Xitsonga 1989 (TSO89)
29

Matimba ya Xikwembu ma tikomba hi xidzedze

Pisalema ya Davhida.

291

29:1-2
Ps. 96:7-9
N'wina swivumbiwa swa le tilweni, dzunisani HOSI Xikwembu,

mi twarisa matimba ya xona;

2dzunisani ku kwetsima ka vito ra xona,

mi xi nkhinsamela mi ambarile swiambalo leswo hlawuleka.Van'wana va ri: hikuva ku hlawuleka ka xona ka hlamarisa

3Rito ra HOSI ri twakala ehenhla ka malwandle,

Xikwembu xo dzuneka xi dzindzisa tilo.

HOSI yi fuma swidziva leswikulu.

4Rito ra HOSI ri ni matimba swinene,

ri komba vuhosi bya yona lebyi chavisaka.

5Rito ra HOSI ri wisa mirhi ya mikedari,

ri tshovelela misinya ya le Lebanoni,

6ri tlula-tlurisa mirhi ya kona kukota marhole,

ri tsekatsekisa tintshava ta Lebanoni na Siriyoni,Siriyoni, kumbe: Hermoni

ti tlalamba ku fana ni n'wana wa nyarhi.

7Rito ra HOSI ri humesa malangavi ya ndzilo,

8ri tsekatsekisa na wona mananga,

HOSI yi tsekatsekisa mananga ya le Kadexe.

9Rito ra HOSI ri endla leswaku timhunti ti hatla ti tswala,

swimhuntana swi tswariwa nkarhi wu nga si fika.Van'wana va ri: mirhi yi kwamuriwa ha rona

ETempeleni ya HOSI, hinkwavo

va huwelela va ku: “Wa kwetsima, we HOSI!”

10HOSI Xikwembu xi fuma swidziva swa mati,Kumbe: Enkarhini wa ndhambi ya mati, HOSI Xikwembu a xi ri karhi xi fuma

vuhosi bya xona byi nga ka byi nga heli.

11A xi tiyise vanhu va xona,

xi va nyika minkateko ni ku rhula.