Xitsonga 1989 (TSO89)
47

Xikwembu xi fuma misava hinkwayo

Risimu ra Muyimbelerisi. Pisalema ya va ka Kore.

471N'wina hinkwenu vamatiko, phokotelani!

Banani nkulungwana mi twarisa Xikwembu,

2hikuva HOSI Xikwembu xa le henhla-henhla xa chaviseka;

xona i mufumi lonkulu ematikweni hinkwawo.

3Xi sindzisa vamatiko ku va hansi ka hina,

xi va tsongahata leswaku hi va fuma.

4Tiko leri nga ndzhaka ya hina,

leri hi tidzunisaka ha rona,

hi xona xi nga hi hlawulela rona,

hikuva xa hi rhandza hina va ka Yakobo.

5HOSI Xikwembu xi tlhandlukele eSiyoni,

vanhu va ri karhi va ba huwa ya ntsako, va chaya ni tinanga.

6Dzunisani Xikwembu hi tinsimu,Van'wana va ri: N'wina swivumbiwa swa le tilweni, yimbelelani!

yimbelelani mi twarisa mufumi wa n'wina,

7hikuva hi yena la fumaka misava hinkwayo;

hikokwalaho, n'wi dzuniseni hi tipisalema!

8Xikwembu xi fuma vamatiko,

xi tshamile exiluvelweni xa xona lexo hlawuleka.

9Tindhuna ta vamatiko ti ta endhawini yin'we,

kutani ti hundzuka vanhu va Xikwembu xa Abrahama,Van'wana va ri: Tindhuna ta vamatiko ti hlengeletana ni vanhu va Xikwembu xa Abrahama

hikuva vafumi va laha misaveni va le hansi ka xona.

Xikwembu i xikulu ku tlula swilo hinkwaswo.