Tshivenda 1998 (VEN98)
11

111

11:1
1 Korint. 4:16
Kandani ṋayoni dzanga, unga na nṋe ndi tshi kanda ṋayoni dza Khristo.

U khurumela ṱhoho hu tshi luvhiwa Mudzimu

2Ndi a ni khoḓa ngauri ni ḓi dzula ni tshi nnyelelwa, nga u tevhedza ndayo dze nda ni siela ni sa siedzi. 3

11:3
Ef. 5:23
Gen. 3:16Joh. 14:28
1 Korint. 3:23
15:27-28
Hone ḓivhani uri Khristo ndi ṱhoho ya munna; munna ene ndi ṱhoho ya musadzi; ṱhoho ya Khristo a vha Mudzimu. 4
11:4
1 Korint. 14:3-6
Zwo ralo munna ane a rabela kana u ḓivhadza zwine Mudzimu a funa ó khurumela ṱhoho u nyadzisa ṱhoho yawe a re Khristo. 5Zwi ḓi nga musadzi a tshi rabela kana a tshi ḓivhadza zwine Mudzimu a funa a songo khurumela ṱhoho, u nyadzisa ṱhoho yawe. Onoyo zwi ḓi fana na musi o tou palulwa.

6Arali musadzi a sa khurumeli ṱhoho, izwo a nga ḓi palulwa zwawe. Hone vhunga zwi tshi shonisa arali musadzi o ṱunya mavhudzi kana o palulwa, izwo-ha kha a khurumele.

7

11:7
Gen. 1:26
Munna ene ho ngo fanela u khurumela ṱhoho, ngauri khae hu vhonala tshifanyiso na vhugala ha Mudzimu, ngeno kha musadzi hu tshi vhonala vhugala ha munna. 8
11:8
Gen. 2:21
Tsikoni yavho a si munna we a bva kha musadzi, ndi musadzi we a bva kha munna. 9
11:9
Gen. 2:18
Nahone a si munna we a sikelwa musadzi, musadzi ndi ene we a sikelwa munna. 10Ndi zwine musadzi a fanela u khurumela ṱhoho u sumbedza tshileme tshaweKana: “u sumbedza a hulisa munna” na u ṱhonifha vharuṅwa. 11Naho zwo ralo, nga he Muṋe washu a zwi vhea ngaho musadzi u ḓitika nga munna, zwi ḓi nga munna a tshi ḓitika nga musadzi. 12Unga musadzi o sikwa a tshi bva kha munna, munna u bebwa nga musadzi sa zwenezwo, hone zwoṱhe hezwo zwi tshi bva ha Mudzimu.

13Inwi ni zwi vhona hani? Ni vhona zwo tea musadzi a tshi rabela Mudzimu a songo khurumela ṱhoho naa? 14Hu ḓi nga musi ni tshi sedza zwine munna a vha zwone, a ni vhoni zwi tshi solisea arali e na mavhudzi malapfu naa, 15ngeno musadzi a tshi mu nakisa. Ayo mavhudzi malapfu o ṋetshelwa uri a pile ṱhoho yawe.

16Hone arali hu na ane a kha ḓi ṱoḓa u ṱaṱa khani nga haya, ḓivhani uri hu riṋe, hu zwivhidzo zwa Mudzimu, a ro ngo ḓowela u vhona musadzi a tshi rabela a songo khurumela ṱhoho.

U nyadzisa Tshilalelo tsha Muṋe washu

17Litshani ndi ni sole nga zwine zwa anzela u itea musi no kuvhangana: a zwi tsha fhaṱa, zwi vho thutha. 18

11:18
1 Korint. 3:3
Tsha u thoma ndi pfa upfi musi ni tshi kuvhangana tshivhidzo a hu na pfano, hu na u khethekana-khethekana nga zwigwada; nahone zwi nga ḓi vha zwi zwone. 19
11:19
Mat. 18:7
Phambano dzone dzi a ṱoḓea, uri hu vhonale vho imaho ngohoni.

20Musi ni tshi kuvhangana a tshi tsha vha Tshilalelo tsha Muṋe washu tshine na ḽa hetsho, 21

11:21
2 Pit. 2:13
ngauri musi ni tshi ḽa, muṅwe na muṅwe u gidimela u ḽa mbuvha yawe a si tsha londa vhaṅwe, ha swika hune muṅwe a ṱuwa na nḓala, ngeno muṅwe o ita na u kambwa. 22
11:22
1 Korint. 11:2
Kani a ni na mahaya hune na nga ḽa na nwa hone? Kana ni vho tou nyadza tshivhidzo tsha Mudzimu na shonisa vhashai? Ndi ḓo tou ri mini nga mafhungo ayo? Ndi ni khoḓe kani? Na kathihi, hu si kha hezwo-vho lini!

U tewa ha Tshilalelo tsha Muṋe washu

(Mat. 26:26-29; Mar. 14:22-25; Luk. 22:14-20)

23

11:23
1 Korint. 15:3
11:23-25
1 Korint. 10:16
Muṋe washu o ntsiela ndaela, nṋe nda i fhirisela kha inwi. I ri: Muṋe washu Yesu vhusiku vhuḽa he a kumedzwa maswina o dzhia vhurotho 24a livhuha Mudzimu, a vhu ṅwatela vhafunziwa a ri, “Hoyu ndi muvhili wanga; ndi u kumedza ndi tshi itela inwi. Ni ḓi zwi ita nga u rali hu vhe u nnyelelwa.” 25
11:25
Ek. 24:8
Vho no lalela a dovha a dzhia na tshinwelo a ri, “Itshi tshinwelo ndi mulanga muswa u khwaṱhiswaho nga malofha anga; ni ḓi tshi nwa nga u rali hu vhe u nnyelelwa.”

26Zwino-ha misi yoṱhe ni tshi ḽa vhurotho uho na nwa tshinwelo itsho, ni ḓivhadza lufu lwa Muṋe washu, u swika a tshi vhuya.

U ḽa Tshilalelo nga nḓila i songo fanelaho

27Zwenezwo ane a ḽa vhurotho ha Muṋe washu kana a nwa tshinwelo tshawe nga nḓila i songo fanelaho, u ḓiovhela mulandu wa u khakhela muvhili na malofha a Muṋe washu. 28

11:28
2 Korint. 13:5
Muthu kha a thome u ṱola mbilu yawe a sa athu ḽa uho vhurotho na u nwa itsho tshinwelo, 29ngauri ane a sokou ḽa a nwa a sa londi uri ndi muvhili wa Muṋe washu, u ḓiovhela mulandu a vho ḓo laṱwa. 30Ndi zwine tshivhidzoni ha vho anda vhahoṱa na vhalwadze, vha na tshivhalo vha ita na u ri sia. 31Ngavhe ri thome u ṱola mbilu dzashu, ndi musi ri songo haṱulwa nga Mudzimu nga u ralo. 32
11:32
Heb. 12:5-7
Hone zwino ri khou haṱulwa na u laiwa nga Muṋe washu, uri ri sa vho ḓo laṱwa tshoṱhe na shango ḽino.

33Zwino-ha vha hashu, musi ni tshi kuvhanganela Tshilalelo ni lindelane. 34

11:34b
1 Korint. 4:19
A re na nḓala kha a bve o ḽa hayani, ni sa vho ḓo kuvhanganela u ḓiovhela khaṱhulo.

Maṅwe ndi ḓo dzudzanya ndi tshi ḓa.

12

Mpho dzo fhambanaho dza Muya Mukhethwa

121

12:1
1 Korint. 14:1
Vha hashu, musi ri tshi ḓa kha mpho dza Muya Mukhetwa, hu na zwiṅwe zwine nda tama ni tshi zwi ṱalukanya zwavhuḓi. 2
12:2
1 Korint. 6:11
Ps. 115:5
1 Mah. 18:26-29
Yes. 46:7
Ni a zwi ḓivha uri musi ni tshee vhannḓa no vha ni tshi sokou kumbiwa na kungelwa kha midzimu ya zwimuma.

3

12:3
1 Joh. 4:2-3
Mat. 16:17
Zwino ni ḓivhe uri haho ane a nga ri, “Yesu kha a teketelwe!” o funzedzwa nga Muya wa Mudzimu; nahone haho-vho ane a nga ri, “Yesu ndi Muṋe wa zwoṱhe!” a songo funzedzwa nga Muya Mukhethwa.

4

12:4
Rom. 12:4-6
1 Korint. 7:7
Hu na mpho dzo fhambanaho, Muya Ene ane dza bva khae e muthihi. 5Hu na mishumo yo fhambanaho ya u fhaṱa tshivhidzo, hone Muṋe washu ane ra mu shumela ngayo e muthihi. 6Maanḓa a Mudzimu a shuma nga nḓila dzo fhambanaho, hone Mudzimu e onoyo muthihi ane a ṋea vhoṱhe havho nungo uri vha kone u shuma. 7
12:7-11
Rom. 12:6-8
Muya u ḓidzumbulula kha muṅwe na muṅwe uri a kone u shumela tshivhidzo nga he a ṋewa ngaho nga Muya. 8
12:8
1 Korint. 13:2b,8c;
Muṅwe u ṋewa vhuṱali ha u eletshedza, i tshi bva kha Ene Muya, ngeno muṅwe a tshi ṋewa nḓivho nga onoyo Muya muthihi; 9
12:9
1 Korint. 13:2
muṅwe a ṋewa lutendo lwo khwaṱhaho nga onoyo Muya, ngeno muṅwe a tshi ṋewa mpho dza u fhodza vhathu, muṋei e onoyo Muya; 10
12:10
1 Joh. 4:1
muṅwe a ṋewa maanḓa a u ita maḓembe; muṅwe a ṋewa mpho ya u ḓivhadza vhathu zwe Mudzimu a dzudzanya; muṅwe a ṋewa vhukoni ha u ṱalukanya mishumo ya Muya wa Mudzimu na ya mimuya isili; muṅwe a ṋewa u kona u amba ndimiKana: “nyambo”dzo fhambanaho, muṅwe a ṋewa mpho ya u dzi ṱalutshedza; 11zwoṱhe hezwo u mushumo wa Muya onoyo muthihi ane a kovhela muṅwe na muṅwe nga hune Ene Muya a funa.

Muvhili muthihi u re miraḓo minzhi

12

12:12
Rom. 12:4-5
1 Korint. 12:20
Khristo ri nga mu fanyisa na muvhili wa muthu: naho u na miraḓo minzhi u ḓi vha muvhili muthihi. 13
12:13
Gal. 3:28
Zwenezwo riṋe roṱhe ro lovhedzwa ra ṋewa Muya muthihi ra vha muvhili muthihi nga u ralo, hu sa londwi uri u Mujuda kana u Mugiriki kana u phuli, kana u muḓilangi; nahone ndi onoyo Muya muthihi we ra mu nwa roṱhe.

14Hafhu muvhili a si muraḓo muthihi fhedzi, u na miraḓo minzhi. 15Arali lwayo lu tshi nga ri, “Vhunga nṋe ndi si tshanḓa a thi muraḓo wa hoyu muvhili,” ndi uri lwo no tumuwa kha muvhili nge lwa ralo naa? 16Nahone arali nḓevhe i tshi nga ri, “Vhunga nṋe ndi si iṱo, a thi muraḓo wa muvhili,” izwo zwi nga i tumula i sa tsha vha muraḓo wa muvhili naa? 17Arali muvhili woṱhe wo vha u tshi tou vha iṱo wo vha u tshi ḓo pfa nga mini? Hu ḓi nga arali muvhili woṱhe wo vha u nḓevhe fhedzi, wo vha u tshi ḓo nukhedza hani? 18Zwó ralo Mudzimu o vhea muraḓo muṅwe na muṅwe wa muvhili he a funa u tshi dzula hone. 19Arali muvhili woṱhe wo vha u muraḓo muthihi ndi musi u tshi kha ḓi vha muvhili naa? 20Huno-ha miraḓo ndi minzhi, muvhili wone u muthihi.

21Zwenezwo iṱo ḽi nga si ambe na tshanḓa ḽa ri, “Thi na mushumo na iwe!” Na yone ṱhoho i nga si ambe na milenzhe ya ri, “Thi na mushumo na inwi!” 22Kha ri dzou sedza miraḓo ine ya tata: yeneyo ndi yone ine arali i siho ra sa kone u tshila; 23nahone yeneyo miraḓo ine ra vhona unga i a nyadzisea, ndi yone ine ra i vhavhalela nga zwiambaro u fhira miṅwe. Zwenezwo miraḓo i shonisaho i a londoleswa, 24ngeno yo nakaho i si na mushumo nazwo. Ndi Mudzimu we a vhumba muvhili nga u ralo, miraḓo i nyadzeaho a i hulisa u fhira miṅwe, 25uri miraḓo yoṱhe i anḓane, i farisane u eḓana. 26

12:26
Rom. 12:15
Arali muraḓo muthihi u tshi pfa vhuṱungu, na miṅwe yoṱhe i a vhu pfa; arali muraḓo muthihi u tshi khoḓwa, na miṅwe yoṱhe i a takala.

27

12:27
Rom. 12:5
Ef. 1:22-23
3:6
4:12
Kol. 1:24
Zwó ralo inwi noṱhe ni muvhili wa Khristo; muṅwe na muṅwe waṋu ndi muraḓo wa wonoyo muvhili. 28
12:28
Ef. 4:11
Zwenezwo tshivhidzoni Mudzimu o vhekanya vhoṱhe vhuimoni havho: vha phanḓa ndi vhaapostola, ha ḓa vha na mpho ya u ḓivha zwe Mudzimu a dzudzanya, ha ḓa vhafunzi, ha konou tevhela vha itaho maḓembe, vha tevhelwa nga vho ṋewaho mpho ya u fhodza, kana ya u farisa vhaṅwe kana ya u ranga tshivhidzo phanḓa, kana ya u amba ndimi dzo fhambanaho. 29Kani-ha vhoṱhe ndi vhaapostola? Kani-ha vhoṱhe vha na mpho ya u ḓivha zwe Mudzimu a dzudzanya? Kani vhoṱhe ndi vhafunzi? Vhoṱhe vha na mpho ya u ita maḓembe naa? 30kana ya u fhodza malwadze? kana ya u amba nga nyambo dzo fhambanaho? kana ya u dzi ṱalutshedza? 31
12:31
1 Korint. 14:1,39
Zwino-ha, vheani mbilu dzaṋu kha mpho dzone-dzone.

Hone maitele a no fhira oṱhe asia:

13

Lufuno

131Naho nda amba nyambo

dza vhathu na dza vharuṅwa,

lufuno ndi si na,

ndi nga tsimbi i ungaho,

ndi nga ngoma i lilaho.

2

13:2
1 Korint. 12:8-9
Naho nda porofita,

nda ṱalukanya zwiphiri zwoṱhe,

nda vha na nḓivho yoṱhe;

nda vhuya nda vha na lutendo lwa u sudzulusa dzithavha,

lufuno ndi si na, a thi tshithu.

3Naho nda kovhela vhaṅwe zwoṱhe zwine nda vha nazwo,

nda vhuya nda kumedza muvhili wanga uri u fhiswe,Dziṅwe ṱhanzi dzi ri, “uri ndi khoḓiwe,”

lufuno ndi si na,

a zwi mpfarisi tshithu.

4

13:4
Gal. 5:22
1 Korint. 5:2
Lufuno a lu fheli mbilu.

Lu na vhuthu. A lu na vivho,

a lu ṱongi, a lu ḓihudzi.

5Lufuno lwo vuḓa.

A lu na tseḓa, a lu na mbilwana,

a lu pakati vhukhakhi.

6

13:6
Rom. 1:32
A lu takaleli tshivhi,

lu takalela zwi re zwone.

7Lufuno lu na mbilu ndapfu:

Lu ḓi dzula lu tshi fulufhela,

a lu fulufhuwi, lu konḓelela zwoṱhe.

8

13:8
1 Korint. 13:10
Lufuno a lu gumi.

Vhuporofita hone vhu ḓo kaṱudzwa;

ndimi dzone dzi ḓo fhumula;

nḓivho ya zwiphiri i ḓo fhela.

9Zwino ri kha ḓi tou ḓivha kupiḓanyana,

na zwine ra porofita ndi kupiḓanyana,

10hone hu tshi ḓa nḓivho yo khunyelelaho

zwi re tshiṱahe zwi ḓo fhela.

11Zwiḽa ndi tshee ṅwana ndo vha ndi tshi amba sa ṅwana,

nda elekanya sa ṅwana,

mihumbulo i ya ṅwana;

zwino ndó no vha munna,

hana ho fhela.

12

13:12
2 Korint. 3:18
Num. 12:8
1 Joh. 3:2
Nzumb. 22:4
Mat. 5:8
Zwine ra vhona zwino a zwi vhonalesi;

zwi nga murunzi kha tshivhoni.

Ngavhuya ri ḓo vhona Mudzimu ro tou livhana zwifhaṱuwo.

Zwine nda ḓivha zwino ndi kupiḓanyana;

ngavhuya ndi ḓo zwi ḓivha tshoṱhe

sa zwine Mudzimu a nnḓivha tshoṱhe.

13Zwino-ha zwi sa gumi ndi zwiraru:

Ndi lutendo, na u lavhelela zwi ḓaho, na lufuno;

hone-ha tshi fhiraho zwoṱhe ndi lufuno.