Xitsonga 1989 (TSO89)
41

Xikhongelo xa loyi a kombelaka ku hanyisiwa

Risimu ra Muyimbelerisi. Pisalema ya Davhida.

411Ku katekile munhu loyi a anakanyaka swisiwana;

siku a welaka ekhombyeni, HOSI Xikwembu xa n'wi lamulela,

2xi n'wi hlayisa ni ku n'wi nyika vutomi,

xi n'wi katekisa emisaveni,Van'wana va ri: a vuriwa la katekeke etikweni

a xi n'wi tshiki a wela emavokweni ya valala va yena.Van'wana va ri: We HOSI, u nga n'wi nyiketi emavokweni ya valala

3HOSI Xikwembu xa n'wi tiyisa loko a vabya,

loko a ri esangwini ra vuvabyi, xa n'wi ongola.

4Mina ndzi te: “We HOSI, ndzi twele vusiwana, u ndzi horisa,

hambileswi ndzi ku dyoheleke.”

5Valala va mina va luka mano va ku:

“Xana ú ta fa rini munhu loyi, hi ta ka hi nga ha vulavuli hi yena!”

6Loko un'wana a ta ku ta ndzi pfuxela,

wo tela ku ta ndzi koya ntsena,

a ri karhi a xopa-xopaKumbe: a xiyaxiya

leswi a nga ta ndzi onha vito ha swona loko a humile.

7Hinkwavo lava va ndzi vengaka, va hlengeletana va ndzi hleva,

va ndzi navelela swo biha,

8va ku: “Khote, hambi kona!

Leswi a etleleke, onge ú ta pfuka!”

9

41:9
Mt. 26:23
Mk. 14:20
Lk. 22:21
Yoh. 13:18
Hambi a ri munghana wa mina loyi a ndzi n'wi tshemba, loyi a ndzi dya na yena,

sweswi ú lwa na mina.

10Kambe we HOSI, ndzi twele vusiwana, u ndzi pfuxa,

leswaku ndzi ya tirihisela eka vona.

11Loko valala va mina va tshika ku khana,

ndzi ta tiva leswaku wa ha ndzi tsakela.

12U ta ndzi seketela, hikuva a ndzi na nandzu,

kutani u ta ndzi hlayisa kusuhi na wena hilaha ku nga heriki.

13

41:13
Ps. 106:48
A ku nkhensiwe HOSI Xikwembu xa Israele,

sweswi ni hilaha ku nga heriki. Amen! Amen!