Setswana 1970/1987 (TSW70)
140

Kopo ya phemelo mo baikeping

1401Pesalome ya ga Dafita e e kwaletsweng moopedisi.

2Morena, nkgolole

mo bathong ba ba bosula;

o mpoloke mo banneng

ba ba bodipa,

3ba ba akanyang dilo tse di bosula

mo pelong,

ba tsosa ntwa ka malatsi otlhe.

4Ba itooditse diteme,

ba tshwana le dinoga;

botlhole jwa lebolobolo

bo mo maganong a bona. Sela.

140:4
Baroma 3:13

5Morena,

mpoloke mo diatleng tsa moikepi,

o mphemele mo banneng

ba ba bogwama,

ba ba ikaeletseng

go ntigela lengopeng.

6Baikgantshi ba mphitlhetse

mutlwane le serai,

ba mpeetse letloa fa thoko ga tsela,

ba nthaisitse ka seru. Sela.

7Ke buile le Morena ka re:

“O Modimo wa me.”

Morena, reetsa lentswe

la mekokotlelo ya me.

140:7
Pes. 22:11

8Modimo Morena,

wena thuso e e thata ya me,

ke wena yo o femelang

tlhogo ya me

ka letsatsi la tlhabano.

9Morena, o se ka wa dirafatsa

dikeletso tsa moikepi;

a maano a o a logileng

a se kgonege,

ba ka tla ba ikgodisa. Sela.

10Fa ba ka tsholetsa ditlhogo

tikologong ya me,

a tshenyo ya diteme tsa bona

e ba khurumetse.

140:10
Pes. 7:17

11A Morena a nesetse magala

mo go bona,

a ba digele mo molelong,

mo bodibeng

gore ba se ka ba tlhola ba tsoga.

12A monna wa puo e e bosula

a se ka a tlhomama mo lefatsheng;

monna yo o bodipa a tlalelo

e mo leleke gangwe le gape.

13Ke a itse, fa Morena a tla emela

kgang ya motlalelwi

le tshiamelo ya mohumanegi.

14Ruri, basiami ba tla leboga

leina la gago,

ba nnete ba tla aga fa pele ga gago.

141

Kopo ya go sa tseneng mo thaelong le mo pogisong

1411Pesalome ya ga Dafita.

Morena, ke a go bitsa;

itlhaganele, o tle go nna;

utlwa lentswe la me,

fa ke goela go wena.

2A thapelo ya me e nne

jaaka maswalo fa pele ga gago;

a tsholetso ya me ya mabogo

e nne jaaka tshupelo ya maitsiboa.

141:2
Ekes. 30:7
29:39

3Morena,

beela molomo wa me tiso;

lebelela mojako wa molomo wa me.

141:3
Pes. 39:2

4Se sokololele pelo ya me

kwa selong se se bosula

go dira ditiro tsa boikepo

le banna ba ba dirang bosula,

mme a ke se je monate o ba o jang.

141:4
Pes. 119:36

5Mosiami a ka ntitaya, ke ka lorato,

a ka nkwatlhaya,

ke lookwane lwa tlhogo;

tlhogo ya me ga e kitla e lo gana.

Le fa go ntse jalo ke rapela

ka ntlha ya masula a bona.

141:5
Lef. 19:17
Diane 27:5,6

6Fa baatlhodi ba bona

ba digwa mo makgotlhong,

ba tla utlwa mafoko a me,

fa e le a a monate.

7Marapo a rona a gasagasegile

fa mojakong wa felo ga baswi

jaaka fa motho a lema,

a gagola lefatshe.

8Gonne matlho a me a lebile wena

Modimo Morena;

ke batla botshabelo fa go wena;

se ntshe mowa wa me mo nameng.

9Mphemele mo thateng ya segole

se ba nthaisitseng ka sona,

le mo dirung

tsa ba ba dirang bosula.

10A baikepi ba wele mo lemeneng

la bona botlhe mmogo,

mogang nna ke fetang ke falola.

141:10
Pes. 7:16

142

Thapelo mo pogisong e e thata

1421Sefela sa thuto sa ga Dafita, fa a ne a le mo logageng. Thapelo.

142:1
1 Sam. 24:4

2Ke goela Moreneng

ke tlhatlositse lentswe;

ke lelela boitshwarelo

mo Moreneng

ke tsholeditse lentswe.

3Ke tshololela selelo sa me

fa pele ga gagwe,

ke bega tlalelo ya me

fa pele ga gagwe.

4Fa ke nyema moko,

wena o itse tsela ya me.

Ba mpeetse serai mo tseleng

e ke tshwanetseng go e tsamaya.

142:4
Pes. 138:7

5Ke lebile ntlheng ya letsogo

le le jang,

ke fitlhela go se na ope

yo o nkitseng;

botshabelo jwa me bo ile;

ga go ope yo o mpotsang bophelo.

6Ke goela kwa go wena, Morena,

ke re:

“Ke wena botshabelo jwa me

le kabelo ya me

mo lefatsheng la baphedi.”

142:6
Pes. 27:13

7Ela selelo sa me tlhoko;

gonne ke koafetse segolo;

nkgolole mo babogising ba me;

gonne ba mpheta ka thata.

142:7
Pes. 7:2

8Nntshe mo kgolegong

gore ke galaletse leina la gago.

Basiami ba tla ntikanyetsa,

fa o ntirela molemo.