Xitsonga 1989 (TSO89)
60

Xikhongelo xa munhu loyi a nga maxangwini

(Ps. 108:6-13)

Risimu ra Muyimbelerisi ra xitsundzuxo, leri hlaveleriwaka hi switende.leri hlaveleriwaka hi switende, kumbe: hi mayimbelelele ya risimu leri nge “Ra makhon'wa” Xitlhokovetselo xa Davhida xo letela ha xona, xa nkarhi lowu a nga lwa ni Vasiriya va le Mesopotamiya ni va le Soba. Loko va vuya, Yowabu ú hlaserile vanhu va le Edomu va 12 000, eka Nkova wa Munyu.

601

60:1 (Xihev.)
II Sam. 8:13
I Tikr. 18:12
We Xikwembu, u hi cukumetile, u hi hangalasile,

hikuva a wu hlundzukile,

kambe sweswi, tlhela u hi pfuxa.

2U tsekatsekisile misava yi kondza yi handzuka,

kutani sweswi pfala timfa ta yona, hikuva a ya ha tiyanga.

3Vanhu va wena u va kombile maxangu.

U hi sindzisile ku nwa vhinyo leyo bava leyi yi hi dedelekisaka.

4We HOSI, hlengeleta vanhu lava va ku chavaka ehansi ka mujeko wa wena,

leswaku va ta pona miseve ya valala.

5Hi ponise hi matimba ya wena u hi hlamula,

kutani hina varhandziwa va wena hi ta hlayiseka.

6Xikwembu xi vulavula xi ri eTempeleni ya xona, xi ku:

“Ndzi muhluri, kutani ndzi ta pandzelela muti wa Xikeme,

ndzi avela vanhu rivala ra Sukoti.

7Va le Giliyadi i va mina, hambi va ri va ka Manase i va mina.

Xihuku xa mina hi vona va ka Efrayimi,

va ka Yuda vona i nhonga ya mina ya vuhosi.

8Tiko ra Mowabu i xibya ntsena lexi ndzi xi tirhisaka;

va le Edomu va fumiwa hi mina;

ndzi hlurile Vafilista, kutani ndzi le ku giyeni.”

9Xana i mani la nga ta ndzi yisa le Edomu,

a ndzi nghenisa ekhokholweni ra kona,

10loko ku nga ri wena Xikwembu! Kasi u hi tshikile,

mavuthu ya hina a wa ha fambi na wona enyimpini!

11Hi pfune u hi lamulela eka valala,

hikuva vanhu va misava leyi va nge hi ponisi.

12Xikwembu xi ta yima na hina, kutani hi ta hlula,

hi xona xi nga ta kandziyela valala va hina.