Setswana 1970/1987 (TSW70)
10

Iseraele o fiwa tsholofetso e e itumedisang

101Rapelelang pula mo Moreneng mo sebakeng sa pula ya pele le ya morago; ke Morena yo o dirang dikgadima, mme pula o tla e lo nesetsa le tsotlhe tse di golang mo nageng. 2Gonne medimo ya mo gae e bua tsa boithamako; baitseanape ba bona maaka, ba bolela ditoro tse e seng tsa sepe; kgomotso ya bone ke phefo fela. Ke ka moo ba timetseng jaaka letsomane, ba bogisega, ka modisa a se teng.

10:2
Math. 9:36

3“Bogale jwa me bo tuketse badisa, ke tla betsa diphoko;” gonne Morena wa masomosomo o tla tlhokomela letsomane la gagwe, e leng Bajuta, a ba dira jaaka pitse e ntle ya gagwe mo tlhabanong.

10:3
Sag. 11:5
4Lentswe la kgokgotsho le tla tswa mo go bone mmogo le lomapo, le bora jwa ntwa, le babusi botlhe; ba tla tswa mo go bone.
10:4
Jer. 30:21
5Ba tla nna jaaka diganka tse di gatang dithetse tsa mebila mo tlhabanong; ba tla tlhabana, ka Morena a na nabo; bapalami ba dipitse ba tla tlhajwa ke ditlhong.

6“Mme ke tla tiisa Bajuta,

ke thusa Bajosefa,

ke ba busetsa mo gae;

gonne ke tla ba tlhomogela pelo,

mme ba tla nna jaaka e kete

ga ke ise nke ke ba latlhe.

Gonne ke nna Morena,

Modimo wa bone,

ke tla ba utlwa.

7Baeferaime ba tla nna

jaaka diganka,

dipelo tsa bone di tla itumela

jaaka e kete ba nole weine.

Bana ba bone ba tla bona jalo,

ba itumela;

dipelo tsa bone di tla dudueletsa

Morena.

8Ke rata go ba bitsa ka molodi

le go ba phutha,

gonne ke ba rekolotse;

mme ba tla ata

jaaka ba ne ba atile pele.

9Ke ba gasitse mo merafeng,

mme ba tla nkgakologelwa

ba le kwa kgakala;

mme ba tla phela

le bana ba bone, ba boa.

10Ke tla ba busa

kwa lefatsheng la Egepeto,

ke ba phutha go tswa kwa Asiria,

ke ba tlisa mo lefatsheng

la Gileate le la Lebanone,

mme go tla fitlhelwa

le sa ba lekane.

11O tla feta mo lewatleng la tlalelo,

a itaya dintelo mo lewatleng;

madiba otlhe a noka ya Nile

a tla kgala;

go tla kokobediwa

boikgogomoso jwa Asiria,

mme molamu wa bogosi jwa

Egepeto o tshwanetse go tloga.

10:11
Ekes. 14:16
Jes. 11:15

12Ke tla ba tiisa mo Moreneng;

ba tla sepela mo leineng

la gagwe,” go bua Morena.