Tshivenda 1998 (VEN98)
3

31Ndi hone Solomoni a tshi thoma u fhaṱa thembele ya Muṋe washu Jerusalema, thavhani ya Moria, he Muṋe washu a ḓisumbedza Dafita khotsi awe. Ho vha hu luvhatani lwa u fhulela lwa Arauna wa Mujebusi, ndi fhethu he ha dzula ho khethwa nga Dafita. 2Solomoni a thoma u fhaṱa nga ḓuvha ḽa vhuvhili ḽa ṅwedzi wa vhuvhili nga ṅwaha wa vhuṋa wa muvhuso wawe.

3Thembele yo fhaṱwaho nga khosi Solomoni yo vha i na vhunavha ha mitha dza 30 na vhuphara ha mitha dza fumi. 4Guḓa ḽa phanḓa ha thembele ḽo vha ḽi tshi eḓana na vhuphara hayo ḽi mitha dza fumi, vhulapfu u ya nṱha ḽi mitha dza 60.Mitha dza 60: Kha 1 Mah. 6:2 hu pfi ndi 15m. Nga ngomu a ḽi hulunga nga musuku u songo vangwaho. 5Holo khulwane a i nambatedza matanda a muṱaululo a i hulunga nga musuku u songo vangwaho, a ola makolo a mutshevho na makolo a khare. 6Khosi ya nakisa thembele nga matombo a mutengo muhulu na musuku u no bva shangoni ḽa Pharavaimi. 7Balaga na mihangammbwa na mbondo na mahothi a thembele a zwi fhoma nga musuku, kha mbondo a vhaḓa zwifanyiso zwa vhakherube.

8Solomoni a fhaṱa Hukhethwakhethwa, vhunavha haho ha eḓana na vhuphara ha thembele, vhu mitha dza fumi, vhuphara vhu mitha dza fumi. A hulunga mbondo dza Hukhethwakhethwa nga musuku u no lemela thani dza 20. 9Zwibigiri zwo itwa nga musuku u no lemela giramu dza 500, mbondo dza kamara dza nṱha na dzone a dzi hulunga nga musuku.

10Khosi ya ita vhakherube vhavhili vho itwaho nga tsimbi, ya vha fhoma musuku ya vha vhea Hukhethwakhethwa. 11Phapha dza vhakherube vhoṱhe dzo vha dzi mitha dza fumi. Lufhafha luthihi lwa mukherube wa u thoma lwo vha lu na vhulapfu ha mitha dza 2,5, lwó kwama luvhondo lwa thembele, ngeno luṅwe lufhafha lwawe, lune na lwone lwa vha na vhulapfu ha mitha dza 2,5 lwó kwama lufhafha lwa muṅwe mukherube. 12Lufhafha luthihi lwa mukherube wa vhuvhili lwo vha lu na vhulapfu ha mitha dza 2,5, lwó kwama luṅwe luvhondo lwa thembele, luṅwe lufhafha lwawe na lwone lú na vhulapfu ha mitha dza 2,5, lwó kwama lufhafha lwa mukherube wa u thoma. 13Phapha dza vhakherube havho dzo vha dzi na vhulapfu ha mitha dza fumi dzo ṱangana. Vho vha vho ima nga milenzhe vho lavhelesa muṋango.

14

3:14
Gen. 3:24Ek. 26:31
Solomoni a ita lupila lwa Hukhethwakhethwa nga vhukuse ha muvhala wa lutombo na muridili na mutswuku, na nga maṅwe masila, hó oliwa makolo a vhakherube khalwo.

Phuphu mbili dza musinaseṱha

(1 Mah. 7:15-22)

15Khosi ya ita phuphu mbili, iṅwe na iṅwe i na vhulapfu ha mitha dza 17,5,Kha 1 Mah. 7:15na 2 Mah. 25:17 na Jer. 52:21hu pfi 9m. ya dzi imisa phanḓa ha thembele. Phuphu iṅwe na iṅwe yo vha i na ṱhoho ya vhulapfu ha mitha dza 2,5. 16Ṱhodzi dza idzo phuphu dzo vha dzo nakiswa nga makolo a geḓane dzo lukwaho dzo vhofhelelwaho maramba a ḓana a musinaseṱha. 17Phuphu idzo dzo vha dzo vhewa matungo a muṋango wa thembele, iṅwe i thungo ya tshipembe i tshi pfi Jakhini, iṅwi i thungo ya devhula i tshi pfi Buasi.