Setswana 1970/1987 (TSW70)
11

Morena o tshiamo

111Pesalome ya ga Dafita e e kwaletsweng moopedisi.

Ke itiketsa ka Morena;

lo ka nthaya jang lo a re:

“Tshabela kwa thabeng

jaaka nonyane?

11:1
1 Sam. 26:20

2Gonne bona,

baikepi ba gagamatsa bora,

ba beile metsu ya bone

mo thapong ya jona,

gore e re ba le mo fifing,

ba tle ba hule

ba ba dipelo di boammaaruri.

11:2
Pes. 37:14
64:4,5

3Fa metheo e thujwa,

mosiami a ka dirang?”

4Morena o mo Tempeleng ya gagwe

e e Boitshepo,

Morena,

yo sedulo sa gagwe sa bogosi

se leng mo legodimong.

Matlho a gagwe a bona lefatshe,

dintshi tsa matlho a gagwe

di keleka bana ba batho.

11:4
Hab. 2:20
Jes. 66:1
Pes. 33:13,14

5Morena o sekaseka mosiami

le moikepi;

mowa wa gagwe

o tlhoile yo o ratang kgatelelo.

11:5
Pes. 5:5

6O tla nesetsa baikepi magala;

molelo le sebabole le ledimo

le le bolelo

ke tsona senwelo sa bona

se ba se abetsweng.

11:6
Gen. 19:24

7Gonne Morena o siame,

o rata ditiro tse di siameng.

Ba nnete

ba tla bona sefatlhego sa gagwe.

11:7
Pes. 33:5
17:15