zwino a si zwi bvaho ha Muṋe washu, ndi vho tou amba sa tsilu ḽine ḽa ḓitika nga mazuwo. 18Vhunga hu na vhanzhi vhane vha zuwa zwa vhathu, na nṋe ndi ḓo ralo. 19Hufha inwi vhaṱali ni tshi konḓelela matsilu ni sa fheli mbilu. 20

11:20
Gal. 2:4
Ndi ralo ngauri ni konḓelela vha ni itaho dziphuli na vhane vha ni ḽeledza na vhane vha ni fasha na vhane vha ni nyadza na vhane vha ni mapha. 21Ndi pfa ndi na ṱhoni ndi tshi tenda uri riṋe a ro ngo kona u ita zwingafho. Zwino litshani ndi ambe zwanga sa tsilu: Ndi ri arali muṅwe e na tshine a nga zuwa, na nṋe ndi natsho. 22
11:22
Filip. 3:5
Rom. 11:1
Arali vha ri, “Ri Vhaheberu”,Paulo a tsh ri “Muheberu” u amba Mujuda nga ndavhuko; a tshi ri “Muisraele” u amba Mujuda ane a tshila nga kutshilele kwa Tshijuda. na nṋe ndi onoyo. Arali vha ri, “Ri Vhaisraele”, na nṋe ndi onoyo. Arali vha ri, “Ri vhaḓuhulu vha Abrahamu”, na nṋe ndi ene. 23
11:23
Mish. 16:23
Arali vha tshi ri, “Ri vhaḓinḓa vha Khristo”, (ndi tshi ralo ndi nga ndi vho tou penga tshoṱhe, ndi tshi ri), nṋe ndi vha fhira kule nga u shuma, na nga u hoṋelwa dzhele lu si na mbalo, na nga u rweswa, na u ṱolou ponyoka lufu. 24
11:24
Dot. 25:3
Ndi na luṱanu Majuda vha tshi nthwa ṱhamu dza 39; 25nda vhundulwa nga ḽivhala luraru lwoṱhe; ḽiṅwe ḓuvha nda vhuya nda kanḓwa na nga matombo. Ndi na luraru ndi tshi vunḓetshelwa nga tshikepe, holu luṅwe nda lala lwanzheni vhusiku hoṱhe, ḽa tsha nda dovha nda ṱwa hone ḓuvha ḽoṱhe. 26
11:26
Mish. 13:50
14:5
17:5
21:31
Gal. 2:4
Nyendoni dzenedzi dzanga dzi sa fheli nda ḓi ṱangana na khombo nnzhi: hu miḓalo ya maḓi, ha ri mavemu, he Majuda vha hashu, he vhannḓa, he miḓini, he sogani, he lwanzheni, he Vhakhriste vha muhoyo. 27Ndo shuma nda tambula; ndi kanzhi ndi tshi ḓidzima khofhe; nda tambula nga nḓala na ḓora, nda ṱwa na nḓala, nda shengela nga tsiku na phepho. 28
11:28
Mish. 20:18-21,31-35
Zwi si izwo fhedzi, na mbilu yanga a i ruli ndi tshi humbula zwivhidzo zwoṱhe. 29
11:29
1 Korint. 9:22
Arali muṅwe washu a tshi shaya nungo, na nṋe ndi pfa ndo tou kulea miraḓo; arali muṅwe washu a khakhiswa, na nṋe ndi pfa mbilu yanga i tshi tou swa.

30

11:30
2 Korint. 12:5,9-10
Hone-ha arali hu na uri ndi ḓikhoḓe ndi ḓo ḓikhoḓela u shaya hanga nungo. 31Mudzimu wa Muṋe washu Yesu Khristo, Ene a re Khotsi awe, murendwa wa lini na lini, onoyo u a zwi ḓivha uri thi zwifhi. 32
11:32-33
Mish. 9:24-25
Zwiḽa ndi ngei Damasko, gota ḽa Khosi Arithasi ḽo ri muḓi u lindwe uri vha mpfare; 33hone nda tsiswa nga ḽivhona ḽa mutsheṱoni ndi tshirunduni ha mbo vha u ponyoka.

12

Mabono na nzumbululo

121

12:1
Mish. 26:19
Gal. 1:12
Litshani ndi zuwe naho zwi sa farisi tshithu. Zwino ndi ḓo amba nga mabono na nzumbululo zwi bvaho ha Muṋe washu. 2Ndi ḓivha muṅwe Mukhriste we a takulelwa ṱaḓulu a swikiswa kha ḽiṱaḓulu ḽa vhuraru; kana o ṱuwa o tou ralo, kana ho ṱuwa muya fhedzi, nṋe ndi nga si zwi ḓivhe, zwi ḓivhiwa nga Mudzimu, hone zwino ho no fhela miṅwaha ya 14 zwo itea. 3-4
12:4
Luk. 23:43
Ndi dovha nda ri, muthu hoyo o takulelwa Pharadisoni – kana o ṱuwa o tou ralo, kana ho ṱuwa muya fhedzi, nṋe ndi nga si zwi ḓivhe, zwi ḓivhiwa nga Mudzimu – hone onoyo muthu e henengei o pfa zwi sa ambiwi, zwine muthu a sa tendelwe u zwi bula. 5
12:5b
2 Korint. 11:30
Onoyo ndi ene ane nda ḓo mu zuwa, hone u ḓikhoḓa ndi nga si zwi ite; tshine nda nga tshi zuwa ndi u shaya nungo hanga.

6-7Nangwe nda ḓikhoḓa ndi ḓo vha ndi si tsilu ngauri ndi ḓo vha ndi tshi khou amba ngoho. Huno a thi nga zwi iti ngauri naho ndo dzumbululelwa zwingafhongafho a thi funi muthu a tshi mphima a fhirisa zwine ene muṋe a vhona ndi tshi zwi ita na u zwi amba.

Hone uri ndi si ḓihangwe nda ḓihudza, ndo longwa mupfa muvhilini wanga, lune zwa nga ndi muruṅwa wa Saṱhane ane a nndida. 8Ndi luraru ndi tshi luvhelela Muṋe washu uri a ṱomole tshithu itsho tshi bve kha nṋe. 9

12:9
Filip. 4:13
Phindulo yawe ya ri, “Tshine wa tshi lila ndi tshilidzi tshanga fhedzi. Maanḓa anga a vhonala tshoṱhe kha onoyo ane a shaya nungo.” Ndi zwine nda takadzwa nga honoho u shaya nungo hanga, ngauri ndi hone ndo tsireledzwa nga maanḓa a Khristo. 10
12:10
2 Korint. 13:4
Zwenezwo-ha ndi pfa ndo fushea ndi tshi shaya nungo, ndi tshi nyadziswa, ndi tshi ṱangana na vhuleme, ndi tshi tovholwa, ndi tshi fara tsha u konḓa nge nda vha wa Khristo. Hezwi ndi tshi shaya nungo ndi hone-ha ndo khwaṱha.

Mbilu ya Paulo i tshi swela Vhakorinta

11

12:11
2 Korint. 11:1,16,17,23
A ni vhoni-ha, zwino ndi vho nga sa tsilu; hone ndi inwi no nnyitisaho. Hone hu uri ndo vha ndo fanela u fhululedzwa nga inwi; ngauri naho ndi si tshithu zwanga, avho vhaapostola vhaṋu vha maṱhakheni a hu na na huthihi hune vha mphira. 12
12:12
Rom. 15:19
Mish. 19:11-12
Ndo ni sumbedza uri ndi muapostola nga zwiga na mishumo i kanukisaho na maḓembe, ndi sa fheli mbilu. 13
12:13
1 Korint. 9:12
2 Korint. 11:7
Ndi tshini tshe nda itela zwiṅwe zwivhidzo inwi ndi si ni itele, arali hu si zwenezwo zwauri nṋe a tho ngo ni lemedza. Huno a ni mpfareli u khakha honoho naa?!

14

12:14
2 Korint. 1:15
13:1-2
Zwino lwo no vha lwa vhuraru ndi tshi ḓilugisela u ni dalela, na zwino a thi nga ni lemedzi. Nṋe a thi ṱoḓi tshelede yaṋu, ndi ṱoḓa inwi. A si vhana vha no ṱunḓela vhabebi, ndi vhabebi vha no ṱunḓela vhana. 15Ndi nga fhelelwa zwanga nga zwoṱhe zwine nda vha nazwo, nda vhuya nda tou fa zwanga, tenda zwa ni farisa. Ngoho ni nga ntsandela u ni funa zwingafhangafha, na tou ntsandela zwenezwo fhedzi naa?

16Ndi zwone, a tho ngo ni lemedza. Hone ni nga ḓi ri ndo ni fasha nga vhumbulu, 17nda ni fhura nga muṅwe wa vhaḽa vhaḓinḓa vhe nda vha ruma. 18

12:18
2 Korint. 8:6,18
Ndo kwengweledza Titosi uri a ḓe a ni dalele, a fhelekedzwa nga muṅwe wa hashu. Kani-ha onoyo Titosi o ni fhura? Kani nṋe na ene a ri shumi nga muya muthihi? A ri tshimbili nga nḓila nthihi kani?

19Khamusi no no ḓi dzula no vhona unga ri khou edzisa u ḓilamulela kha zwine na ri humbulela. Hai nandi, ri amba ri vhathihi na Khristo ri tshi pfiwa nga Mudzimu. Vhafunwa, na zwoṱhe zwine ra zwi ita ri itela u ni fhaṱa. 20Ndi dinwa ngauri khamusi ndi ḓe ndi tshi swika nda wana ni si zwine nda funa ni tshi vha zwone, na inwi na wana nṋe ndi si zwine na funa ndi tshi vha zwone. Tshine nda ḽa mbilu ngatsho ndi uri khamusi ndi ḓo wana hu na dziphambano na mavivho na u sinyutshelana na tseḓa na u nyefulana na zwitshele na u ḓihudza na vilinga. 21

12:21
2 Korint. 2:1-4
1 Korint. 5:1
Ndi ofha uri khamusi ndi tshi dovha u ḓa Mudzimu wanga u ḓo nṱukufhadza ni tshi zwi vhona, nahone ndi ḓo lilela vhanzhi vhe vha tshinya vha si tsha laṱa vhuaḓa havho na vhupombwe na kutshilele kwa vhuḓabaḓaba.