Tshivenda 1998 (VEN98)
1

Theshano

11

1:1
Mish. 15:32-33
2 Korint. 1:19
1 Pit. 5:12
Ndi nṋe Paulo, ndi na SilasiKha Tshigiriki Paulo u ṅwala “Silvanus” a tshi ṅwala dzina ḽa Silasi ḽa Tshilathini. na Timoti. Ri ṅwalela tshivhidzo tsha ngeo Thesalonika tsha vha re vha Mudzimu Khotsi na Muṋe washu Yesu Khristo. Ri a ni resha ri ri: Ngavhe Mudzimu a tshi ni itela vhuthu na vha na mulalo.

Lutendo lwa Vhathesalonika lu re tsumbo kha zwiṅwe zwivhidzo

2

1:2
Rom. 1:8-9
Filip. 1:3
Misi yoṱhe ri tshi rabela a ri ni hangwi, ri ḓi livhuha Mudzimu musi ri tshi vhona zwine na vha zwone. 3
1:3
1 Thes. 3:6
5:8
1 Korint. 13:13
Gal. 5:6
Kol. 1:4-5
Heb. 6:10-12
10:22-24
Ri dzula ri tshi elelwa uri no shuma zwingafhani nga lutendo lwaṋu na uri no ḓinetisa hani nga lufuno lwaṋu na uri no konḓelela zwingafhani nga u ṱulutshela haṋu Muṋe washu Yesu Khristo. Hezwo ri zwi elelwa musi ri tshi rabela Mudzimu Khotsi ashu. 4Vha hashu vha funwaho nga Mudzimu, ri tou ḓivha zwavhuḓivhuḓi uri o ni nanga, 5
1:5
1 Korint. 2:4
ngauri musi ri tshi ni ḓisela mafhungo maḓifha ho ngo sokou vha maipfi fhedzi; o ḓa nga maanḓa a Mudzimu na a Muya Mukhethwa a sa hanedzei na luthihi. Na inwi vhaṋe ni a zwi ḓivha zwavhuḓi uri zwiḽa ri tshee ngeo ro vha ro tou ita hani nahone ri tshi ni londola hani, 6
1:6
Mish. 17:5
lwe na inwi na vhuya na tou kanda vhuṱalani hashu na Muṋe washu. Naho u ṱanganedza ipfi ḽa Mudzimu zwo ni ḓisela u tambula huhulu, no ḓi ḽi ṱanganedza nga dakalo ḽi bvaho ha Muya Mukhethwa, 7
1:7
1 Thes. 4:9,10
na vhuya na tou vha tsumbo kha vhatendi vhoṱhe vha Makedonia na Akhaya. 8Ipfi ḽa Muṋe washu ḽi tshi bva ha inwi ḽa mbo ḓi phaḓalala asiḽoo, ḽi si gume Makedonia na Akhaya fhedzi; bvumo ḽa uri no fulufhela hani Mudzimu ḽa vho ḓivhiwa hoṱhe-hoṱhe, lune zwi si tsha vhuya zwa ṱoḓea uri riṋe ri ambe tshithu ngazwo; 9
1:9-10
Mish. 14:15
17:30-31
vhenevho ndi vhone vhane vha vho ṱanziela uri no ri ṱanganedza hani, na uri no ṱutshela hani midzimu ya zwifanyiso ni tshi rembulutshela ha Mudzimu wa ngoho a tshilaho, 10na uri zwino ni vho lindela Murwa wawe a tshi bva ṱaḓulu, Ene we Khotsi a mu vusa vhafuni, ndi amba Yesu ane a ri lamukisa kha khaṱhulo i ḓaho.

2

Kushumele kwa Paulo Thesalonika

21Vha hashu, ni a zwi ḓivha inwi vhaṋe uri zwe ra ḓela zwone ngeo zwo sala zwi tshi aṋwa mitshelo. 2

2:2
Mish. 16:12,23-24
17:1-3
Ni ḓivha na uri ri tshi ḓa ngeo ro vha ri kha ḓi bva u levhelwa na u tambudzwa Filipi; hone-ha naho zwo ralo Mudzimu o ri ṋea maanḓa ra ḓivhadza mafhungo maḓifha awe ri sa ofhi na vhuhali ha vha ri pikisaho. 3Riṋe ri tshi ni kwengweledza ho vha hu si u ṱoḓa u ni xedza; ro vha ri si na vhumbulu kana vhukwila. 4
2:4
Gal. 1:10
Mudzimu o vhona ro fanela u hweswa mushumo wa u ḓivhadza mafhungo maḓifha awe, nazwino ndi eneo ane ra amba, ri sa ambeli u takadza vhathu, ri tshi lwela u takadza Mudzimu, Ene Muṱoli wa mbilu dzashu.

5Na inwi vhaṋe ni a zwi ḓivha uri a ro ngo vhuya ra ni hoya na ḓuvha na ḽithihi; a ri athu vhuya ra pila tseḓa nga maipfi, ngoho Mudzimu ndi ṱhanzi. 6Nahone a ro ngo vhuya ra ṱoḓa u sokou khoḓwa nga vhathu, nangwe hu inwi, kana vhaṅwe-vho. 7Zwino ḓivhani uri sa vhaapostola vha Khristo ro vha ri na pfanelo ya u huliswa; naho zwo ralo a ro ngo zwi ṱoḓa,Dziṅwe ṱhanzi dzi ri, “musi ri na inwi ro nga vhana ...” ro tou ni itela vhuthu sa mme a tshi lela vhana vhawe vhe a vha beba. 8Ro vha ro ni ṱuvha, ra ni ḓisela mafhungo maḓifha, ra ita na u ḓikumedza inwi, ngauri ro vha ri sa ni funi zwone. 9

2:9
Mish. 18:3
2 Thes. 3:8
Vha hashu, ni kha ḓi humbula uḽa mushumo na u ḓinetisa hashu, zwiḽa ri tshi ḓipalela nga u shuma vhusiku na masiari uri ri si lemedze muthu musi ri tshi ni ḓivhadza mafhungo maḓifha a Mudzimu. 10Inwi vhaṋe khathihi na Mudzimu ni ṱhanzi dza uri ro vha ri tshi tshilisana hani na inwi vhatendi, ri si na vhumbulu, ri sa ni khakheli ri sa solisei. 11
2:11
1 Korint. 4:14-15
Ni a zwi ḓivha uri muṅwe na muṅwe waṋu ro mu tonda unga khotsi a tshi tonda ṅwana wawe vhukuma, 12
2:12
Ef. 4:1
1 Thes. 4:1
ri tshi ni khuthadza ra ni kwengweledza ra tou ombedzela uri ni tshile lwo fanelaho vhathu vha Mudzimu, Ene we a ni vhidza uri ni dzhene muvhusoni na vhugalani hawe.

13

2:13
Gal. 4:14
Ndi zwine riṋe ri si fhidze u livhuha Mudzimu ngazwo, nga u vhona uri ni tshi ṱanganedza ipfi ḽa Mudzimu ḽe na ḽi pfa nga riṋe a no ngo ḽi ṱanganedza ḽa nga ndi fhungo ḽa vhathu zwavho, no ḽi ṱanganedza ḽi ipfi ḽa Mudzimu. Nazwino vhukuma ndi ḽone, zwi tou vhonala na nga zwine ḽa bveledza kha inwi vhe na vha vhatendi. 14
2:14
Mish. 17:5
1 Thes. 4:1
2 Thes. 1:4-5
Ndi tshi ralo vha hashu ndi uri no kanda-vho vhuṱalani ha zwivhidzo zwa Mudzimu zwa vha re vha Khristo Yesu zwi re Judia: inwi no tambudzwa-vho nga lushaka lwa haṋu unga vhaḽa vho ḓi tambudzwa nga Majuda vha havho. 15
2:15
Mat. 5:1223:34-35
Mish. 7:52
Vhenevho Majuda ndi vhone-ha vhe vha vhulaha Muṋe washu Yesu na vhaporofita; na riṋe vho ri tovhola; a vha iti zwi takadzaho Mudzimu; na kha vhathu a hu na na muthihi ane vha sa lwe nae; 16
2:16
Mish. 13:45-46
17:5,13
22:21-23
Mat. 23:32
vha edzisa na u ri kundisa u vhudza vhannḓa mafhungo ane vha nga tshidzwa ngao, ha vha hone u ḓadzisa muelo wa vhutshinyi havho wa tou ima muṱumba. Ndi hone-ha vho guma; zwino Mudzimu ndi hone a tshi ḓo vha rwa.

Lutamo lwa Paulo lwa u dalela tshivhidzo tsha Thesalonika

17

2:17
1 Thes. 3:10
A vha riṋe vha hashu, hezwiḽa ri tshi kha ḓi tou bva u phinyela maṱoni aṋu – hone hó tou ṱuwa muvhili fhedzi, mbilu dzone dza sala – ra ni ṱuvha lwe ra edzisa nga nungo dzoṱhe uri ri ni vhone. 18Ndi zwe ra vho funa u dovha u ni dalela; a vha nṋe Paulo ndo edzisa nda dovha; ra ro kundiswa nga ene Saṱhane. 19
2:19
Filip. 4:1
Tshe ra tshi ṱulutshela, tshine tsha ri takadza, wone muṅene washu une ra ḓo u ṱongisa musi ro ima phanḓa ha Muṋe washu Yesu a tshi vhuya ndi ufhio-ha arali e si inwi? 20Iṱali e inwi khuliso yashu na dakalo ḽashu.