Xitsonga 1989 (TSO89)
24

Mufumi la dzunekaka ú nghena emutini

Pisalema ya Davhida.

241

24:1
I Kor. 10:26
Misava ni hinkwaswo leswi nga ka yona i swa HOSI Xikwembu;

matiko ni hinkwavo lava akeke eka wona i swa xona.

2Xi andlarile misava ehenhla ka mati ya le hansi,

xi yi tiyisile ehenhla ka swidziva.

3Xana i vamani lava nga ta tlhandlukela entshaveni ya HOSI Xikwembu xana?

Lava nga ta yima endhawini ya xona leyo hlawuleka i vamani xana?

4

24:4
Mt. 5:8
Hi lava nga ni timbilu to basa ni mavoko lama tengeke,

lava nga naveliki swilo swa hava,Van'wana va ri: lava nga tirhisiki vito ra Xikwembu ku onha swa van'wana

lava nga hlambanyiki hi ku xisa.

5Vanhu vo tano, HOSI Xikwembu xi ta va katekisa,

xi ta va lwela, xona xi nga muponisi wa vona.

6Vanhu volavo va navela HOSI,

va tsakela vukona bya xona Xikwembu xa va ka Yakobo.Van'wana va ri: lava tsakelaka vukona bya wena, we Yakobo

7N'wina tinyangwa, tlakukani swinene,

pfulekani, n'wina timbanti ta khale,

leswaku mufumi wo dzuneka a ta kota ku nghena.

8Mufumi wo dzuneka i mani xana?

I HOSI, Xikwembu xa matimba lamakulu,

xona xi nga nhenha etinyimpini.

9N'wina tinyangwa, tlakukani swinene,

pfulekani, n'wina timbanti ta khale,

leswaku mufumi wo dzuneka a ta kota ku nghena.

10Mufumi wo dzuneka i mani xana?

I HOSI, Xikwembu xa matimba hinkwawo!

Hi xona xi nga mufumi wo dzuneka!