Xitsonga 1989 (TSO89)
22

Xikwembu xanga, Xikwembu xanga, u ndzi tshikele yini!

Risimu ra Muyimbelerisi, hi mayimbelele ya risimu leri nge “Mhunti ya vurhonga”. Pisalema ya Davhida.

221

22:1
Mt. 27:46
Mk. 15:34
Xikwembu xanga, Xikwembu xanga, u ndzi tshikele yini!

Ndzi le ku konyeni, ndzi kombela ku pfuniwa;

u yimela yini kule na mina xana?

2Xikwembu xanga, ndzi huwelela ka wena ninhlekanhi, kambe a wu hlamuri;

ndzi huwelela nivusiku, kambe a ndzi kumi ku wisa.Kumbe: ni loko byi ri vusiku, a ndzi miyeli

3Hambiswiritano, wena u Muhlawuleki

loyi Vaisraele va dzunisaka vuhosi bya yena.

4Vatata wa hina a va ku tshemba;

u va kutsurile, hikuva a va tshemba wena ntsena.

5Va huwelerile eka wena, kutani u va kutsula;

a va khomiwanga hi tingana, hikuva a va tshemba wena.

6Kambe mina a ndzi munhu wa nchumu, ndzo va xivungu;

vanhu va ndzi monya, va ndzi langutela hansi.

7

22:7
Mt. 27:39
Mk. 15:29
Lk. 23:35
Hinkwavo lava va ndzi vonaka, va ndzi hlekula,

va minyula, va hlakahla ni tinhloko, va ku:

8

22:8
Mt. 27:43
“Wena u ri u titshembele HOSI Xikwembu!

Loko hakunene xi ku tsakela, a xi ku ponise, xi ku kutsula.”

9Hi wena u ndzi humeseke ekhwirini ra manana,

u ndzi hlayisa exifuveni xa yena.

10Ku sukela siku leri ndzi nga velekiwa ha rona, ndzi nyiketiwile eka wena;

u vile Xikwembu xanga ku sukela evuhlangini bya mina.

11Khombo ri le kusuhi, hikokwalaho u nga vi kule na mina,

hikuva ku hava un'wana loyi a nga ndzi pfunaka.

12Valala lava va ndzi rhendzeleke, va tele,

va kota tinkuzi letikulu to chavisa ta le Baxani;

13va pfula milomo ya vona kukota tinghala leti bongaka,

leti lavaka ku ndzi handzulela.

14Matimba ya mina ma hela kukota mati lama halatiweke,

marhambu ya mina hinkwawo ma gudla-gudla,

ni mbilu ya mina yi fana ni mafurha

lama n'okisiwaka endzilweni.

15Nkolo wa minaVan'wana va ri: Ntamu wa mina wu omile kukota xirhengele,

ririmi ri namarhela emalakeni;

we Hosi, u ndzi tsongahatile ku yisa eku feni.

16Ntshungu wa lavo homboloka wu ndzi rhendzele kukota timbyana,

wu ndzi handzulele milenge ni mavoko.

17Ndzi ondzile, ndzi lo sala timbambu ntsena,

valala va ndzi languta hi ku ndzi honokela;

18

22:18
Mt. 27:35
Mk. 15:24
Lk. 23:34
Yoh. 19:24
va avelana swiambalo swa mina

hi ku hoxa vuhlolotwana.

19We HOSI, u nga yimi kule na mina!

Hatlisa u ta ndzi lamulela, wena u ndzi nyikaka matimba.

20Ndzi ponise enyimpini leyi,

u kutsula vutomi bya mina emilon'weni ya timbyana leti.

21Ndzi ponise emin'waleni ya tinghala,

loko ndzi ri etimhondzweni ta tinyarhi, ndzi lamulele!Kumbe: u ndzi lamulela etimhondzweni ta tinyarhi. Hakunene, u ndzi hlamurile!

22

22:22
Hev. 2:12
Ndzi ta tivisa vamakwerhu leswaku hi wena mani,

ndzi ta ku dzunisa exikarhi ka ntshungu ndzi ku:

23“N'wina lava chavaka HOSI Xikwembu, xi dzuniseni,

xi tlangeleni, n'wina hinkwenu va ka Yakobo,

mi xi komba xichavo, n'wina hinkwenu Vaisraele,

24hikuva a xi solanga loyi a nga nhlomulweni,

kumbe ku n'wi honisa;

a xi n'wi fularhelanga,

kambe xi n'wi yingisile loko a huwelela eka xona.”

25Hi wena u ndzi nyikaka matimba ya ku ku dzunisa exikarhi ka ntshungu lowukulu,

emahlweni ka lava va ku chavaka, ndzi ta ku humesela magandzelo lawa ndzi nga tiboha ku ma humesa.

26Swisiwana swi ta dya swi xurha;

lava va ku chavaka, va ta ku dzunisa we HOSI,

va engeteriwa masiku ya ku hanya.

27Vanhu vo huma ematikweni hinkwawo va ta tsundzuka HOSI Xikwembu, va ta eka xona,

vanhu va tinxaka hinkwato va ta xi nkhinsamela.

28Vuhosi hinkwabyo i bya xona,

hi xona xi fumaka vanhu hinkwavo.

29Vanhu hinkwavo va misava lava tikurisaka,Van'wana va ri: Hinkwavo lava a va dya va xurha

va ta tsongahatiwa emahlweni ka N'wini wa hinkwaswo.

Hinkwavo lava faka va ta n'wi nkhinsamela,

va nga lava hlulekeke ku hlayisa vutomi bya vona.

30Vatukulu va vona va ta n'wi tirhela;

vanhu va minkarhi leyi taka, va ta byeriwa ta yena,

31lava nga si velekiwaka va ta tivisiwa

leswaku hi yena la kutsuleke Vaisraele.