Tshivenda 1998 (VEN98)
6

Dziphuli

61

6:1
Ef. 6:5
Vho vhoxwaho nga vhupuli kha vha hulise vhaṋe vhavho nga nḓila dzoṱhe, uri hu si vhe na ane a sola dzina ḽa Mudzimu na pfunzo ya Tshikhriste. 2
6:2
Filim. 16
Phuli dzine vhaṋe vhadzo vha vha vhatendi dzi songo ri u vhona dzo no vha vhathihi navho dza vho vha nyadza; avho dzi tou ṋaṋa u vha shumela, ngauri vhane vha vhuelwa kha mushumo uyo ndi vhatendi vhane dza vha funa.

Pfunzo yo shandeaho na lupfumo vhukuma

Funzani eneo ni tshi khwaṱhisa vhathu. 3Ane a vhuya a funza pfunzo iṅwe ya thungo a sa nambateli maipfi kwao a Muṋe washu Yesu Khristo na pfunzo ya zwa u ofha Mudzimu, 4

6:4
1 Tim. 1:4
2 Tim. 2:14
onoyo u a ḓihudza, ha ḓivhi tshithu, ḽo no tou vha dzema ḽa u ṱaṱa khani na u lwela maipfi. Zwenezwo zwi bveledza vivho na dziphambano na maṱamba na u humbulelana vhuvhi 5na khani dzi sa fheli dza vhathu vho ṱanganaho ṱhoho, vho xedzaho ngoho. Vhenevho vha vhona unga u luvha Mudzimu zwi nga vha pfumisa tshelede nnzhi. 6
6:6
Filip. 4:11-13
Heb. 13:5
Ndi zwone, u ofha Mudzimu ndi lupfumo luhulu arali muthu a tshi fushea nga zwine a vha nazwo. 7
6:7
Jobo 1:21Mufunzi 5:15
Ri tshi ḓa shangoni ro ḓa na mini? Hu ḓi nga ri tshi ṱuwa ri nga si ṱuwe na tshithu. 8Zwenezwo-ha arali ri na zwiḽiwa na zwiambaro kha ri fushee nga zwenezwo. 9
6:9
Mat. 6:19-21,24-26
13:22
19:23-24
Mir. 28:20
Jak. 5:1-6
Hone vhane vha tama u pfuma vha wela milingoni vha fashwa nga zwikwekwe zwa nyemulo nnzhi dza vhutsilu dzi huvhadzaho dzine dza vha lozwa vha lovha tshoṱhe. 10Ndi uri mudzi wa vhuvhi hoṱhe ndi u funesa tshelede; ho no ḓi gunea vhaṅwe nga u i funesa, vha pwashekanya mbilu dzavho nga u ḓiovhela zwitumbambiluni.

Nndwatshidele ya a fulufhelaho Mudzimu

11Hone inwi no ḓikumedzaho Mudzimu, ḓiiliseni zwoṱhe hezwo. Tshaṋu lwelani u vha muvhuya, na u luvha Mudzimu, na u vha na lutendo na lufuno na u sa fhela mbilu na vhuthu. 12

6:12
2 Tim. 4:7
Filip. 3:12
Ni tou ḓifunga ni ome kha mbambe ya lutendo uri ni wane muṅene u re vhutshilo vhu sa gumi, ngauri ndi honoho vhutshilo he Mudzimu a ni vhidzela hone musi ni tshi ṱanzilela lutendo lwaṋu ni sa timatimi hu na ṱhanzi nnzhi. 13
6:13
Joh. 18:37
Nzumb. 1:5
Ndi a ni laya phanḓa ha Mudzimu, Ene ane zwoṱhe a zwi ṋea vhutshilo, na Khristo Yesu we a ṱanzilela ngoho a sa dzumbi a tshi sengiswa nga Pontio Pilato, ndi ri: 14tevhedzani ndayo hei nga u fulufhedzea ni sa siedzi u swika ḓuvha ḽine Muṋe washu Yesu Khristo a ḓo vhonala. 15
6:15
Nzumb. 17:14
6:15-16
1 Tim. 1:17
Ane a ḓo ita uri a vhonale nga tshifhinga tsho fanelaho ndi Mudzimu murendwa, Ene Muvhusi e eṱhe, Khosi ya mahosi, Ene Muṋe wa vhaṋe, 16Ene e eṱhe a sa fi, a dzulaho tshedzani tshi sa swikelwi nga muthu; ha athu vhonwa nga maṱo a muthu nahone ha nga vhuyi a vhonwa nga maṱo. Ene nga a huliswe a vhuse lini na lini. Amen.

17Layani vho pfumaho fhano shangoni vha si ḓihudze vha si ḓitike nga zwithu zwi si na vhuṱanzi zwi ngaho lupfumo, tshavho hu vhe u ṱulutshela Mudzimu, Ene a no ri ṋea zwoṱhe zwi si na vhukono zwine ra ḓiphiṋa ngazwo. 18Vha layeni uri vha ite zwivhuya, vha pfume mishumo mivhuya, vha vhe vhomapakulile, vha ḓiimisele u kovhekana na vhaṅwe. 19

6:19
Mat. 19:21
6:19-20
Ndi hone vha tshi ḓo ḓikuvhanganyela lupfumopfumo lune lwa ḓo vha wone muteo wo khwaṱhaho wa zwa matshelo, vha vho ḓo kona u wana vhutshilo vhukuma.

20

6:20
2 Tim. 1:14
2:16
Timoti, vhulungani zwe na kumedzwa; ḓiiliseni zwiambo zwi sa ḓivhalei, na khani dzine vhaṅwe nga u sa ḓivha vha ri ndi yone “nḓivho”. 21Vhaṅwe vho ri vha nayo, vha fhedza nga u xela nḓila ya lutendo.

Ngavhe Mudzimu a tshi ni itela vhuthu nandi!