Xitsonga 1989 (TSO89)
12

Vutomi lebyintshwa eka Kriste

121Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.Kumbe: hi wona magandzelele ya n'wina ya moya 2Mi nga landzi hanyelo ra nguva leyi, kambe mi pfumela ku hundzuka mi va vantshwa emiehleketweni ya n'wina, mi ta kota ku twisisa leswi ku rhandza lokunene ka Xikwembu, loku nkhensekaka ni ku hetiseka, ku nga swona.Kumbe: mi ta kota ku twisisa leswaku ku rhandza ka Xikwembu hi loku yini, mi twisisa leswi nga swinene, ni leswi xi swi tsakelaka, ni leswi hetisekeke

3Hikuva, hikwalaho ka tintswalo leti ndzi nga nyikiwa tona, ndzi byela un'wana ni un'wana wa n'wina, ndzi ku: Mi nga tshuki mi ehleketa leswaku mi tlula van'wana hi vukulu; kambe mi fanele ku titsongahata, mi ya hi mpimo wa ku pfumela lowu Xikwembu xi aveleke un'wana ni un'wana wa n'wina. 4

12:4-5
I Kor. 12:12
Hikuva kukota leswi hi nga ni swirho leswo tala emirini wun'we, kambe swona swi nga riki na ntirho wun'we, 5hi mukhuva wolowo, na hina, hambi hi tele, hi miri wun'we eka Kriste, kutani un'wana ni un'wana wa hina i xirho eka un'wana.

6

12:6-8
I Kor. 12:4-11
Hikokwalaho, leswi hi nga ni tinyiko leti hambaneke, hi ku ya hi leswi Xikwembu xi hi nyikeke swona, a hi ti tirhiseni; loko hi ri ni nyiko ya ku profeta, a hi yi tirhiseni hi mpimo wa ku pfumela ka hina; 7loko hi ri ni nyiko ya ku tirhela van'wana, a hi va tirheleni. Loyi a nga ni nyiko ya ku dyondzisa, a a dyondzise; 8loyi a nga ni nyiko ya ku khongotela, a a khongotele; loyi a hananaka, a a hanane hi mbilu leyo basa; loyi a fambisaka van'wana, a a va fambise hi ku chivirika; loyi a twelaka van'wana vusiwana, a a swi endle hi ku tsaka.

Mahanyelo ya Xikriste

9Rirhandzu ri nga tshuki ri va ni ku kanganyisa. Vengani leswo biha, mi namarhela leswinene. 10Tolovelanani, mi rhandzana tanihi vamakwavo, mi tlula van'wana hi ku kombana xichavo. 11Ku chivirika ka n'wina ku nga vohli, kambe mi va ni ku hiseka emoyeni, mi tirhela Hosi. 12Tsakani eku languteleni, mi tiyisela emaxangwini, mi chivirika eku khongeleni. 13Pambulelani vahlawuriwa va Xikwembu loko va pfumala, mi gingirika eku amukeleni ka vaendzi.

14

12:14
Mt. 5:44
Lk. 6:28
Katekisani lava va mi xanisaka; katekisani, mi nga rhuketeli. 15Tsakani ni lava tsakaka, mi rila ni lava rilaka. 16
12:16
Swiv. 3:7
Hanyisanani hi moya wun'we; mi nga tshuki mi navela leswi tlakukeke, kambe mi tolovelana ni lava titsongahataka; mi nga tivoni vutlhari.

17Mi nga rihiseli swo biha hi leswo biha, ni ka munhu ni un'we. Ringetani ku endla leswi vanhu hinkwavo va swi vonaka swi ri leswo saseka. 18Endlani hinkwaswo leswi mi swi kotaka, hi tlhelo ra n'wina, ku hanyisana ni vanhu hinkwavo hi ku rhula.

19

12:19
Dut. 32:35
Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwile va ku: “Ku rihisa i ka mina; hi mina loyi ndzi nga ta rihisela, ku vula Hosi.” 20
12:20
Swiv. 25:21-22
Hikokwalaho: “Loko nala wa wena a ri ni ndlala, n'wi phamele; loko a ri ni torha, n'wi siyele a nwa; hikuva loko u endlisa sweswo, u ta n'wi khomisa tingana letikulu.”Kumbe: u ta hlengeleta mpfundze enhlokweni ya yena 21U nga tshuki u hluriwa hi leswo biha, kambe hlula leswo biha hi leswinene.