Setswana 1970/1987 (TSW70)
8

Motho ke eng?

81Pesalome ya ga Dafita e e kwaletsweng moopedisi ka fa moopelong wa ba ba gatang segatelo.

2Morena, Mmusi wa rona,

leina la gago le galalela jang

mo lefatsheng lotlhe,

wena yo borena jwa gago

bo opelelwang kwa legodimong!

3O itiretse tumiso e kgolo,

e tswa mo melomong ya bana

le ya masea,

ka ntlha ya baganetsi ba gago,

gore o didimatse baba

le baipusolosetsi.

8:3
Math. 21:16

4Fa ke lebile magodimo a gago,

tiro ya menwana ya gago

le ngwedi le dinaledi

tse o di tlhomileng

8:4
Pes. 19:2

5kana motho ke eng,

fa o mo gopotse,

ngwana wa motho ke eng,

fa o mmabalela?

8:5
Pes. 144:3
Baheb. 2:6-9

6O mo tlhaedisitse baengele

go le gonnye fela,

wa mo rwesa kgalalelo le bontle.

8:6
Gen. 1:26

7O mo dirile molaodi

wa ditiro tsa diatla tsa gago;

o beile dilo tsotlhe

fa tlase ga dinao tsa gagwe,

8:7
Math. 28:18
1 Bakor. 15:27

8tsotlhe, dinku le dikgomo,

le tsona diphologolo tsa naga,

9dinonyane tsa loapi

le ditlhapi tsa lewatle,

le fa e le eng se se ralalang lewatle

ka ditsela tsa lone.

10Morena, Mmusi wa rona,

kana leina la gago le galalela jang

mo lefatsheng lotlhe!