Tshivenda 1998 (VEN98)
4

Vhaapostola vha Khristo na mushumo wavho

41

4:1
1 Korint. 3:5
2 Korint. 6:4
Ni tshi ri sedza ni ri vhone ri vhashumeli vha Khristo, ri vhakoma vho kumedzwaho zwiphiri zwa Mudzimu. 2Tshihuluhulu mukoma u pfi a vhe muthu a fulufhedzeaho. 3
4:3
Rom. 14:10
Nṋe hone ndi vhona zwi sa nndini arali ndi tshi sengiswa nga inwi kana nda sengiswa nga khoro iṅwe na iṅwe ya vhathu. Hufha na nṋe muṋe ndi sa ḓihaṱuli. 4
4:4
Mish. 23:1
A hu na hune nda ḓivhona mulandu. Naho zwo ralo a thi khou ri ndo ṱamba tshoṱhe; hai, ane a nkhaṱhula ndi Muṋe washu. 5
4:5
Mat. 7:1
Ps. 139:11-12
Ndi zwone-ha, ni songo haṱula tshifhinga tsho fanelaho tshi sa athu swika. Lindelani u swika Muṋe washu a tshi vhuya. Ndi Ene ane a ḓo vhonetshela zwo dzumbamaho swiswini, a bvisela khagala vhutande vhu re mbiluni. Ndi hone Mudzimu a tshi ḓo khoḓa muṅwe na muṅwe nga he zwa mu tea.

6

4:6
1 Korint. 4:18-19
5:2
8:1
13:4
Vha hashu, aya mafhungo ndo fanyisedzela nga Apolosi na nṋe, ndi tshi itela u ni funza ngao, ni gude uri zwi amba mini hu tshi pfi, “U songo pfuka luhura lwa Maṅwalo,” hu sa ḓo vha na muṅwe waṋu ane a ḓihudza nga mufunzi wawe a nyadza wa uḽa muṅwe. 7
4:7
Jak. 1:17
Ef. 2:10
Filip. 2:13
Ni khou ḓihudza nga nnyi? Ni na mini tshe na sa tou fhiwa? Huno arali no tou fhiwa, ni zuwelani tsha vho nga a si tshifhiwa?

8Iṱali no no ḓi pfelela! No no ḓi pfuma kale! No no ḓi vhumbwa vhuhosi riṋe ra sala nnḓa! He, ngavhe no vha ni mahosi a vhukuma, ndi musi ri tshi ḓo vhusa roṱhe. 9

4:9-13
2 Korint. 4:8-11
6:3-10
A thi ri mitamboni ya sitediamu, vha vhewaho mutshilani wa muduba wa vhatambi ndi avho vhane vha pfi vha vhulawe.Ndi uri misi iḽa vhathu vho haṱulelwaho lufu vho vha vha tshi kona u vhulawa mitamboni zwa itwa ṱano, vha tshi pondwa nga ndau, kana vha kombetshedzwa u vhulahana. Nṋe ndi vhona unga riṋe vhaapostola Mudzimu o ri vhea mutshilani, ri tou vha ṱano kha shango: kha vharuṅwa na kha vhathu.

10

4:10
2 Korint. 12:9
13:4
Riṋe ri matsilu hu u itela Khristo,

inwi ngeo ni vhaṱali nga vhuthihi haṋu na Khristo;

riṋe ri vhahoṱa, inwi ni na nungo;

inwi ni vhaḓivhalea, riṋe ngeno ri vhanyadziwa.

11

4:11
2 Korint. 11:27
U swika zwino ro farwa nga nḓala na ḓora,

ro dzhenwa nga tsiku,

ri khou sinḓekanywa,

ri vhatendeleki.

12

4:12a
Mish. 18:3
4:12b
Mat. 5:10-12,44
Rom. 12:14
Ri ḓinetisa ri tshi ḓipalela nga roṱhe nga zwanḓa zwashu hezwi.

Vhane vha ri sema ri a vha shudufhadza;

na u tovholwa hashu a ri fheli mbilu;

13vhane vha ri tshinya madzina ri a vha fhindula nga vhulenda.

Ri vho nga mathukhwi a shango,

vhoṱhe vha vho ri ita malambelo na ṋamusi.

14Ndi tshi ṅwala nga u rali a si u itela u ni shonisa, ndi u tou ni laya vhunga ni vhana vhanga vhane nda vha funa. 15

4:15
Gal. 4:19
Filim. 10
Naho ni tshi nga vha na vhalai vha zwigidigidi kha zwa Khristo, a si uri vhokhotsi aṋu ndi vhanzhi; nṋe ndo vha khotsi aṋu kha Khristo nga u ni ḓisela mafhungo maḓifha. 16
4:16
1 Korint. 11:1
Filip. 3:17
Ndi a ni kwengweledza-ha ndi ri: Ivhani vha nnyedzisaho.

17

4:17
Mish. 16:119:22
Ndi zwe nda ruma Timoti henengeo; ene kha Muṋe washu ndi ṅwananga a fulufhedzeaho ane nda mu funa. U ḓo vusulusa kutshilele kwo fanelaho vha re vhathihi na Khristo Yesu kwe nda ni gudisa, sa zwine nda ḓi ṱwa ndi tshi funza hoṱhe-hoṱhe zwivhidzoni zwoṱhe.

18Khezwi vhaṅwe vhaṋu vha tshi vho tou huduluwa nda nga a thi tsha ḓo dovha nda ni dalela? 19

4:19
Mish. 19:21
20:2
1 Korint. 16:5-6
Matsina arali Mudzimu a tshi funa a thi nga lengi u swika; ndi hone ndi tshi ḓo vhona vhaḽa vhadzia-u-huduluwa arali vhe na maanḓa a Muya Mukhethwa, hu si u sokou pfa zwine vha zuwa fhedzi. 20Ndi uri Mudzimu ha vhusi nga zwiambo, u vhusa nga u sumbedza maanḓa. 21
4:21
2 Korint. 1:23
2:1,3
Ni khetha zwifhio? Ndi ni ḓele na ṱhamu kana ndi ḓe ndi na lufuno na vhulenda?

5

Vhuṱudzi tshivhidzoni

51

5:1
Liv. 18:8
20:11
Dot. 22:30
27:20
Ndi ṱolou pfa phungo ya vhuṱudzi vhune ha khou itwa ngeo, vhune na kha vhannḓa vhu si anzele u wanala, henefho hune muthu a farakana na musadzi wa khotsi awe. 2Ni tshi khou ita zwenezwo na dovha na huduluwa? A si khwiṋe ni tshi ṱungufhala na fhedza nga u tumula muiti wazwo tshivhidzoni?

3Nṋe naho ndi kule na inwi, hone lwa muya ndi na inwi henefho. Na u haṱula ndo no a haṱula hayo a hoyo a itaho zwenezwo zwingafho, nda nga ndi na inwi henefho, 4-5

5:5
1 Tim. 1:20
ndi ri: Nṋe na inwi ri ḓo kuvhangana lwa muya nga dzina ḽa Muṋe washu Yesu, uyo muthu ra mu kumedza Saṱhane nga maanḓa a Muṋe washu Yesu, uri tsiko yawe mmbi i fheliswe, muya wawe u kone u tshidzwa nga ḓuvha ḽa khaṱhulo ya Muṋe washu.

6

5:6
Gal. 5:9
Honoho u zuwa haṋu a si havhuḓi. A ni zwi ḓivhi uri mbilisa ṱhukhu-ṱhukhu i a dungisa khali yoṱhe naa? 7
5:7
Ek. 12:15,46
Joh. 19:36
Kokotani-ha mbilisa ndala ya vhutshinyi uri ni vhe bwindi ḽiswa ḽi si na ludungela lwa vhutshinyi. Ndi zwenezwo zwine na vha zwone, vhunga na Ngwana yashu ya Paseka yo no ḓi ṱhavhiwa, ndi amba Ene Khristo. 8Zwino kha ri dzhene-ha vhuṱamboni ri si na mbilisa ndala iḽa ya vhunwa na vhuvhi; ri ḽe vhurotho vhu si na mbilisa, vhune ha sumbedza u sa hoya na ngoho.

9Ndo no ḓi ni ṅwalela uri ni si konane na dziphombwe. 10

5:10
Joh. 17:15
Ndi tshi ralo ndo vha ndi sa ambi vhannḓa vha re dziphombwe kana vha funesaho lupfumo kana mafobvu kana vha rerelelaho midzimu; aiwa, zwó ralo ni vho ḓo tou nga ni sa pfuluwa tshoṱhe shangoni. 11
5:11
Mat. 18:15-17
Zwe nda vha ndi tshi khou amba zwone ndi uri ni songo konana na muthu ane a pfi mutendi ngeno e phombwe kana a tshi funesa lupfumo kana a tshi rerelela midzimu kana a tshi sasaladza vhaṅwe kana tshidakwa kana fobvu – muthu o raloho ni songo vhuya na ḽa nae. 12-13
5:12-13
Dot. 13:5
17:7
19:19
22:21,24
24:7
U haṱula vhannḓa hufha u si mushumo wanga. Vhone vha ḓo haṱulwa nga Mudzimu. Tshaṋu a si u haṱula miraḓo ya tshivhidzo kani? Hu pfi, “Muthu muvhi kha a tumulwe a si tsha vha muṅwe waṋu!”

6

U hwelelana ha vhatendi

61

6:1
Mat. 18:17
Arali muṅwe waṋu e na mulandu na mutendi ngae, nṋa a nga tou vhuya a mu hwelela khoroni ya vhannḓa? Vhathu vha Mudzimu a vha pfumedzani nga tshavho naa? 2
6:2
Mat. 19:28
Kani a ni zwi ḓivhi uri vhathu vha Mudzimu ndi vhone vhane vha ḓo haṱula shango? Zwino-ha, arali inwi ni tshi ḓo haṱula shango, ni kundwa ngani u haṱula izwo zwidandu? 3
6:3
2 Pit. 2:4
Kani a ni zwi ḓivhi uri ri ḓo haṱula vharuṅwa? Ri nga kundwa hani-ha nga zwa vhuno vhutshilo, zwiṱukuṱuku? 4Arali ha itea milandu yo raloho vhukati haṋu, ni nga i hwala na i isa kha vhathu vhane vha si vhe tshithu tshivhidzoni naa? 5Zwi shonisa hani vhathu vha hashu! Hu kundwa na muthihi waṋu ane a nga kona u pfumedzanya vhatendi ngae? 6Zwo naka mutendi a tshi hwelela mutendi ngae uri a haṱulwe nga vha si vhatendi naa?

7

6:7
Mat. 5:39-42
U hwelelana nga tshaṋu zwi sumba uri no sokou dzula no kundwa. A si khwiṋe ni tshi litsha na khakhelwa zwaṋu? A si khwiṋe u ṱangulwa zwaṋu? 8Zwo naka ni tshi khakhelana nga tshaṋu na dovha na ṱangulana ngeno ni vhathihi naa?

9Kani a ni zwi ḓivhi uri vhavhi a vha nga vhi na tshavho muvhusoni wa Mudzimu na kathihi? Ni songo ḓifhura: ḓivhani uri hu dziphombwe, hu vharereleli vha midzimu, hu vha u ṱalana, hu ane a tenda u itwa musadzi nga munna ngae, na onoyo ane a mu ita zwenezwo, 10

6:10
Nzumb. 21:8
22:15
hu mafobvu, hu vha funesaho lupfumo, hu zwidakwa, hu vhasasaladzi, he mafobvu, vhoṱhe a vha nga vhi na tshavho muvhusoni wa Mudzimu. 11
6:11
1 Korint. 12:2
1:30
Vhaṅwe vhaṋu vho vha vho tou ralo. Hone zwino no ṱanzwiwa vhutshinyi, na itwa vhakhethwa, Mudzimu u vho ri ni vhavhuya nga Muṋe washu Yesu Khristo na nga Muya wa Mudzimu washu.

Hulisani Mudzimu nga mivhili yaṋu!

12

6:12
1 Korint. 10:23
Vhaṅwe vha ri, “Riṋe a ri tsha ila tshithu.” A thi hani, hone zwiṅwe-vho zwine ni sa tsha ila a zwi ni farisi tshithu. Ndi nga ḓi ri a thi tsha ila tshithu na tshithihi. Ndi zwone, hone ndi nga si tende na tshini tshazwo tshi tshi mmbusa.

13Vhaṅwe vha ri, “Tsha thumbu ndi zwiḽiwa; tsha zwiḽiwa ndi thumbu.”

Ndi zwone, hone ḓivhani uri Mudzimu u ḓo kaṱudza zwoṱhe vhuvhili hazwo. Muvhili a wo ngo sikelwa vhupombwe, wo sikelwa Muṋe washu, nahone Muṋe washu u a u vhavhalela. 14Mudzimu o vusa Muṋe washu vhafuni, na riṋe u ḓo ri vusa nga maanḓa awe. 15

6:15
Ef. 5:23,30
A ni zwi ḓivhi uri mivhili yaṋu ndi miraḓo ya Khristo naa? Ndi zwavhuḓi ndi tshi dzhia miraḓo ya Khristo nda i ita miraḓo ya phombwe naa? Aiwa, na kathihi! 16
6:16
Gen. 2:24
Ef. 5:31
Mat. 19:5
Khamusi a ni zwi ḓivhi uri ane a ḓikwakwanya na phombwe u vha muvhili muthihi nayo. Hu pfi, “Vhenevho vhavhili vha ḓo vha sa muvhili muthihi.” 17
6:17
Joh. 17:21-23
Ef. 4:4
Hone ane a ḓikwakwanya na Muṋe washu u vha muthihi nae lwa muya.

18

6:18
1 Korint. 10:14
Gen. 39:12
Rom. 1:24
Ilani vhupombwe! Vhutshinyi vhuṅwe hoṱhe vhune muthu a nga ita a vhu kwami muvhili wawe, hone a itaho vhupombwe u khakhela muvhili wawe ene muṋe. 19
6:19
1 Korint. 3:16
2 Korint. 6:16
Rom. 14:7-8
Kani a ni zwi ḓivhi uri muvhili waṋu ndi nnḓu ya Muya Mukhethwa a re ngomu haṋu we na ṋewa nga Mudzimu, na uri a ni vhaṋu inwi vhaṋe? 20
6:20
1 Pit. 1:18-19
O ni renga tshoṱhe. Zwenezwo hulisani Mudzimu nga mivhili yaṋu.