Setswana 1970/1987 (TSW70)
95

Tlhotlheletso ya go dudueletsa Modimo

951Tlayang a re dudueletseng

Morena,

re ipeleleng lefika la pholoso

ya rona.

2A re tleng fa pele ga sefatlhego

sa gagwe ka malebogo,

re mo ipeleleng ka dikopelo

tsa pako.

3Gonne Morena

ke Modimo o mogolo,

ke kgosi e kgolo,

mmusi wa medimo yotlhe,

95:3
Pes. 96:4

4yo mateng a lefatshe

a leng mo seatleng sa gagwe,

yo ditlhoa tsa dithaba

e leng tsa gagwe;

5yo lewatle e leng la gagwe,

o le tlhodile;

le lefatshe le le omileng

ke la gagwe,

diatla tsa gagwe di le bopile.

6Tlayang a re obameleng, re iname,

re khubame fa pele ga Morena,

Mmopi wa rona.

7Gonne ke ene Modimo wa rona;

rona re batho

ba bofulo jwa gagwe

le dinku tsa seatla sa gagwe.

E kete lo ka bo lo utlwa

lentswe la gagwe kajeno!

95:7
Pes. 100:2
Joh. 10:27,28
Baheb. 3:7
4:7

8“Se thatafatseng dipelo tsa lona

jaaka kwa Meriba

le ka letsatsi la Masa mo sekakeng,

9kwa borraalona ba nthaetseng teng,

ba nteka,

etswe ba bonye ditiro tsa me.

95:9
Ekes. 17:2,7

10Ke ne ka tenwa ke morafe

oo dinyaga di le 40,

ka bua ka re: ‘Batho ba,

ke ba ba dipelo di timetseng,

ga ba itse ditsela tsa me.’

11Ke gona ka moo ke ikanneng

mo bogaleng jwa me ka re:

‘Ga ba nke ba tsena

mo boikhutsong jwa me.’ ”

95:11
Num. 14:22,23