Setswana 1970/1987 (TSW70)
87

Jerusalema ke mmamerafe

871Pesalome ya boora Kora. Sefela.

Metheo e e mo dithabeng

tse di boitshepo,

Morena o a e rata.

2O rata dikgoro tsa Sione

bogolo go maago otlhe a ga Jakobe.

3Dilo tse di galalelang

di bolelwa ka ga gago,

wena motse wa Modimo. Sela.

4Ke umaka Rahabe87:4 Go tewa Egepeto. le Babele

mo go ba ba nkitseng;

le Felesita le Tiro

mmogo le Khuše87:4 Go tewa Ethiopia.

ke re: “Ba, ba tsaletswe teng.”

87:4
Jes. 30:7
Pes. 68:32

5Ka ga Sione go tla twe:

“Mongwe le mongwe

o tsaletswe teng.”

Mme motse oo, Mogodimodimo o

a o tlhomamisa.

6Morena o tla bala,

fa a kwala ditšhaba, a re:

“Yo, o tsaletswe teng.” Sela.

7Bona ba ba binang pina

le ba ba opelang ba re:

“Metswedi yotlhe ya me

e mo go wena.”