Setswana 1970/1987 (TSW70)
3

31Bonang, ke lorato lo lo ntseng jang ne, lo Modimo Rara o re ratileng ka lone gore re bidiwe bana ba Modimo! Mme tota re bone. Ke ka moo lefatshe le sa re itseng, ka gonne ga le a ka la itse ene.

3:1
Joh. 1:12,13
16:3
2Baratwi, jaanong re bana ba Modimo mme ga go ise go bonatsege gore re tla nna jang. Mme re itse gore fa a sena go bonatsega, re tla tshwana nae; gonne re tla mmona jaaka a ntse.
3:2
Baroma 8:17
Bakol. 3:4
3Mongwe le mongwe yo o nang le tsholofelo eo mo go ene o a iitshekisa jaaka ene a itshekile.

4Mongwe le mongwe yo o dirang boleo o a siamolola; boleo ke jona tshiamololo. 5Mme lo itse gore ene o bonetse gore a tlose boleo, mme mo go ene ga go na boleo.

3:5
Jes. 53:4,5,9
1 Pet. 2:24
6Mongwe le mongwe yo o ntseng mo go ene ga a leofe; mongwe le mongwe yo o leofang ga a ise a mmone, le fa e le go mo itse.
3:6
Baroma 6:14

7Banaka, se timediweng ke ope; yo o dirang tshiamo ke mosiami, jaaka ene e le mosiami.

3:7
1 Joh. 2:29
8Yo o dirang boleo ke wa ga Diabolo; gonne Diabolo o ntse a leofa go tswa tshimologong. Se Morwa Modimo o se bonatsegetseng ke go senya ditiro tsa ga Diabolo.
3:8
Joh. 8:44

9Mongwe le mongwe yo o tsetsweng ke Modimo ga a dire boleo, ka gonne peo ya ona e ntse mo go ene, mme o palelwa ke go leofa, ka a tsetswe ke Modimo.

3:9
1 Joh. 3:6
5:18
10Ke sona se go bonalang ka sona ba e leng bana ba Modimo le ba e leng bana ba ga Diabolo; mongwe le mongwe yo o sa direng tshiamo ga se wa Modimo, le ene yo o sa rateng modumedi-ka-ene o ntse jalo.

11Gonne molaetsa o lo sa leng lo o utlwa go tloga tshimologong ke wa gore re ratane;

3:11
Joh. 13:34
12e seng jaaka Kaine yo e neng e le wa yo-o-bosula, a bolaya monnawe. Mme o mmolaetseng? E ne e le ka ditiro tsa gagwe di le bosula, mme tsa ga monnawe di siame.
3:12
Gen. 4:8

13Ba ga etsho, se gakgamaleng, fa lefatshe le lo tlhoa.

3:13
Math. 5:11
Joh. 15:18,19
14Re itse gore re dule mo losong, ra tsena mo bophelong, ka re rata badumedi-ka-rona. Yo o sa rateng modumedi-ka-ene o setse mo losong.
3:14
Joh. 5:24
1 Joh. 2:11
15Mongwe le mongwe yo o tlhoileng morwa-rraagwe ke mmolai, mme lo itse gore ga go mmolai ope yo botshelo jo bo sa khutleng bo ntseng mo go ene.
3:15
Math. 5:21,22
16Se re itsileng lorato ka sona ke fa ene a re beetse bophelo jwa gagwe; le rona re tshwanetse go beela bomorwa-rraarona maphelo a rona.
3:16
Joh. 15:13
17Mme le fa e le mang yo o nang le tsa botshelo jwa lefatshe, mme a fitlhela morwa-rraagwe a tlhoka, a ba a mo hutela pelo, lorato lwa Modimo lo ka nna jang mo go ene?
3:17
Doit. 15:7
1 Joh. 4:20
18Banaka, a re se rateng ka lefoko, le fa e le ka loleme, mme a e nne ka tiro le ka boammaaruri.
3:18
Jak. 1:22
2:15,16

19Se re tla itseng ka sona gore re ba boammaaruri, e bile re ka gomotsa dipelo tsa rona fa pele ga ona ka sona, 20ke fa e re dipelo tsa rona di re atlhola, re re: Modimo o mogolo go feta dipelo tsa rona, o bile o itse tsotlhe. 21Baratwi, fa dipelo tsa rona di sa re atlhole, re a be re na le nametsego mo Modimong.

3:21
Baroma 5:1,2
Baheb. 4:16
22Mme le fa e le eng se re se kopang, re se amogela mo go ona, ka re tshegetsa ditaolo tsa ona, re dira tse di natefang fa pele ga ona.
3:22
Mar. 11:24
23Taolo ya one ke ya gore re dumele mo leineng la ga Morwaa-ona, Jesu Keresete, re be re ratane ka fa taolong e o e re neetseng.
3:23
Joh. 6:29
15:17
24Mme yo o dirisang ditaolo tsa ona o nna mo go ona, le ona o nna mo go ene; mme se re itseng ka sona gore o nna mo go rona, ke ka Mowa o re o neilweng ke ona.
3:24
1 Joh. 4:13
Baroma 8:9