Setswana 1970/1987 (TSW70)
2

Tlhabano le phenyo ya ga Mesia

21Kana merafe e huduelang,

ditšhaba di akanyetsang

dilo tsa boithamako?

2Dikgosi tsa lefatshe

di a ikemisa le babusi

ba nnela go logisanya maano

a go lwa le Morena

le Motlodiwa wa gagwe ba re:

2:2
Tshen. 11:18
19:19

3“A re kgaoleng dikgole tsa bone,

megala ya bone re e tlose

mo go rona, re e latlhe!”

2:3
Jer. 2:10
5:5
Luka 19:14

4Ene yo o agileng mo legodimong

o a tshega,

Morena o a ba sotla.

2:4
Pes. 37:13
59:9

5Foo o tla bua nabo

ka bogale jwa gagwe,

o tla ba tshosa

ka kgakalo ya gagwe:

2:5
Jes. 34

6“Mme nna, kana ke tlhomile kgosi

ya me mo Sione,

mo thabeng ya me e e boitshepo!”

7Ke rata go bolela

ka ga maikaelelo a Morena.

O ntheile a re: “O morwaake,

ke go tsetse kajeno.

2:7
Pes. 89:27-30
Dit. 13:33
Baheb. 1:5
5:5

8Lopa mo go nna,

mme ke tla go naya merafe

go nna boswa jwa gago,

le dikhutlo tsa lefatshe

go nna leruo la gago.

2:8
Dan. 7:13,14

9O tla ba robaganya

ka thobane ya tshipi;

o tla ba thubaganya

jaaka sejana sa letsopa.”

2:9
Tshen. 2:27
12:5
19:15

10Ka moo he, tlhalefang,

lona dikgosi;

tlhagisiwang,

lona baatlhodi ba lefatshe.

11Direlang Morena ka poifo,

lo duduetse ka thoromo.

12Atlang Morwa

gore a se ka a gakala,

mme lwa latlhega mo tseleng.

Gonne bogale jwa gagwe

bo ka akofa jwa tuka.

Go sego bona botlhe

ba ba mo ikanyang.

2:12
Pes. 34:9
84:13
1 Sam. 10:1
Jes. 30:18