Tshivenda 1998 (VEN98)
1

Theshano

11

1:1
Jak. 1:2
Ndi nṋe Pitrosi, muapostola wa Yesu Khristo. Ndi ṅwalela inwi vhanangiwa vha Mudzimu ni re vhadali fhano shangoni vho balanganaho na Pontosi na Galata na Kapadokia na Asia na Bithinia. 2
1:2
1 Pit. 2:9
No nangiwa nge Mudzimu Khotsi a dzula o zwi dzudzanya, uri ni itwe vhakhethwa nga Muya Mukhethwa, ni vhe vha thetshelesaho Yesu Khristo, ni handululwe nga malofha awe.

Ndi a ni resha ndi ri ngavhe Mudzimu a tshi ni itela vhuthu vhuhulu na vha na mulalo wo ḓalaho lwa u ḓala.

Vhutshilo vhukuma he ra vhu lavhelela, na lutendo lwo khwaṱhaho

3-4

1:3
Yes. 63:7-9
1:4
Kol. 1:5
Kha ri rende Mudzimu, Khotsi a Muṋe washu Yesu Khristo. O ri khathutshela zwihulu a ri beba nga huswa uri ri vhe na zwe ra fulufhela zwine zwa ḓo vha vhutshilo hashu, ri vhe na ifa ḽi sa ṱahali, ḽi sa siḓufhali, ḽi sa haluluwi, ḽe a ni vhulungela ngei ṱaḓulu. Hezwo ro kona u zwi wana nge Yesu Khristo a vuswa vhafuni. 5
1:5
Joh. 10:28-29
Vhunga ni tshi fulufhela Mudzimu, u a ni pilela nga maanḓa awe, uri ni vhuye ni swike kha u tshidzwa ho khunyelelaho hune ra ḓo dzumbululelwa nga tshikhathi tsha vhufhelo.

6

1:6
1 Pit. 5:10
1:6-7
Jak. 1:2-3
Pembelelani zwenezwo, naho zwino ni tshi nga kha ḓi lingwa nga nḓila nnzhi dzo fhambanaho. U ṱungufhala honoho ndi ha tshifhinganyana. 7
1:7
1 Pit. 4:13
Na musuku une tshawo ha vha u lovha, u longwa muliloni uri u vhonale uri ndi wone-wone. Lutendo lwaṋu ndi lwa mutengo u fhiraho wa musuku kule; lwone lu nga kundwa nga mini u lingwa uri lu wanale uri ndi lwone-lwone? Musi Yesu Khristo a tshi ḓo ḓivhonadza u ḓo ni khoḓa, a ni ṋea vhugala, a ni hulisa. 8
1:8
Joh. 20:29
Naho ni sa athu vhona Yesu Khristo ni a mu funa. Naho na zwino ni sa khou mu vhona nga maṱo, ni a mu fulufhela, na pembela nga dakalo ḽi sa wanali fhano fhasi, dakalo ḽine maipfi a muthu a kundwa u ḽi bula, 9ngauri ni a tshidzwa tshoṱhe, vhunga no itela zwenezwo ni tshi fulufhela Mudzimu.

U tshidzwa hashu ho dzula ho ambiwa nga vhaporofita

10Vhaporofita vho londolosa nga vhuronwane zwa u tshidzwa honoho. Ndi vhone vho ḓivhadzaho a vhuthu he Mudzimu a ni itela. 11

1:11
2 Pit. 1:21
Muya wa Khristo we a vha e khavho o ṱanziela nga u tambudzwa ha Khristo na nga vhugala he a ḓo vhu wana, vha londolosa uri zwi ḓo vha zwa lini, hu tshi khou iteani.Kana: “uri hu ḓo ḓa nnyi, u ḓo ḓa lini.” 12
1:12
Ek. 25:20
Vho vhudzwa uri naho vho ḓivhadza ayo mafhungo o vha a songo vha livha, o vha o livha inwi. Ndi uri zwino Muya Mukhethwa ó rumiwa ngeno fhasi a tshi bva ṱaḓulu, ndi nga maanḓa awe vhaḓivhadzi vha ayo mafhungo maḓifha vho kona u a ḓivhadza – mafhungo ane na vharuṅwa vha tama u a vhona.

Kutshilele kukhethwa

13

1:13
Luk. 12:35-40
1 Pit. 4:7
5:8
Zwó ralo ḓiiteni ngoma-madzula-wo-vhambwa, nó fhaṱuwa, nó dzivhuluwa, nó fulufhela nga mbilu yoṱhe vhuthu vhune na ḓo itelwa musi Yesu Khristo a tshi ḓo dzumbululwa. 14
1:14
1 Pit. 4:2-3
Rom. 13:14
Mish. 17:30
Ef. 4:18
Ni nge vhana vha thetshelesaho, ni sa sokou ungiwa nga nyemulo dzaṋu dza zwiḽa kale ni sa athu ḓivha tshithu. 15
1:15
2 Pit. 3:11
Num. 15:40
Vhunga Mudzimu, Ene we a ni vhidza, e mukhethwa, na inwi tshilani vhutshilo ha vhukhethwa, 16
1:16
Liv. 19:2
20:7,26
vhunga ho ṅwalwa ha pfi, “Ivhani vhakhethwa, ngauri Nṋe ndi mukhethwa.”

Vho rengululwaho nga malofha a Khristo

17

1:17
Gal. 4:6
Rom. 8:15
Ni rabela Mudzimu na ri ndi Khotsi aṋu. Ene ndi Mudzimu a haṱulaho a sa ṱaluli, u tevhedza mishumo ya muthu. Zwenezwo dzulani ni tshi mu ofha ni tshi kha ḓi vha fhano fhasi hune na vha dziṱhunḓu. 18
1:18
1 Korint. 6:20
7:23
Mat. 20:28
Hufha ni tshi ḓivha uri musi ni tshi rengululwa kha matshilele a sa ḓivhalei e na a wana kha vha haṋu vha kale, a no ngo rengululwa nga zwithu zwi tshinyalaho zwi no nga siliva kana musuku, 19
1:19
Heb. 9:14
Mish. 20:28
Ef. 1:7
no rengululwa nga malofha a mutengo muhulu a Khristo, Ene we a vha a tshi nga ngwana i sa solisei, i si na luvhadzi. 20
1:20
Mish. 2:23
O dzula o tiwa nga Mudzimu shango ḽi sa athu sikwa, a sala a tshi ḓivhonadza misi ino ya vhufhelo, zwi tshi itelwa inwi. 21
1:21
Mish. 2:24
3:13-15
Ndi nga Khristo ni tshi fulufhela Mudzimu, we a mu vusa vhafuni a mu ṋea vhugala, uri ni fulufhele Mudzimu fhedzi, ni lavhelele Ene.

U bebwa nga huswa nga ipfi ḽa Mudzimu ḽi tshilaho

22

1:22
Mish. 15:9
Jak. 4:8
No thetshelesa ngoho ha vha u ṱamba mbilu na thoma u funana ni sa hoyi.Dziṅwe ṱhanzi dzi ri, “u funana nga mbilu yoṱhe.” Ndi zwone, funanani nga mbilu yoṱhe, 23
1:23
1 Pit. 1:3-4
Jak. 1:18
ngauri ni tshi bebwa nga huswa a zwo ngo bva kha mbeu i sinaho, no bebwa nga i sa sini, nga ipfi ḽa Mudzimu ḽine ḽa ḓi dzula ḽi hone. 24
1:24
Ps. 90:5-6
103:15
Jak. 1:11
Maṅwalo na one o ri,

“Vhathu vhoṱhe vha nga hatsi;

vhugala havho hoṱhe vhu nga maluvha a ḓaka.

Hatsi vhu a puta,

maluvha a wa,

25

1:25
Ps. 119:89
Yes. 40:6-8
Mat. 5:18
24:35
1 Pit. 1:12
ipfi ḽa Muṋe washu ḽi ḓi dzula ḽi hone lini na lini.”

Ipfi iḽo ndi mafhungo maḓifha e na ḓivhadzwa one.