Setswana 1970/1987 (TSW70)
30

Bogale jwa Modimo ke jwa sebakanyana, mme molemo wa ona ke wa bosakhutleng

301Pesalome ya ga Dafita. Sefela sa kgakolo ya Tempele.

2Ke tla go godisa, Morena;

gonne o ntshwatotse,

mme ga o a ka wa leseletsa

baba ba me go itumela ka ga me.

30:2
Pes. 35:19-24

3Morena, Modimo wa me,

ke goetse thuso kwa go wena,

mme o mphodisitse.

4Morena, o tlhatlositse mowa

wa me mo felong ga baswi,

o mphedisitse ke le mo go bona

ba ba fologelang mo moleteng.

30:4
Pes. 116:3,4

5Opelelang Morena,

lona baratwi ba gagwe,

lo bake segopotso

sa boitshepo jwa gagwe.

6Gonne bogale jwa gagwe

ke jwa sebakanyana,

mme bopelontle jwa gagwe

ke jwa bophelo jotlhe.

Maitsiboa go lale go le selelo,

mme mo mosong

go tsoge go le boitumelo.

30:6
Jes. 54:7

7Mo boiketlong jwa me

ke itheile ka re:

“Ga nkitla ke tshikinyega

ka bosenabokhutlo.”

8Morena, e rile o intumelela,

wa nkemisa mo thabeng ya me

e e thata;

mme ya re o fitlha sefatlhego

sa gago, ka tshoga.

9Ka goela kwa go wena, Morena,

ka kopa Morena

ka mekokotlelo ka re:

10“Go tla go thusa eng,

fa madi a me a tshololwa,

ke fologela mo lebitleng?

A lerole le ka go baka,

a le ka bolela boammaaruri

jwa gago?

30:10
Pes. 6:6

11Utlwa, Morena,

o ntlhomogele pelo;

Morena, o nne mothusi wa me.”

12Selelo sa me o se mphetoletse pina,

o nkapotse lesela la khutsafalo,

wa ntlama ka boitumelo

30:12
Joh. 16:20

13gore kgalalelo ya me

e go opelele pako,

mme e se didimale.

Morena, Modimo wa me,

ke tla go leboga ka bosakhutleng.

30:13
Pes. 16:9