Setswana 1970/1987 (TSW70)
4

Sefela sa maitsiboa

41Pesalome ya ga Dafita e e kwaletsweng moopedisi; e opedisiwe ka kwadi ya dithapo.

2Fa ke bitsa o nkutlwe,

Modimo wa tshiamo ya me!

Mo pitlaganong ya me

o nkatlhamoloseditse bonno;

ntlhomogele pelo,

o utlwe thapelo ya me!

3Lona banna, tlotlo ya me

e tla nna tshotlo goleele go le kae?

Lo tla rata boithamako

le go batla maaka goleele go le kae?

Sela.

4Itseng gore Morena

o itlhaoletse yo o mo kgatlhang.

Morena o a utlwa

fa ke tlhaeleletsa go ena.

4:4
Pes. 17:7

5Galefang, mme lo se leofe;

buang ka dipelo tsa lona

mo malaong a lona,

mme lo didimale. Sela.

4:5
Baef. 4:26
Pes. 16:7

6Tlhabang ditlhabelo tsa nnete,

lo ikanye Morena.

4:6
Pes. 51:19,21

7Ba bantsi ba re: “Ke mang

yo o re bontshang se se molemo?

Morena, re sedifaletse

ka lesedi la sefatlhego sa gago.”

4:7
Num. 6:25,26

8Pelo ya me o e tladitse boitumelo

jo bo fetang jwa bona,

jwa letlotlo la mabele le la bojalwa.

9Ke tla ya go lala ka kagiso,

ke thulamela;

gonne ke wena Morena o le wesi

yo o mphedisang mo kagisong.

4:9
Lef. 26:6
Pes. 3:6