Setswana 1970/1987 (TSW70)
36

Bopelontle jwa Modimo bo molemolemo jang ne!

361Pesalome ya ga Dafita, motlhanka wa Morena, e e kwaletsweng moopedisi.

2Mosenyi a re:

“Maikaelelo a ka ke go senya.”

Go tshoga Modimo ga a go itse.

36:2
Baroma 3:18

3Gonne o ikgatlha ka esi,

a ithaya a re,

molato wa gagwe ga o kitla

o bonwa le e seng go tlhoiwa.

4Mafoko a molomo a gagwe

ke boikepo le tsietso;

o gana go dira tsa botlhale

le tse di molemo.

5O akanya boikepo

mo bolaong jwa gagwe;

o ikemisa mo tseleng

e e seng molemo;

bosula ga a bo tlhoe.

36:5
Miga 2:1

6Morena, bopelontle jwa gago

bo fitlha kwa magodimong;

boikanyego jwa gago

bo fitlha kwa marung.

36:6
Pes. 57:11
108:5

7Tshiamo ya gago e ntse

jaaka dithaba tsa Modimo;

dikatlholo tsa gago ke boteng

jo bogolo jwa metsi.

Morena, o thusa batho le diphedi.

36:7
Pes. 125:1,2

8Kana bopelontle jwa gago,

Modimo, bo molemolemo jang ne!

Bana ba batho

ba tshabele mo moriting

wa diphuka tsa gago.

9Ba ja monate wa monono

wa Ntlo ya gago;

o ba nosa mo nokeng

ya dinatefo tsa gago.

36:9
Pes. 23:5

10Gonne motswedi wa bophelo

o fa go wena;

re bona lesedi ka lesedi la gago.

36:10
Jer. 2:13

11Tsweletsa bopelontle jwa gago

mo go bona ba ba go itseng,

le tshiamo ya gago mo go bona

ba ba dipelo di tlhamaletseng.

12A lonao lwa boikgantsho

lo se nkgate,

a diatla tsa baikepi di se nteleke.

13Foo badiradibe ba tla bo ba ole,

ba digilwe,

mme ba tla palelwa ke go tsoga.