Xitsonga 1989 (TSO89)
71

Xikhongelo xa munhu loyi a dyuhaleke

711We HOSI, ndzi ta ka wena leswaku u ta ndzi lwela,

u nga pfumeli leswaku ndzi khomiwa hi tingana.

2We Xikwembu xo tshembeka, ndzi ntshunxe u ndzi sirhelela;

ndzi yingise u ndzi ponisa,

3u va ribye ro tiya leri ndzi tumbelaka eka rona,

leri u ri lulamiseke leswaku ndzi hlayiseka eka rona.Van'wana va ri: u va khokholo leri ndzi hlayisekaka eka rona

Hakunene, hi wena ribye ra mina ni khokholo ranga.

4We Xikwembu xanga, ndzi kutsule emavokweni ya lavo homboloka,

ndzi biyelele eka vanhu lavo biha va tihanyi.

5Ndzi tshemba wena, we N'wini wanga,

ndzi ku tshembile ku sukela evuhlangini bya mina we HOSI.

6Ku sukela siku leri ndzi nga velekiwa ha rona, ndzi tiseketela hi wena,

hi wena u ndzi humeseke ekhwirini ra manana.Van'wana va ri: u ndzi sirhelerile ndzi nga si velekiwa

Ndzi nga ka ndzi nga tshiki ku ku dzunisa.

7Vanhu lavo tala va ndzi hlamala,

hikuva hi wena khokholo ra mina.Kumbe: Lavo tala a va vula leswaku u ndzi cukumetile, kasi hi wena khokholo ra mina

8Masiku hinkwawo ndzi yimbelela tinsimu,

ndzi tlangela ku dzuneka ka wena.

9Ndzi dyuhele, kambe u nga ndzi cukumeti!

Hambileswi ndzi heleriweke hi matimba, u nga ndzi tshiki,

10hikuva valala va mina va ndzi tshama xikungu,

va lava ku ndzi dlaya, va byeletelana

11va ku: “Xikwembu xi n'wi fularhele,

a hi n'wi hlongoriseni hi n'wi khoma,

hikuva ku hava loyi a nga n'wi lamulelaka.”

12We Xikwembu, hatlisa u ta ndzi pfuna,

u nga yimi kule na mina, wena Xikwembu xanga!

13Lava va ndzi lumbetaka, a va khomiwe hi tingana va herisiwa,

lava ringetaka ku ndzi vavisa, a va tivangele ku soriwa ni mindzhukano.

14Kambe mina a ndzi nga tshiki ku ku tshemba,

ndza ha ta ya emahlweni ndzi ku dzunisa.

15Siku rin'wana ni rin'wana, ndzi ta vula leswaku u Xikwembu xo tshembeka, ni leswaku u ponisa vanhu.

Hakunene mintirho ya wena i ntsandza-vahlayi.

16Ndzi ta ta eka wena ndzi ta vula mintirho ya wena ya matimba,Kumbe: Ndzi ta sungula ku rungula mintirho ya wena ya matimba we HOSI N'wini wa hinkwaswo,

ndzi ta byela vanhu leswaku hi wena ntsena la lulameke.

17We Xikwembu, u ndzi dyondzisile ku sukela evuntshweni bya mina,

hikokwalaho ni sweswi ndza ha twarisa mintirho ya wena leyo hlamarisa.

18Hambileswi ndzi baseke nhloko,

u nga ndzi tshiki we Xikwembu,

ndzi ta kota ku twarisa matimba ya wena lamakulu

eka vanhu va nkarhi lowu ni ka lava va ha taka.

19We Xikwembu, ku lulama ka wena

i kukulu kukota matilo.

U tirhile leswikulu ngopfu,

ku hava loyi a ringanaka na wena we Xikwembu.

20Wena u ndzi hundziseke emaxangwini ne makhombyeni layo tala,

u ta tlhela u ndzi hanyisa,Van'wana va ri: Wena u hi hundziseke ... u ta tlhela u hi hanyisa

u ta tlhela u ndzi humesa

ematimbeni ya rifu.

21U ta engeta u ndzi nyika ndzhuti,

u tlhela u ndzi tiyisa.

22Loko ndzi ri mina, ndzi ta ku twarisa hi haripa,

ndzi vula ku tshembeka ka wena Xikwembu xanga;

ndzi ta ku dzunisa hi xitende,

wena Muhlawuleki wa Israele.

23Loko ndzi ri karhi ndzi ku tlangela,

ndzi ta ba nkulungwana

hi mhaka ya leswi u ndzi kutsuleke.

24Masiku hinkwawo ndzi ta vula

hilaha u ndzi lweleke hakona,

hikuva lava a va ringeta ku ndzi vavisa,

va khomiwe hi tingana va tsongahatiwa.