Setswana 1970/1987 (TSW70)
96

Opelelang moatlhodi, o e tla

961Opelelang Morena

sefela se sešwa;

opelelang Morena,

lona mafatshe otlhe!

96:1
Pes. 33:3

2Opelelang Morena,

lo bake leina la gagwe,

utlwatsang pholoso ya gagwe

ka letsatsi lengwe le lengwe!

3Bolelang kgalalelo ya gagwe

mo merafeng le dikgakgamatso

tsa gagwe mo bathong botlhe!

4Gonne Morena o mogolo,

pako e kgolo e mo tshwanetse;

o boitshega

bogolo go medimo yotlhe.

5Gonne medimo yotlhe ya merafe

ga se ya sepe;

mme Morena o dirile magodimo.

6Borena le kgalalelo

di fa pele ga gagwe;

thata le bontle di mo Felong

ga gagwe ga Boitshepo.

7Ntshetsang Morena,

lona ditso tsa merafe,

ntshetsang Morena

kgalalelo le thata!

8Ntshetsang Morena

kgalalelo ya leina la gagwe,

tlisang ditshupelo,

lo tsene mo malapeng a gagwe!

96:8
Pes. 72:10

9Obamelang Morena

ka mokgabo o o boitshepo;

roromang fa pele

ga sefatlhego sa gagwe,

lona mafatshe aotlhe!

10Buang mo merafeng lo re:

Morena ke kgosi;

o thaile lefatshe

gore le se tshikinyege;

o tla atlhola batho ka tshiamo.”

96:10
Pes. 93:1

11A magodimo a itumele,

a lefatshe le duduetse,

a lewatle le gwase

le tse di tletseng mo go lone.

96:11
Pes. 98:7-9
Jes. 49:13

12A naga e ipele

le tsotlhe tse di mo go yona;

ke gona ditlhare tsotlhe tsa sekgwa

di tla duduetsang

fa pele ga Morena;

13gonne o e tla,

o tsile go atlhola lefatshe;

o tla atlhola lefatshe ka tshiamo

le batho ka boammaaruri

jwa gagwe.

96:13
Dit. 17:31