Setswana 1970/1987 (TSW70)
1

KAROLO YA NTLHA, DIPESALOME 1 – 41

Ditsela tse pedi

11Go sego monna

yo o sa tsamaeng

ka fa kgakololong ya baikepi,

le e seng go gata

mo tseleng ya baleofi,

le e seng go nna

mo mannong a basotli,

1:1
Pes. 119:1
26:4
Diane 4:14
Jer. 15:17

2mme a itumelela

molao wa Morena,

a akanya molao wa gagwe

bosigo le motshegare.

1:2
Pes. 119:35,47,70,97
Još. 1:8
Doit. 6:8

3O tshwana le setlhare

se se tlhomilweng

fa dinokaneng tsa metsi,

se se ungwang leungo la sona

mo motlheng wa sona,

se matlhare a sona a sa swabeng,

mme tsotlhe tse o di dirang

o di swetsa ka lesego.

1:3
Pes. 92:13-16
Jer. 17:8

4Baikepi ga ba a nna jalo;

nnyaya, ba tshwana le moko

o phefo e o gogolang.

1:4
Pes. 35:5
Jobe 21:18
Hos. 13:3

5Ka ntlha ya moo baikepi

ga ba nke ba atlholelwa

mo katlholong,

le e seng baleofi

mo phuthegong ya basiami.

6Gonne Morena o itse

tsela ya basiami,

mme tsela ya baikepi

e isa tshenyegong.

1:6
Pes. 37:18
Jobe 23:10
2 Tim. 2:19