Setswana 1970/1987 (TSW70)
92

Loboko lwa go baka tshiamo ya Modimo

921Pesalome. Sefela sa letsatsi la Sabata.

2Go monate go leboga Morena

le go opelela leina la gago dipako,

Mogodimodimo,

92:2
Pes. 147:1

3go bolela bopelotlhomogi jwa gago

mo mosong

le boikanyo jwa gago bosigo,

4ka kwadi ya dithapo di le some

le ka harepa le ka melodi

ya segwana.

92:4
Pes. 33:2

5Gonne wena Morena

o intumedisitse

ka go dira ga gago;

ke duduetsa ditiro

tsa diatla tsa gago.

6Ditiro tsa gago, Morena,

di dikgolo jang!

92:6
Pes. 104:24
Jes. 55:9

Dikakanyo tsa gago di botengteng.

7Seeleele ga se di lemoge,

lesilo ga le di tlhaloganye.

8Fa baikepi ba gola sentle

jaaka bojang,

mme badirabosula

botlhe ba kgaba jaaka dithunya,

e a be e le gore ba nyelediwe

ka bosakhutleng.

92:8
Pes. 37:2

9Mme wena Morena

o Mogodimodimo ka

bosakhutleng.

92:9
Pes. 97:9

10Gonne ruri, baba ba gago,

Morena,

ruri baba ba gago ba tla latlhega,

basulatsi botlhe ba tla faladiwa.

11Lonaka lwa me o lo tsholetsa

jaaka lwa nare,

o ntloditse lookwane lo lošwa.

92:11
Pes. 23:5

12Leitlho la me le tla leba

baba ba me ka kgatlhego,

ditsebe tsa me di tla utlwela

tatlhego ya basenyi

ba ba ntsogelang ka boitumelo.

92:12
Pes. 91:8

13Mosiami o tla tlhoga jaaka

mokolane a gole jaaka setlhare

sa mosetere wa Lebanone;

92:13
Pes. 52:10

14ba ba tlhomilweng mo Ntlong ya

Morena

ba tla tlhoga mo malapeng a

Modimo wa rona.

92:14
Pes. 84:3

15Ba tla nna ba ungwa

le mo botsofeng;

ba tla nona, ba nna banana,

92:15
Pes. 1:3

16e le go bolela gore Morena

ke wa nnete.

Ke lefika la me;

ga go tshiamololo epe mo go ena.

92:16
Doit. 32:4