Setswana 1970/1987 (TSW70)
9

Kgololesego le ditshwanelo tsa moapostolo

91A ga ke mogololesegi? A ga ke moapostolo? A ga ke a bona Jesu, Morena wa rona? Lona a ga lo tiro ya me mo Moreneng?

9:1
1 Bakor. 15:8
Dit. 26:16
22:17
2Le fa ke se moapostolo mo go ba bangwe, mo go lona ke ene; gonne lona lo sesupo sa boapostolo jwa me mo Moreneng.
9:2
2 Bakor. 3:2,3

3Ke jona boikarabelo jwa me mo go bone ba ba mpotsang. 4A ga re na tshiamelo ya go ja le go nwa?

9:4
Luka 10:8
5A ga re na tshiamelo ya go tsamaya le basadi ba e leng badumedi, e le bomogatsaarona, jaaka baapostolo ba bangwe le bomonnaa Morena le Kefa?
9:5
Joh. 1:42
Math. 8:14
6A kampo ke nna le Baranaba fela, ba re sa siamelwang ke go lesa tiro ya diatla? 7Ke mang yo o ka yang ntweng, mme a itlamele ka esi? Ke mang yo o tlhomang moweine mo tshimong, mme a sa je leungo la ona? Gape, ke mang yo o disitseng letsomane, mme a sa je mašwi a letsomane?

8A ke bua jalo ka fa mokgweng wa batho fela? A molao le ona ga o bue jalo? 9Gonne mo molaong wa ga Moše go kwadilwe ga twe: “Kgomo e e phothang o se ka wa e bofa molomo.” A ke go re, Modimo o tlamela dikgomo fela?

9:9
Doit. 25:4
1 Tim. 5:18
10A kampo ga o bue jalo gagolo ka ntlha ya rona? Kana go kwadilwe ka ntlha ya rona ga twe: “Molemi o tshwanetse go lema ka tsholofelo, le yo o phothang a phothe ka tsholofelo ya go bona kabelo.” 11Fa jaanong re lo jwaletse tsa mowa, a go a rona, fa re roba tsa mmele mo go lona?
9:11
Baroma 15:27
12Fa ba bangwe ba na le tshwanelo ya gore lo ba abele di-tsa-lona, a rona ga re na nayo bogolo?
9:12
Dit. 20:34,35
2 Bakor. 11:9

Le fa go ntse jalo, ga re a ka ra dirisa thata eo, mme re itshokela tsotlhe gore re se kgoreletse Efangele ya ga Keresete. 13A ga lo itse gore bone ba ba direlang kwa Tempeleng, e bile ba ja tsa Tempele; le ba ba direlang fa aletareng ba na le kabelo mo go tsa aletare?

9:13
Num. 18:8,31
Doit. 18:1-3
14Le Morena o laetse jalo gore ba ba rerang Efangele ba tshele ka Efangele.
9:14
Luka 10:7

15Mme nna ga ke a ka ka ithusa ka sepe sa dilo tseo. E bile dilo tseo ga ke a ka ka di kwala gore ke direlwe jalo. Gonne go swa go molemo mo go nna bogolo go go ka senyediwa ke mongwe poko ya me.

9:15
Dit. 18:3
16Gonne fa ke rera Efangele, ga se se nka se ipokelang; gonne ke patelesegile go dira jalo; mme go ka latlhega nna, fa ke sa rere Efangele!
9:16
Jer. 20:9
17Kana fa ke dira jalo ka boitumelo, ke tla bona tuelo; mme fa e ka nna ka pateletso, kana tiro ya go rera Efangele ke e neetswe.
9:17
1 Bakor. 4:1
18Jaanong tuelo ya me ke efe? Ke ya gore, fa ke rera Efangele ya ga Keresete, ke e rere go se na tuelo, gore ke se dirise tshiamelo ya me mo Efangeleng.
9:18
1 Bakor. 8:9

19Gonne le fa ke ne ke gololesegile mo go botlhe, ke ne ka itira motlhanka wa botlhe gore ke tle ke kgone ba le bantsi.

9:19
Math. 20:26,27
20Ke ne ka nna jaaka Mojuta mo Bajuteng gore ke kgone Bajuta; ke ne ka nna jaaka yo o mo taolong ya molao mo go ba ba mo molaong, le fa ke ne ke se fa tlase ga molao ka nosi, gore ke kgone ba ba fa tlase ga molao.
9:20
Dit. 16:3
21:20-26
21Ke ne ka nna jaaka yo o kwa ntle ga molao mo go ba ba kwa ntle ga molao gore ke tle ke kgone ba ba kwa ntle ga molao, le fa ke ne ke se kwa ntle ga molao wa Modimo, mme ke le mo molaong wa ga Keresete.
9:21
Bagal. 2:3
22Ke ne ka nna jaaka yo o bokoa mo go ba ba bokoa gore ke kgone ba ba bokoa. Ke ne ka nna tsotlhe mo go botlhe gore ka mekgwa yotlhe ke pholose bangwe.
9:22
2 Bakor. 11:29
Baroma 11:14

23Mme tsotlhe tseo ke di dira ka ntlha ya Efangele gore le nna ke nne le kabelo mo go yona.

Tshiano ya bokeresete

24A ga lo itse gore ba ba sianang mo lebaleng la tshamekelo ba taboga botlhe, mme yo o bonang sekgele ke a le mongwe fela? Sianang he gore lo se amogele!

9:24
2 Tim. 4:7
25Mme mongwe le mongwe wa kgaisanyo o ikilela mo dilong tsotlhe. Bao ba dira jalo gore ba bone serwalo se se senyegang, mme rona e le go bona se se sa senyegeng.
9:25
2 Tim. 2:4,5
1 Pet. 5:4
26Ka moo he, ke siana jaaka yo o sa akabaleng; ke lwa jaaka yo o sa iteyeng loapi. 27Mme ke katisa mmele wa me, ke a o laola, e se re gongwe nna ka latlhega, ke sena go rerela ba bangwe.
9:27
Baroma 8:13
13:14