Xitsonga 1989 (TSO89)
81

Vaisraele va khongoteriwa hi Xikwembu ku yingisa

Risimu ra Muyimbelerisi, leri hlaveleriwaka hi mukhuva wa le Gati. Pisalema ya Asafa.

811Yimbelelani mi dzunisa Xikwembu lexi xi hi nyikaka matimba,

banani minkulungwana mi tlangela Xikwembu xa va ka Yakobo.

2Sumani risimu mi ba swigubu,

chayani swipendana ni tiharipa.

3

81:3
Tinhl. 10:10
Banani mhalamhala loko n'weti wu tshama,

ni loko wu ba mahlampfu esikwini ra nkhuvo wa hina.

4Lexi i xiletelo eka Vaisraele,

wu nga nawu lowu wu humaka eka Xikwembu xa va ka Yakobo.

5Xikwembu xi wu nyikile va ka Yosefa,

siku xi humeke ku ya lwa ni tiko ra Egipta.Van'wana va ri: siku va humeke etikweni ra Egipta

Ndzi twa rito leri ndzi nga ri tiviki leri nge:

6“Ndzi mi rhurile ndzhwalo emakatleni,

mavoko ya n'wina a ma ha tikeriwi hi nchumu.

7

81:7
Eks. 17:7
Tinhl. 20:13
Mi huwelerile eka mina mi ri emaxangwini, kutani ndzi mi lamulerile;

ndzi mi hlamurile ndzi ri emapapeni lama dzindzaka,

ndzi mi kamberile eswihlobyeni swa Meriba.

8N'we vanhu va mina, yingisani loko ndzi mi khongotela,

a ndzi ta tsaka ngopfu loko mi ndzi twa, n'wina Vaisraele!

9

81:9
Eks. 20:2-3
Dut. 5:6-7
Mi nga tshuki mi tirhela swikwembu swin'wana,

mi nga nkhinsameli swikwembu swa vanhu vambe.

10Hi mina HOSI Xikwembu xa n'wina

lexi xi mi humeseke etikweni ra Egipta:

kangatelani mavoko ya n'wina, ndzi ta mi phamela.

11“Kambe Vaisraele vanhu va mina a va ndzi yingisanga,

a va vanga na mhaka na mina.

12Hikokwalaho ndzi va tshikile va tiendlela hi ku rhandza,

va endla leswi tinhloko ta vona ti va byelaka swona.

13A ndzi ta tsaka ngopfu loko Vaisraele vanhu va mina va ndzi yingisa,

va famba etindleleni ta mina.

14A ndzi ta hatla ndzi tlakusa voko ra mina,

ndzi ba valala va vona ndzi va wisela hansi.

15Lava va ndzi vengaka mina HOSI, a va ta nkhinsama emahlweni ka n'wina Vaisraele,Kumbe: a va ta nkinsama emahlweni ka mina

va endlisa sweswo minkarhi hinkwayo.

16Kambe n'wina a ndzi ta mi phamela vuswa bya xibasa,Kumbe: vuswa bya xikhedzela

ni vulombe byo huma ebakweni ra maribye, mi dya byona mi xurha.”