Xitsonga 1989 (TSO89)
6

Xivono xa makalichi ya mune

61Ndzi tlhela ndzi tlakusa mahlo, kutani ndzi vona makalichi ya mune ma huma hi le xikarhi ka tintshava timbirhi; tintshava ta kona a ti ri ta koporo. 2

6:2
Nhlav. 6:4,5
Kalichi leyo sungula a yi kokiwa hi tihanci to tshwuka, leya vumbirhi hi tihanci ta ntima, 3
6:3
Nhlav. 6:2
leya vunharhu hi tihanci to basa, kutani leya vumune a yi kokiwa hi tihanci ta mavalavala.Van'wana va ri: hi tihanci ta mavalavala, to tiya 4Kutani ndzi vutisa ntsumi leyi a yi vula-vula na mina ndzi ku: “We N'wini wanga, xana swilo leswi swi vula yini xana?” 5
6:5
Nhlav. 7:1
Kutani ntsumi yi ndzi hlamula yi ku: “Leswi i mimoya ya mune ya le tilweni; a yi tile emahlweni ka N'wini wa misava hinkwayo, kutani sweswi ya hangalaka. 6Kalichi leyi nga ni tihanci ta ntima yi kongoma etikweni ra le n'walungwini; leyi nga ni tihanci to basa, yi landza leyo sungula hi le ndzhaku;Van'wana va ri: yi ya kule evupeladyambu leyi nga ni tihanci ta mavalavala yona yi kongoma edzongeni.” 7Tihanci leti to tiya a ti navela ku huma ti ya famba-famba ti valanga misava. HOSI Xikwembu xi ku ka tona: “Fambani mi ya valanga misava!” Kutani swi va tano. 8Hiloko Xikwembu xi ndzi huwelela xi ku: “Tihanci leti kongomeke etikweni ra le n'walungwini, ti fikisile moya wa mina wa ku rhula kwale n'walungwini.”Kumbe: ti rheletile vukari bya mina le n'walungwini

Muprista Yoxuwa ú fanele ku tlhandlekiwa harhi

9HOSI Xikwembu xi ndzi lerisa xi ku: 10“Amukela mihlengo ya lava nga vukhumbini, leyi tisiweke hi Helidayi, na Tobiya, na Yedaya; vanhu lava va ha ku fika va huma eBabilona; yana eka vona namuntlha, u ta va kuma emutini wa Yosiya n'wana Sofoniya. 11Kutani u amukela eka vona silivhere ni nsuku, u endla harhi ha swona, u yi tlhandleka enhlokweni ya Yoxuwa muprista lonkulu, n'wana Yosadaki. 12

6:12
Yer. 23:5
33:15
Zak. 3:8
Kutani n'wi byele leswaku mina HOSI ya matimba hinkwawo ndzi ri:

“Ku ni munhu loyi va nge i Hluke,

ú ta kula kwala a nga kona,

kutani ú ta aka Tempele ya mina.

13Hakunene Tempele ya mina yi ta akiwa hi yena,

hi yena la nga ta nyikiwa vuhosi,

ú ta fuma a tshamile exiluvelweni xa yena.

Kusuhi ni xiluvelo lexi, ku ta va ni muprista,Van'wana va ri: Evokweni ra yena ra xinene, ku ta va ni muprista

kutani lavambirhi va ta twanana va hanyisana hi ku rhula.”

14Kutani harhi ya vuhosi yi ta vekiwa eTempeleni ya HOSI Xikwembu, yi tsundzuxa vanhu mintirho ya Helidayi, na Tobiya, na Yedaya, na Yosiya n'wana Sofoniya.Van'wana va ri: ni tintswalo ta n'wana Sofoniya 15Hambi va ri lava nga kule, va ta ta va ta pfuna ku aka Tempele ya HOSI Xikwembu; kutani mi ta tiva leswaku HOSI ya matimba hinkwawo, hi yona yi ndzi rhumeke eka n'wina. Swilo leswi swi ta humelela loko mi tikarhatela ku yingisa rito ra HOSI Xikwembu xa n'wina.