Tshivenda 1998 (VEN98)
2

Maluvhelwe a Mudzimu tshivhidzoni

21Tshihulwane ndi a ni ṱuṱuwedza ndi ri: dzulani ni tshi humbela Mudzimu, ni mu rabele, ni rabelele na vhaṅwe, ni mu livhuhe, ni tshi itela vhathu vhoṱhe, 2na mahosi na vhahulwane vhoṱhe, uri ri tshile ho dzika, ḽo lala, hu tshi huliswa Mudzimu, ha tshilwa nga u ḓifara zwavhuḓi. 3Hezwo ndi zwone zwavhuḓi, ndi zwone zwi takadzaho Mudzimu Mutshidzi washu, 4ngauri Ene u funa vhathu vhoṱhe vha tshi tshidzwa vha ḓivha ngoho. 5Hafhu ni ḓivhe uri Mudzimu ndi muthihi, na Mupfumedzanyi wa Mudzimu na vhathu ndi muthihi, ndi muthu Khristo Yesu. 6

2:6
Mat. 20:28
Tit. 2:14
Rom. 5:6
Ene o ḓikumedza uri a vhe tshipfumelo tsha vhoṱhe. Hoho ho vha vhuṱanzi ho ḓaho nga tshifhinga tsho fanelaho, ha uri Mudzimu u funa vhathu vhoṱhe vha tshi tshidzwa. 7
2:7
Mish. 9:15
13:2
26:17-18
Ndi zwe nṋe nda ruṅwa uri ndi vhe muḓivhadzi wazwo na muapostola, ndi funze vhannḓa a lutendo na ngoho – a thi zwifhi, ndi ni vhudza ngoho.

Zwine zwa ṱoḓea kha vhanna na vhasadzi tshivhidzoni

8

2:8
Ps. 24:3-4
Ndi funa vhanna vha tshi rabela zwivhidzoni zwoṱhe vho kuna, vha tshi rabela vhá songo sinyuwa, vha sa ṱaṱisani. 9
2:9-10
1 Pit. 3:3-4
Na vhasadzi ndi funa vha tshi ambara tshihulwane, lu si lwa u ṱonga, lu sa shonisi, hu si nga u ṱolou thakha mavhudzi, na u kungela madzanga a musuku na dzindalama na u ambara maṱeleṱele. 10Kha vha ḓiṱame nga mishumo mivhuya; ndi zwone zwo teaho vhasadzi vhane vha funa u sumbedza uri vha ofha Mudzimu. 11
2:11
1 Korint. 14:34
Musi no kuvhangana, musadzi kha a fhumule a ḓiṱukufhadze a tende u funziwa. 12Nṋe a thi tendeli musadzi a tshi funza kana a vho vhusa munna. U fanela u fhumula. 13Hufha ho thoma u sikwa Adamu ha konou tevhela Efa. 14
2:14
Gen. 3:6
Nahone a si Adamu we a fhurwa, ho fhurwa musadzi a pfuka ndaela ya Mudzimu. 15Musadzi ene u ḓo tshidzwa nga u beba vhana,Kana: “Mudzimu u ḓo mu tsireledza uri a tshi beba a si fe.” arali a tshi konḓelela kha lutendo na lufuno na vhukhethwa a sa ṱongi.

3

Zwine zwa ṱoḓea kha vhalisa vha tshivhidzo

31

3:1
1 Tim. 1:15
3:1-7
Tit. 1:7-9
Hu pfi, “Ane a funa u vha mulisa wa tshivhidzo o tama mushumo wavhuḓi.” Hayo ndi mafhungo ane a fanela u fulufhelwa. 2
3:2
2 Tim. 2:24
Mulisa wa tshivhidzo nga a vhe a sa solisei, a tshi fulufhedzea kha musadzi wawe, ó tokomelwa, ó dzika, a ḓifaraho tshihulwane, a takalelaho vhaeni, a konaho u funza; 3a songo vha e tshidakwa kana mudziadzinndwa, a vhe wa vhulenda na mulalo, a sa funesi tshelede, 4a konaho u langa muṱa wawe zwavhuḓi, na vhana vhawe o vha gudisa u mu thetshelesa na u hulisa. 5Ndi uri muthu a tshi kundwa nga muṱa wawe, tshivhidzo tsha Mudzimu a nga kona u tshi londola hani? 6
3:6
2 Pit. 2:4
A songo vha muthu ane a kha ḓi bva u rembuluwa, uri a sa ḓo ḓihudza a vho ḓo rwiwa nga ṱhamu i ngaho iḽa yo rwaho diabolo. 7U fanela u vha muthu ane na vhannḓa vha mu amba zwavhuḓi, uri a sa ḓo elwa nga phungo a vho fashwa nga tshikwekwe tsha diabolo.

Zwine zwa ṱoḓea kha madikoni

8Na kha madikoni zwo ralo. Na vhone vha fanela u vha na tshileme. Vha songo vha na nyambakavhili; vha songo vha vhathu vho ḓikumedzaho kha halwa kana vha ṱoḓaho u pfuma nga vhufhura. 9

3:9
1 Tim. 3:16
Tshiphiri tshe Mudzimu a ri dzumbululela ra tshi tenda kha vha tshi nambatele mvalo dzo ṱamba. 10
3:10
1 Tim. 5:22
Na vhone vha fanela u thoma u sedzeswa kutshilele, ha ḓo ri hu songo wanala tshi soliseaho vha ḓo konou tendelwa u ita mushumo wa vhudikoni.

11

3:11
Tit. 2:3-5
Hu ḓi nga vhasadziKana: “vhasadzi vhavho” vha fanela u vha na tshileme, vha si na zwitshele, vho tokomelwa, vha fulufhedzeaho tshoṱhe. 12Mudikoni a vhe e muthu a fulufhedzeaho kha musadzi wawe, a konaho u langa vhana vhawe na muṱa wawe zwavhuḓi. 13Huno madikoni vha shumaho zwavhuḓi vha ḓo ḓiwanela vhuimo havhuḓi vha ḓo kona u amba a u fulufhela havho Khristo Yesu vha sa ofhi tshithu.

Tshiphiri tshihulwane tshe ra dzumbululelwa ri tshi vha vhatendi

14Naho ndo lavhelela u ḓa ngeo hu si kale, litshani ndi ni ṅwalele haya mafhungo 15uri arali nda lenga ni vhe ni tshi ḓivha uri vhathu vha ḓifara hani muṱani wa Mudzimu, ndi amba tshivhidzo tsha Mudzimu a tshilaho, yone phuphu i tikaho ngoho. 16

3:16
Joh. 1:14
Mat. 3:16
Rom. 1:3-4
Mat. 28:2-7,18-20
Kol. 1:6
Tshiphiri itshi tsha u ofha Mudzimu a hu na ane a nga kona u hanedza a ri a si tshihulu:

O ḓa shangoni a vha muthu;

Muya o sumbedza tshine a vha tshone,

a vhonwa na nga vharuṅwa,

a ḓivhadzwa tshakha dzoṱhe,

shango ḽoṱhe ḽa mu ṱanganedza,

a takulwa a ya vhugalani.

4

Vhafunzi vha no ḓo vha vha khole-khole

41

4:1
Mat. 24:23-28
2 Thes. 2:9-10
Mish. 20:29-30
Muya Mukhethwa u tou amba zwi pfalaho u ri: misi ya vhufheloMisi ya vhufhelo ndi ya musi Yesu o gonya. vhaṅwe Vhakhriste vha vho ḓo landula zwe vha vha vha tshi zwi tenda, vha thetshelesa mimuya i xedzaho vhathu na pfunzo dza thuṅwa dza Saṱhane. 2Pfunzo dzenedzo dzi zwalwa nga vhadzia-u-zwifha vha muhoyo, vhe mvalo dzavho dza fhisedzwa luswayo lwa Saṱhane.Kana: “vhane vha ḓo vha vho fa mvalo.” 3
4:3
1 Korint. 7:28
Heb. 13:4
Rom. 14:6
Vha ri muthu a songo dzea vha dovha vha iledza zwiṅwe zwiḽiwa. Hufha Mudzimu izwo zwiḽiwa o zwi sikela uri riṋe vhatendi ro no ḓivhaho ngoho ri zwi ḽe ri tshi mu livhuha. 4
4:4
Gen. 1:31
Zwoṱhe zwe Mudzimu a zwi sika ndi zwavhuḓi; a hu na tshine tsha ila arali ri tshi tshi ḽa ri tshi livhuha Mudzimu. 5Ipfi ḽa Mudzimu na thabelo zwi zwi ita zwikhethwa.

Mushumeli wavhuḓi wa Khristo Yesu

6Arali na funza Vhakhriste eneo, ndi hone ni tshi ḓo vha mushumeli wavhuḓi wa Khristo Yesu, ni tshi fusha muya waṋu nga mafhungo a Mudzimu e ra tenda na nga pfunzo mbuya ye na ḓiṋekedza yone. 7

4:7
1 Tim. 1:4
Hone ngano hedzo dza vhakegulu dza zwa shango ni dzi ile, tshaṋu ni dzule ni tshi ḓiḓowedza zwa u ofha Mudzimu. 8
4:8-9
1 Tim. 1:15
U onyolosa muvhili hu na hune ha farisa-vho, hone u luvha Mudzimu hu farisa kha zwoṱhe: zwi ri fulufhedzisa zwa vhutshilo vhuno khathihi na zwa vhutshilo vhu ḓaho. 9Mafhungo ane ra fanela u a fulufhela ra a ṱanganedza tshoṱhe asia: 10“Ni tshi vhona ri tshi kakarika ro tou futelela,Dziṅwe ṱhanzi dzi ri, “ri tshi semiwa ra ḓi shuma nga biko,” ndi uri ro ṱulutshela Mudzimu a tshilaho a re Mutshidzi wa vhathu vhoṱhe, zwihuluhulu vhatendi.”

11Layani vhathu nga u ralo, ni vha funze zwenezwo. 12

4:12
1 Korint. 16:11
Ni vhone uri hu si vhe na ane a ni nyadza nge na vha muṱuku khae; inwi ni tou vha tsumbo kha vhatendi nga zwine na amba na nga kutshilele na lufuno na lutendo na u ila zwa vhuaḓa. 13Ni si litshe u vhalela tshivhidzo Maṅwalo na u vha ṱuṱuwedza na u vha funza, ndi vhuye ndi ḓe. 14
4:14
2 Tim. 1:6
1 Tim. 1:18
Ni songo tamba nga mpho ye Mudzimu a ni ṋea a ni dzumbululela nga ndaedzo yawe musi ni tshi vhewa zwanḓa nga vhalisa vha tshivhidzo. 15Dzulani ni tshi tevhedza hezwo zwithu no tou ḓikumedza zwone, ndi hone muṅwe na muṅwe a tshi ḓo vhona u bvela phanḓa haṋu. 16Ni sedzese zwine na ita, ni si litshe u funza. Ni dzule ni tshi ralo, ndi hone ni tshi ḓo ḓitshidza, na tshidza na vhane na vha funza.