Tshivenda 1998 (VEN98)
12

Samuele a tshi onesa

121Samuele a vhudza Vhaisraele vhoṱhe a ri, “Ndo thetshelesa zwoṱhe zwe na mmbudza nda ni vhumbela khosi. 2Zwino ni na khosi, ndi ene murangaphanḓa waṋu. A vha nṋe, ndo kalaha, ndo tshena mmvi, nahone vhana vhanga ni navho fhano. Ndo vha murangaphanḓa waṋu u bva hanani hanga, na ṋamusi. 3

12:3
Num. 16:15
Nṋe ndi fhano, ṱanzilelani ni bule vhutshinyi hanga ni tshi pfiwa nga Muṋe washu na khosi ye a i nanga. Ndo vhuya nda dzhia phulu ya nnyi? Ndo vhuya nda dzhia donngi ya nnyi? Ndo vhuya nda fhura nnyi? Ndo vhuya nda kandeledza nnyi? Ndo vhuya nda ṱanganedza tshanḓanguvhoni kha nnyi uri ndi tsinye iṱo? Arali ndo vhuya nda ita tshiṅwe tsha zwenezwo, ndi ḓo tshi lifha.”

4Vhone vha fhindula vha ri, “Vhone a vho ngo vhuya vha ri fhura kana vha ri kandeledza. A vho ngo vhuya vha dzhiela muthu tshithu tshanḓani tshawe.”

5Samuele a vha vhudza a ri, “Muṋe washu ndi ṱhanzi ya uri inwi a no ngo wana tshe nṋe nda tshinya, na khosi ye a i nanga ndi ṱhanzi ṋamusi.”

Vhone vha ri, “Ngoho, Muṋe washu ndi ṱhanzi.”

6

12:6-8
Ek. 2:23
6:26
Ndi hone Samuele a tshi amba na vhathu a ri, “Ndi Muṋe washu we a vhea Mushe na Aroni a pfulusa vhomakhulukuku waṋu Egipita. 7Zwino-ha, imani hafha, ndi ṱoḓa u hanedzana na inwi phanḓa ha Muṋe washu nga u ni humbudza mishumo mihulu yoṱhe ye Muṋe washu a itela inwi na vhomakhulukuku waṋu uri a ni tshidze.

8“Jakopo na muṱa wawe vho pfulutshela Egipita, Vhaegipita vha sala vha tshi vha kandeledza, vhomakhulukuku waṋu vha lilela Muṋe washu uri a vha farise, a ruma Mushe na Aroni, vhenevho vha pfulusa vhomakhulukuku waṋu Egipita, vha ḓa vha vha dzudza shangoni ḽino. 9

12:9
Rangap. 4:2
13:1
3:12
Huno vhone vha hangwa Muṋe washu Mudzimu wavho, ndi zwe a vha kumedza Sisera mulangammbi ya Hatsoro, na Vhafilista na khosi ya Muaba, vha lwa na vhomakhulukuku waṋu. 10
12:10
Rangap. 10:10-15
Vhone vha lilela Muṋe washu uri a vha farise vha ri, ‘Ro tshinya, ro ṱutshela Muṋe washu ra luvha zwifanyiso zwa Baali na Ashtharotho. Huno zwino ri lamulele kha maswina ashu, ri ḓo u luvha.’ 11
12:11
Rangap. 7:1
4:14-16
11:29
Ndi hone Muṋe washu a tshi ruma Jerubaali, ha tevhela Baraka, ha tevhela Jefutha, ha fhedza nga u ḓa nṋe Samuele, muṅwe na muṅwe washu a tshi ḓi ni lamukisa kha maswina aṋu o ni tangaho, na tshila no tsireledzea. 12
12:12
1 Sam. 8:58:7Ps. 149:2
Hone no ri u vhona khosi Nahashi wa Vhaamoni a tshi ni ḓela, na mmbudza na ri, ‘Ri ṱoḓa khosi ine ya ḓo ri vhusa,’ naho Muṋe washu Mudzimu waṋu e Ene khosi yaṋu.

13“Zwino khosi ye na i nanga ngei, ndi yone ye na i humbela, vhonani, Muṋe washu o ni ṋea khosi uri i ni vhuse. 14

12:14
Dot. 13:4
Arali na hulisa Muṋe washu Mudzimu waṋu, na mu shumela, na mu thetshelesa, na tevhedza ndayo dzawe, nahone arali inwi na khosi yaṋu na mu tevhela, zwi ḓo ni nakela. 15
12:15
Dot. 2:14-15Rangap. 2:13-15
Hone arali na sa thetshelesa Muṋe washu, arali na nyadza ndayo dzawe, u ḓo lwa na inwi unga o lwa na vhomakhulukuku waṋu.

16“Zwino-ha, imani ni khwaṱhe, ni vhone tshithu hetshi tshihulu tshine Muṋe washu a ḓo ni itela ni tshi zwi vhona! 17A si tshifhinga tsha u kaṋa zwino kani, tshi si na mvula? Hone ndi ḓo rabela Muṋe washu uri a ḓise mibvumo, a nise mvula. Ndi hone ni tshi ḓo zwi vhona uri no ita vhuvhi vhuhulu phanḓa ha Muṋe washu ni tshi humbela uri ni vhumbelwe khosi.”

18Ndi hone Samuele a tshi rabela Muṋe washu, musi wonoyo Muṋe washu a ḓisa mibvumo, a nisa mvula. Zwenezwo vhathu vhoṱhe vha ofha Muṋe washu na Samuele zwihulu. 19Vhathu vhoṱhe vha amba na Samuele vha ri, “Nga vha ri rabelele ha Muṋe washu Mudzimu wavho uri ri si fe, ngauri kha vhuvhi hashu hoṱhe he ra ita ro dovha ra phapha mbulu kha iṅwe nga u ita vhuvhi ha u humbela u vhumbelwa khosi.”

20Samuele a fhindula a ri, “Naho no ita vhuvhi hoṱhe honoho ni songo ofha tshithu, tenda na si shandukele Muṋe washu, tshaṋu nga hu vhe u mu shumela nga mbilu yoṱhe. 21

12:21
Ps. 115:4-8
Yes. 41:29
Jer. 2:5,11
Ni songo pambuwa na tevhela midzimu i si tshithu. A hu na tshivhuya tshine ya nga ni itela, a i koni u ni lamulela, a i farisi tshithu. 22
12:22
Dot. 26:17-19
27:9
29:11-14
2 Sam. 7:24
Muṋe washu a nga si landule vhathu vhawe, u ḓo ni lamulela a tshi itela dzina ḽawe ḽihulu, ngauri Muṋe washu o tou zwi takalela u ni ita vhawe. 23A vha nṋe, ndi nga si khakhele Muṋe washu nga u litsha u ni rabelela. Ndi ḓo ni funza u fara nḓila yavhuḓi i re yone. 24Hone ni ofhe Muṋe washu, ni mu shumele nga u fulufhedzea na nga mbilu yoṱhe. Elelwani zwihulu zwe a ni itela zwone. 25Hone arali na ḓi dzula ni tshi tshinya, inwi khathihi na khosi yaṋu ni ḓo fhedzwa noṱhe.”