Setswana 1970/1987 (TSW70)
32

Lesego la go itshwarelwa maleo

321Pesalome ya ga Dafita. Sefela sa thuto.

Go sego ena

yo o itshwaretsweng ditlolo,

yo boleo jwa gagwe bo bipilweng.

32:1
Baroma 4:6-9

2Go sego motho yo Morena

o sa mmaleleng tshiamololo,

yo tsietso e se yong

mo moweng wa gagwe.

3E rile ke didimala,

marapo a me a remega

ka go duma ga me

ka letsatsi lotlhe.

32:3
Pes. 31:11
51:10

4Gonne letsogo la gago

le ne le le bokete mo go nna

bosigo le motshegare;

bokgola jwa me jwa fetoga

komelelo ya selemo. Sela.

5Ke ne ka go ipobolela

boleo jwa me,

mme ka se ka ka fitlha

tshiamololo ya me.

Ke rile: “Ke tla ipobolela Morena

ditlolo tsa me,”

mme wa tlosa molato

wa boleo jwa me. Sela.

32:5
Diane 28:13

6Ka ntlha ya moo modumedi

mongwe le mongwe

o tla go rapela mo motlheng

o ò ka bonwang ka ona;

ruri, le fa merwalela e tla gwasa,

ga e kitla e fitlha fa go ena.

7Ke wena phemelo ya me;

o nkefosa mo pitlaganong;

o ntikanyetsa

ka difela tsa kgololego. Sela.

8Ke tla go itsise, ke go ruta tsela

e o tshwanetseng go e tsamaya;

ke tla go gakolola ke tsepile

matlho a me mo go wena.

32:8
Pes. 25:12

9Se tshwaneng le pitse gongwe

moulwe tse di se nang tlhaloganyo,

tse mekgabo ya tsona e leng tshipi

le marapo go di thapisa,

32:9
Diane 26:3

ka di gana go go atamela.

10Moikepi o na le mahutsana

a mantsi;

mme yo o ikanyang Morena,

boutlwelo-botlhoko

bo tla mo dikanyetsa.

11Itumeleng mo Moreneng,

lo bo lo ipele, lona basiami;

duduetsang, lona lotlhe

ba lo dipelo di tlhamaletseng.

32:11
Pes. 33:1