Setswana 1970/1987 (TSW70)
65

Karabo ya Modimo: Go pholosiwa ba ba boifang Modimo. Go bediwa baleofi

651“Ke ne ka iponatsa mo go ba ba sa botsang ka ga me; ka fitlhelwa ke ba ba sa mpatlang; ka raya setšhaba se se sa rapelang leina la me ka re: ‘Ke fano, ke fano!’

65:1
Baroma 10:20
2Ke ne ka ntshetsa mabogo a me letsatsi lotlhe kwa morafeng o o ikepang, o o tsamayang mo tseleng e e seng molemo, o o latelang megopolo ya ona,
65:2
Diane 1:24
Jer. 3:17
3kwa bathong ba ba ntseng ba nkgakatsa ba lebaganye le nna, ba ba dirang ditlhabelo kwa masimong, ba ba fisang maswalo godimo ga diekana; 4ba ba ntseng mo mabitleng, ba lala mo mafelong a a fitlhegileng, ba ja nama ya kolobe, ba na le moro wa maila mo dipitseng tsa bone;
65:4
Jes. 66:17
Lef. 11:7
5ba ba reng: ‘Ema koo, se nkatamele, gonne ò ka fetelwa ke boitshepo jwa me.’ Bao ke musi mo dinkong tsa me; ke molelo o o tukang, ka letsatsi lotlhe.

6“Bonang, go kwadilwe fa pele ga me. Ga nkitla ke didimala, mme ke tla busolosa, ke ba busolosetsa mo dihubeng tsa bone. 7Ke tla lo busolosetsa ditshiamololo tsa lona le ditshiamololo tsa borraeno mmogo, ba ba neng ba fisa maswalo mo dithabeng, ba nkgala mo mebotong: Pele ke tla ba lekanyetsa tuelo ya bone mo dihubeng tsa bone.” Morena o buile jalo.

8Morena o bua jaana a re: “E a re fa go fitlhelwa matute a moweine mo lesitlheng, go twe: ‘Se le senye, gonne lesego le mo go lone,’ ke tla dira fela jalo ka ntlha ya batlhanka ba me gore ke se ka ka ba senya botlhe.

65:8
Gen. 18:26
Jes. 6:13
9Mme ke tla ntsha losika mo go Jakobe, e bong ba ba ruang dithaba tsa me mo go Juta; ba ke ba itlhaoletseng ba tla di rua, batlhanka ba me ba tla aga gona. 10Mme Sarone e tla nna mafulo a matsomane; megorogoro ya Agore e tla nna meraka ya matlhape a batho ba me ba ba mpatlang.
65:10
Još. 7:26

11“Mme lona ba lo tlogetseng Morena, lwa lebala thaba e e boitshepo ya me; ba lo baakanyetsang Gate65:11 Modimo wa letlhogonolo. lojelo, lwa tshelela Meni65:11 Modimo wa sesadi o o sireletsang. bojalwa jo bo tlhakantsweng: 12Lona ke tla lo neela mo tšhakeng, mme lo na le go inama lotlhe gore lo tlhabiwe. Gonne e rile ke bitsa, lwa se ka lwa araba; ya re ke bua, lwa se ka lwa utlwa. Mme lwa dira tse di bosula mo matlhong a me, lwa itlhophela tse di sa nkgatlheng.”

65:12
Jes. 65:2
66:4
13Ke ka moo Morena Modimo o buang jaana a re: “Bonang, batlhanka ba me ba tla ja, mme lona lo bolawa ke tlala; bonang, batlhanka ba me ba tla nwa, mme lona lo tlhajwa ke ditlhong.
65:13
Jes. 55:1
14Bonang, batlhanka ba me ba tla duduetsa, ka ba le pelo-di-thabileng, mme lona lo tla goa, ka lo le pelo-di-botlhoko; lo tla lela ka ntlha ya go nyema moko. 15Mme lo tla tlogelela ba ke ba itlhaoletseng leina la lona gore e nne thogako ya go re: ‘A Morena Modimo a go bolae!’ Mme batlhanka ba me ba tla bidiwa ka leina le sele,
65:15
Jes. 62:2
16gore yo o itshegofatsang mo lefatsheng a itshegofatse ka Modimo wa boammaaruri, le yo o ikanang mo lefatsheng a ikane ka Modimo wa boammaaruri, ka ditlalelo tsa pele di lebetswe, ka di fitlhegetse matlho a me.
65:16
Jes. 19:18
Jer. 4:2
12:16

Polelelopele ya legodimo le lešwa le lefatshe le lešwa

17“Gonne bonang, ke tla tlhola legodimo le lešwa le lefatshe le lešwa; mme dilo tsa pele ga di kitla di gopolwa le e seng go di gakologelwa ka pelo.

65:17
Jes. 66:22
2 Pet. 3:13
Tshen. 21:1
18Mme lo tla itumela, lo dudueletsa tsa ke di tlholang ka go sa feleng; gonne bonang, ke tla tlholela Jerusalema meduduetso le batho ba gagwe boitumelo.
65:18
Jes. 35:10
19Ke tla dudueletsa Jerusalema, ke itumelela morafe wa me; ga go kitla go tlhola go utlwala selelo teng le e seng go goa.
65:19
Jes. 28:8
20Ga go kitla go tlhola go nna lesea gona le le phelang malatsinyana fela, le e seng monna mogolo yo o sa tlatseng malatsi a gagwe; gonne yo o swang a le dinyaga di le lekgolo o tla a kaiwa lekau; yo o leofang o tla welwa ke khutso a le dinyaga di le lekgolo.
65:20
Sag. 8:4
21Mme ba tla aga matlo, ba nna mo go ona; ba tla tlhoma masimo a moweine, ba ja maungo o ona.
65:21
Jes. 62:8
22Ga ba kitla ba aga fa yo mongwe a tla nnang teng; ga ba kitla ba tlhoma gore go je yo mongwe. Gonne malatsi a batho ba me a tla tshwana le malatsi a setlhare. Ba ke ba itlhaoletseng ba tla ja monate wa tse ba di itiretseng ka diatla.
65:22
Doit. 28:30
23Ga ba kitla ba itapisetsa lefela, le e seng go tsala bana ba ba swang ka pele. Gonne bone ke losika lwa ba ba tshegofaditsweng ke Morena. Bana ba bone ba na nabo. 24Ke tla ba araba ba ise ba bitse; ke tla ba utlwa ba sa ntse ba bua.
65:24
Jes. 30:19
58:9
25Phiri le kwana di tla fula mmogo. Tau e tla ja bojang jaaka kgomo. Mme dijo tsa noga e tla nna lorole. Ga di nke di utlwisa botlhoko le e seng go senya mo thabeng yotlhe ya me e e boitshepo. Morena o buile jalo.”
65:25
Jes. 11:6-9