Xitsonga 1989 (TSO89)
143

Xikhongelo xo kombela ku pfuniwa

Pisalema ya Davhida.

1431We HOSI, yingisa xikhongelo xa mina,

rhiya ndleve u twa xirilo xa mina.

Wa tshembeka, ndzi hlamule hi ku lulama ka wena.

2

143:2
Rho. 3:20
Gal. 2:16
U nga tshuki u ndzi avanyisa mina nandza wa wena:

A ku na munhu na un'we la misaveni la nga riki na nandzu emahlweni ka wena.

3Nala wa ndzi hlongorisa,

a ndzi wisela hansi ni ku ndzi kandziyela,

a ndzi susumetela exinyamini, ndzi fana ni lava feke khale.

4Hikokwalaho mbilu ya mina yi hela ntamu,

ndza titivala.

5Ndzi anakanya minkarhi ya khale we HOSI,

hinkwaswo leswi u swi endleke ndza swi tsundzuka,

a ndzi rivali mintirho ya wena ya matimba.

6Ndza ku khongela ndzi tlakusile mavoko,

ndzi langutela ku pfuniwa hi wena

ku fana ni misava leyi omeke leyi langutelaka mpfula.

7We HOSI hatlisa u ndzi hlamula,

hikuva ndzi karhele.

U nga tshuki u ndzi fularhela,

hikuva ndzi nga fana ni lava yaka eku feni.

8Ndzi tsundzuxe rirhandzu ra wena mixo wun'wana ni wun'wana,

hikuva eka wena ndzi hlayisekile.

Ndzi kombe ndlela leyi ndzi fanelaka ku famba ha yona,

hikuva ndzi tinyiketile eka wena.

9We HOSI, ndzi kutsule emavokweni ya valala,

ndzi tsutsumela eka wena, we xisirhelelo xanga.

10Ndzi dyondzise ku endla leswi u swi tsakelaka,

hikuva u Xikwembu xanga.

Moya wa wena hi lowunene,

a wu ndzi basisele tindlela.Van'wana va ri: U ta ndzi fambisa endleleni leyi baseke

11We HOSI, hlayisa vutomi bya mina hikwalaho ka vito ra wena;

hi vunene bya wena, ndzi humese ekhombyeni.

12Leswi u ndzi rhandzaka, dlaya valala va mina,

u herisa hinkwavo lava va ndzi xanisaka,

hikuva ndzi nandza wa wena.